心浮氣燥

其實我份人真係無咪耐性。見到覺得唔岩既野好容易發作。搞到我同事今日都忍唔住分享左佢搭的士既啟發：

同事今日遲到，所以係住處康怡截的士返太古坊。的士佬當然唔老黎。臨尾一收錢就開車走。完全睇唔到有個女人正想上車。可能呢個女人會去中環或更遠，但呢個的士佬就因為心浮氣燥而錯失機會。

我有時見d人講野第3句都未入正體就會話：唔該你講重點好唔好？其實我唔鐘意人轉彎抹角，咁但係好多時d人就唔敢再講落去。

EQ真係有待改進。

P.S. 今日終於用lunch time將四萬多蚊既針藥交左比人。希望就算延長唔到壽命，都可以改善病人生活質數。