沙啞變有趣

鼻水，咳死。

一開口就異常沙啞，聽落比上星期嚴重；但其實我起碼無發燒，已經覺得好轉左。

今日每個人一聽我電話度開聲，第一個反應都忍唔住笑，之後都係叫我返去休息。

作死，本來要去屈臣氏field visit，都要等好番d先得；咁既病樣，班藥劑師以為我去睇病多過似去囉料。

史柏力魔怪書












唔想響屋企再訓，用埋張Manhattan Card贈卷入場睇呢套魔幻故事。








2:20pm UA Times Square

故事簡單，賣點當然係特技。

男主角係主演過Charlie & the Chocolate Factory和August Rush既英國男童星Freddie Highmore；今次佢一人分飾兩孖生兄弟，一動一靜，演技唔弱喎。








天馬行空既故事：魔幻圖鑑，精靈，妖怪，親情，正邪大戰，皆大歡喜結局......無甚驚喜亦無乜冷場。

幾米10週年創作展

上次同臣哥途經時代廣場已經見到，但夜晚加上匆匆忙忙，無時間停低影相。今日下午重臨此地先可以慢慢觀看。












廣場同樓上2樓都有展覽。唔少女生fans都爭相拍照；老外路人甲唔知幾米係乜水就應該只當雕塑看罷。









當中以"向左走，向右走"，同"月亮忘記了"既展品比較多；幾米作品中，我只喜歡前者，後者讀左3次都無辦法明白佢想講乜。












佢用既顏色非常豐富，但學Connie話齋，幾十蚊買本響誠品打半小時書釘可讀晒既書著實有點貴。

超的式宮崎牛@The SUN

似乎每次搭完長途機返黎都會"領野"，呢兩日發燒發冷，星期五朝仲忍唔住放左自己半日假繼續訓添。

下午好少少死返公司；月頭月尾大把report要交。

放工約左臣哥出銅鑼灣The SUN試一試個和牛menu。揀左既3款唔同部位既宮崎牛鐵板燒，結果實物比睇相細好多；每款4片，只係比張SD card大少少，盛惠$138。

其他既北海道斧飯，三文魚刺身，芒果牛油果卷，醬燒魷魚，雜錦串燒等都係一貫水準。

眼見隔離枱枱都叫既小小玻璃瓶裝芒果布甸，哥仔明明極飽都好奇點解個個都點，結果比我勸止；佢咁高就有quota啫，但我就唔可以過食啦。仲有澳門同台灣之旅黎緊呀。

一撞就5粒鐘

第二朝倒塌咁早3:30pm check out，趕早機由紐約經多倫多返港。

點知好衰唔衰，多倫多大家上晒機關埋機門，諗住無死唔會delay之際，竟然話行李車倒車時碰到個引擎!!

以為檢查一陣可起行，結果.......係全機離開返入候機室，要換過架新機喎。
Shit!!

憑著business class既boarding pass，可以去對面Coyote Jack或Tim Hortons當加幣12元使用；我就唔客氣整個Grilled Chicken Burger加肥死人唔償命既Poutine Fries(炸薯條加gravy加芝士)。

好彩有business class lounge可以打躉，一等就係5小時!!

期間發生段小插曲：過customs時個officer竟然問"From HK's point of view, what do you think about Tibet and boycotting Olympics?"

"My personal point of view: It has nothing do with sports"心底話。

本來下午到港，結果黃昏6點至land；為左見阿烏，飛的士都要入將軍澳!!

不知其味的意大利菜

6pm等下午既智利開完會，大伙連同老細們過酒店對面意大利餐廳黎個group dinner。

雖然落地窗外有自由神像送飯，但近距離對住d大大粒皮笑肉不笑既老頂，食乜都無味啦；只想快快收檔閃人。

好彩坐隔離係美國既meeting planner Patty，佢自從facebook add左我之後，一直都未摸透facebook有乜功能；我一於將佢張相tag上去先。

晚餐食左：龍蝦湯連大蝦尾，意式海鮮燴飯。

份量唔細，味道亦唔差，不過食飯既野，真係好睇同邊個食架。

M&M's World












Hersey's對面就係樓高兩層既M&M's World。

精品簡直琳瑯滿目，如果係M記粉絲一定忍唔住買唔停手。除左有Central Park Green草綠色M&M，獨特顏色既Teddy Bear膠盒裝，仲有整整兩幅牆咁大既唔同顏色既M&M dispenser。

最好笑係買左隻bear bear盒裝朱古力比臣哥，聞說佢公司個個都對M記紙袋眼金金，呢兩日好似特別多人借d意去佢個位度問野添，哈哈；結果有條女終於都開口問佢要個紙袋。

Hersheys

時代廣場有兩家朱古力專門店，其中一間係以售賣Kisses聞名，芝加哥起家既Hersheys。









入到去，除左見到有如子母壽包般，全世界最大粒既Kisses外，更有其他Hersheys精品如啤啤熊，復古包裝，甚至有一台自動跌Kisses落個桶度既Chocolate Machine。

時代廣場

唔係銅鑼灣既mall，而係正印每年紐約除夕夜有蘋果倒數既地方。

週一既下午，街上依舊熙來攘往；同百老匯只係一個轉角。

大都會既鬧市就算人多都無銅鑼灣放工後咁水洩不通；話晒人地條街都闊d啦。