La Vie Avec Amusement

Hello Kitty Charms

7-Eleven x Hello Kitty既redemption programs真係玩極都唔厭，而且越來越難換。

今期係呢款係sell開始有點out的charms bracelet。造型算有新意，但往往都係廣告同實物有差距，見舖頭display的真身，睇怕係帶幾日刮兩刮會好易甩色的那種。

廣告拍得唔錯，但最攪鬼既係：一開始我聽到"陳家允同學"，"陳家藤呢"(註：Carin同Carton係我老友Gigi對仔女)!! 結果睇到廣告中筆盒上貼既名，係"陳家敏"。

激情揚帆在濠江

剛收到上海courier黎的年會poster，標題有夠肉麻："揚帆新紀元，激揚2010"

其實office已經蚊型，要搵牆壁去貼咁大張野都有d難度。

不過搬office在即(明年1月底)，先貼一張響我身後，以示支持啦。

無進步

每次落裕利倉做stocktake都會一肚氣回來。

第一年真係差不多破口大罵，估唔到5年後既今日，serve我地account既人轉左好幾手，一樣毫無進步。

一早通知stocktake既日子，上星期連個答案都比埋佢地執出黎點，但佢地唔拖到最後一刻都唔整理，發現問題都無時間解決。臨急抱佛腳，諗掂個解釋都唔會有時間細心double check。

下午我同有上海黎既finance各lead一條team去點，個心"小""小"聲都唯有照將d careless mistakes落晒簿。

同第一年所唔同既係，我已經學懂自我調適無咁慶，因為預左佢地既水平都係咁上下。

粉紅系男孩("乙男")

另一套漫畫改編的日劇。好"Man"的女孩配好"女生feel"的帥哥；真人版選角同漫畫幾似；岡田將生夠高大，唔似Johnny系的男偶像咁一概發育不良，呢條仔會紅的吧。

"眉清目秀"學業優秀""文武雙全"這是如同只存在於畫裡的夢幻般的日本男兒正宗飛鳥(岡田將生飾)。

作為"男人中的男人"，不用說女生，連男生都為之側目。然後,對於飛鳥來說卻有一個不能說的秘密。數年前身為武道家的飛鳥之父留下一句"其實我一直期望能成為一個女人"之後便離家出走。大受打擊的飛鳥之母從此不停的告誡飛鳥"男子漢便要有男子漢的樣子"。

升入高中之後,遂母親的期望,在柔道空手道上均取得了段數，劍道比賽更是全國制霸，然而與其在劍道上的成就相反，私底下，飛鳥卻喜歡可愛的東西，是少女漫畫的大粉絲，還喜歡吃甜的零食，做飯裁縫打掃更是樣樣精通的粉紅男孩。

有一天班主任突然在班上介紹一名新來的轉校生涼(夏帆飾)，一向在外人面前嚴於律己絲毫不外露的飛鳥，卻對涼一見鐘情，而他那埋藏在心底的粉紅心，在那一刻又開始燃燒...

Starbucks聖誕紅杯 

每年聖誕星巴克都會出隻聖誕紅杯mousse pudding。

買左3年，每年既款式都略有不同。印象中以前既朱古力布甸好鬼甜，今年雖然隻杯改變唔大，但裡面變左係紅茶慕司，香氣十足但甜度減半；有進步。

索價$43有點貴，隻杯size只夠裝espresso，無甚實際用途，但一年一次的水魚，買開有種心癮會collect，豪比佢吧。