La Vie Avec Amusement

木曜日, 3月 31, 2011

紅箱海

隔壁的建築公司搬office,一出門口就被一棟棟高過人的紅膠箱嚇親!!

家陣13樓只得我們兩家,對面搬走埋就真係靜過鬼,唔知P記會否簽埋全層搬d dept上黎呢?

水曜日, 3月 30, 2011

潮州苑
為左拿Annie幫我訂了,奶奶強烈推介的日本Russet catalog附送的小手袋,特地放工坐巴士到小西灣搵佢晚飯。個袋的monogram花幾靚,雖然好硬凈,略嫌唔夠大,下個月MORE也會送白色的Russet,希望會有驚喜。










呢間"潮州苑"茶餐廳位於小西灣廣場,環境算乾淨,而且超多大小電視包圍,一個人電視送飯都唔會悶。










兩條女唔食得幾多,叫了兩個中式套餐已經飽到上心口;味道一般,頗油。

咕嚕班腩($48),南乳蓮藕火腩煲($48)

印式"行政午餐"?

襯怕辣的Debbie又放假,我地"作反"地再到公司附近的印度餐廳食晏。

上次試過咖哩set,今次黎個所謂的"行政套餐":特色印度烤肉料理($68)

先黎個味道有點怪的芫茜忌簾湯









主菜一大盤,有三款咖哩(魚/雞/雜菜),炸薯餅,烤肉條,白飯,Naan Bread及Poppadum;其實算幾豐富。














但杯餐後咖啡就好唔得,淡過茶餐廳。 
 








餐廳其門如市到嚇人,可能附近無甚印度餐廳競爭,所以不乏等位既鬼佬。

火曜日, 3月 29, 2011

一改再改

最後定案:布拉格!!

唉,長途團最怕d團友只係個個口爽爽,到要confirm時個個縮沙,人一多就越plan越麻煩。我寧願真係孰同埋對自己講過既野有d承擔既人做tripmate,免得幫人做埋野仲要換來一肚氣

日子定了,航班定了,下一步要訂酒店;3-4星,要近市區,待secure埋住宿先安排交通。好彩布拉格城市夠集中,主要景點都聚在河的兩岸,大家行多一點可以唔駛坐地鐵。

去年順手拿的當地旅遊指南,好似預算了自己會重回此地一般沒扔掉,正好用得著。

Morning break....b仔草莓撻

又是蓋印仔$80x10送的,賣相不錯;只是底下的custard有點過稀

不過免費的,要求不會太多,要錢買就另計。

月曜日, 3月 28, 2011

倫敦?

隨住原來的tripmate一個個縮沙,克羅地亞團應該成唔到行;唯有返轉頭諗自由行。

原先訂了布拉格的機票,如果end up只有4個人的小組旅行的話,應該會首選我,Connie同Jeffrey都好耐無踏足,景點多而且溝通方便既倫敦。 只係遲了一步決定去,錯過了上月國泰的平機票,好可惜!!

日曜日, 3月 27, 2011

麥提莎Bunny

去年復活節前出過,只得一批去晒貨就唔返。今年剛見呢個時間限定版又回歸,點都要入點貨支持。

格價後結論:最抵係萬寧($6)[惠康$6.9,7仔更$7.9],但唔係間間有,有買襯手

全家陪追星

林家小小姐係小豬粉絲,大人們平時唔準佢追星的,但偶像黎到自己老豆酒樓既商場,點都力勸林家過黎晚飯,等佢親眼望望個偶像一嘗心願。

席上有林Auntie昨日由深圳帶落黎的潮州茶果,及外脆內超滑的炸豆腐。
麻辣羊肉串($42/6串),花彫醉豬手($48),雞絲粉皮($50),鎮江餚肉($55),四喜烤夫($48),韭黃鱔餬($78),黑醋松子桂魚($105),小籠包($24),上海炒年糕($58),上海粗炒($55)

甜品:酒釀丸子,擂沙麻蓉湯丸

土曜日, 3月 26, 2011

15x也無用

下午小豬於新都城的簽唱會,早上8點多就已有數百80/90後在排隊了。









我當然帶埋烏烏落樓下湊熱鬧;但佢由一臉疑惑到趴低小睡抗議,用行動黎表達佢嫌煩。











豬由3點半簽到我9點多走時還在簽,他誓要簽完先走;下午一度有二千多人,我部Fujifilm 15x的相機也發揮唔到大用,因為人實在太太太太多,兼個個舉牌舉機,真係要在相中玩"眾裡尋他"先得。
9pm人龍由商場排到出地鐵口,利害!!

金曜日, 3月 25, 2011

生日會+歡送會

Recreation Club為12月-2月生日的同事攪個quarterly生日會,5pm先黎切乳豬食燒味真的有點怪。
加埋電腦部Tommy仔今日last day,供獻左7大個蛋糕同12件muffin,好壯觀!!
張farewell卡先利害,外面的信封尚算正常,裡面就........

囍宴賀升職

同事Sinmei升職,下午請晒成條team到附近"囍宴•東丰"2樓食飯。
對住呢一式3款麻甩佬掛畫食飯,絕對收到警惕自己切勿暴食既效果,哈哈。
4人套餐(8折後$538):

老火湯,芥末胡麻醬伴小黃瓜海蜇絲,金牌口水雞,清燉菜膽牛肝菌獅子頭,甜酸咕嚕肉,漁香茄子煲,醬瓜炒仙菇,芝麻白飯

外加散點:

鮮蝦柚子沙律($80),秘製凍豆腐($52),香酥糯米鴨($88),秘製鎮江骨($88),欖菜肉鬆四季豆($68),上湯雙翠($62),大肚婆炒飯($72),欖菜魚鬆大豆芽炒飯($68)
甜品(套餐後特價$20):

私房手採黃金湯丸,紅豆香滑燉奶,焦糖香蕉布丁

多謝Sinmei!!!