La Vie Avec Amusement

水曜日, 3月 31, 2010

再到鳥羽

返左黎香港唔夠一星期既Shirley,過兩日又返多倫多了。來去匆匆,拿緊時間約埋Connie,Jeffrey & 阿丁出黎銅鑼灣那間好似鳥良的居酒屋「鳥羽」晚飯。









除我以外,其他人到係首次試食;雖然味道唔及真正既鳥良,但水準已經覺得甚滿意了。

名古屋秘製,手羽先唐揚(甘口/中辛) ($115/12隻),蕃茄沙律($38)
八丁味噌雜錦關東煮[蘿蔔,日本雞蛋,雞肉丸,蒟蒻,高野豆腐) ($68),廬魚七味燒($68)
炸腐皮溫泉蛋($43),八丁味噌焗米茄子($48)









天婦羅腐皮蝦餅($48/3件),燒銀杏($30/2串)
燒雞軟骨($36/2串),燒牛舌($56/2串),燒廣島蠔($84/3串)









咁都未夠,飯後等埋奶奶,過隔離風月堂再隊個甜品。Shirley,得閒多d返黎,希望10月底夾岩假期可以一齊去日本賞楓葉。

上影無期

殭屍男的新作Remember Me,3月中於美加及英國陸續開畫。連我在加拿大的同事都力薦我要入場睇一個殭屍以外的Robert Pattinson。

但,一直都check唔到Yahoo有香港公影日期,甚至去外國既Releasing Dates,亞洲國家不在名單內。吹漲!以佢今時今日既fans base,比幾間院線上畫,點都唔會蝕本啦。

香港唔上畫的話,還會出DVD嗎?

月曜日, 3月 29, 2010

扭計骰廣告

Centrum好幾年無出電視廣告了。今年的起心肝,adapt英國條新片,香港再改pack shot,中文字同錄過個中文配音,今個月17號出街。

廣告主要highlight幾個benefit icons,將Centrum既core benefits形象化;比起之前po過意大利既人體力學廣告,個message更加直接。

已在Youtube發現被人po了上網,唔知呢位有心人是誰?

日曜日, 3月 28, 2010

韓國之旅-茶會

其實話係茶會,應該話係飯局至岩。

今次一行12人,撲機票酒店都攪到Connie頭大。而且回程機個死人agent好似book錯flight,所以家陣應該係嘗試補鑊中,未出到機票。
人多,最好係坐圓枱方便傾偈。順德漁鮮酒家係一個平靚正選擇。

叫既係普通家常菜,係條油浸荀殼魚($12/兩;約斤半)確實炸得香脆可口。









薑汁炒芥蘭($55),麵醬油蜜菜($50)
大良炒鮮奶($80) 順德藕餅拼盤($88)
涼瓜炒魚餅($68),千島明蝦球($98)
馬友蒸肉餅($88),瑤柱蛋白炒飯

附送甜品:五豆粥

土曜日, 3月 27, 2010

歲月神偷

拿獎的未必好睇,但呢套揚威柏林影展既港產片口卑唔錯,所以花$35早場領教。























一套以70年代為背景的溫馨小品,無煽情無激情,以8歲小孩的第一身娓娓道出一個洋溢著親情既好片。睇得出每個人都好用心的演,唔會覺特別慘情,但令人覺得好溫暖。
















電影以既樸素卻又璀璨、既叫人傷懷卻又叫人思念的六十年代舊香港為背景。故事從一個小家庭出發 -- 每天縫製新皮鞋,自己卻永遠踏着一雙破履的父親;樂觀豁達,凡事愛出頭,「女人能頂半邊天」的母親;天賦驕人,文武兼備,對愛情與未來同樣充滿夢想的長子;倔強好奇,能倒轉背誦二十六個英文字母,更能把父母弄至啼笑皆非的幼子 -- 他們在中西合璧、貧富並存的舊香港,如何面對生命的挑戰、起跌與無常,笑中有淚;,淚中同時有笑。

通過幾個主要角色,以及種種的故人、故事與故情,我們回到一個故夢般的舊香港,重新經歷那段什麼都可能、什麼也都不可能的日子:青春是躁動的,成長是甜美的,生命是充滿奇幻與驚喜的。

金曜日, 3月 26, 2010

殭屍男臘像

英國倫敦的Madame Tussauds臘像院的新成員,就係呢年多忽然冒起的殭屍型男Robert Patterson。

個人就覺得唔多似,不過英國d女照瘋擁到臘像都要抽水。

唔知香港山頂的Madame Tussauds會否照板煮碗,等d港女上去"朝聖"呢?

9T3/4聚餐

約左Gigi同Jacky於又一城晚飯,之前逛了個圈,閒著無聊閃入Agnes b餐廳隊杯啡食件cake:

Chloe(hazenut) $48, Lea (Strawberry Mousse) $48
Cafe au Lait $40, Cappucino $40












件cake都未落格,就過隔離Rice Paper晚飯。因為約得都幾急,所以好幾個9T4都黎唔到,人少少就4個黎個UT Phm alumini dinner gathering。
越式鮮魚湯/牛肉湯($58),魚湯帶少少酸好開胃,但個牛肉湯好鹹
柚子沙律($58),蝦帶子脆又脆班戟($98)
馬沙文咖哩牛腩配法包($98),脆脆軟殼蟹米紙卷($78)












越式蝦醬通菜($58),蒜蓉菠菜($48)
買一送一的飲料:

紫羅闌青檸梳打($36),士多啤梨荔枝石榴滑冰($38)












轉左新工既Gigi,大把新職場既奇聞update我地,少有地近11pm先散;不過佢唔知有乜敏感,飯局中睇住佢由皮光肉滑開始,到塊面腫到一舊舊收場。

IMAX愛麗絲夢遊仙境

之前東亞信用卡送的兩張IMAX贈券,一心諗住睇呢套詭異版童話;但3月4號開畫至今,閒日的午間場次都被book晒d好位,要勞動老子親自落去早幾日劃左位先可以secure到後排,真係費時失事。












阿丁係閒日會得閒出黎既首選,既然Shirley剛返到香港,所以多買張票大家一齊入場。

雖然係陳年童話,其實對Alice in Wonderland既故事detail所知唔多,所以睇呢個改篇話小Alice十年後長大變少女版再墮仙境,加埋d人物無甚交代前因後果咁出現,故事有點難follow。















論畫面,3-D效果算係幾細膩,但當然有阿凡達珠玉在前,會被比下去啦。無預期中既黑暗,始終點改篇都係童話為骨幹,比起之前Johnny Depp的"魔街理髮師",算係"正常"的了。

和式燒飯丸:SORA

告左半日假約左阿丁及剛到港既Shirley去Mega Box睇IMAX電影,之前響樓下一層的和式小店SORA食個簡單lunch。
望落去好白色既日式快餐,主打既係用醬汁味飯團切開既"燒飯丸"。












$52 Lunch Set的前菜,燒飯丸及飲品都可自由配搭:

和風冷豆腐+日出和風照燒雞扒燒飯丸
冷烏龍茶












味道唔錯,不過白式店舖有點舊,感覺唔夠窗明几淨;而且Mega Box室內本身都偏暗,更加令人覺得陳舊。