La Vie Avec Amusement

月曜日, 10月 31, 2011

Snow Spoon Froyo

行到累,撞入呢間白得很亮麗的Frozen Yoghurt店Snow Spoon Café

樓下是自助Froyo bar,樓上的裝修很clean又帶點華麗,坐在窗邊望住下面熙來攘往的人群食froyo,應該很爽。
我的froyo色彩很欠奉,因為係青蘋果和椰子口味,只加了點點椰絲和碎杏仁片(5000won)。

Sangsangmadang

呢間Sangsangmadang(美麗的庭園)外形已經很吸引,一樓係賣創意雜物。

我的收鑊:很別緻的綠葉膠索條,可以索住電線,headphone線或任何你想加添點綠葉的地方;另外還有不同秋葉造型的memo pad,剎滿一桌似不似落葉?
Pasta exhibition

韓版渋谷

弘大呢一區很像韓版的渋谷,店舖間間都很旺。入夜更是酒吧熱點。

弘大壁畫

市場後方有條壁畫街,在住宅外牆上讓學生發揮藝術細包;有些會顯得有點恐怖,但也不乏卡娃衣的。不過其中有幾幅好似被人刻意在上面塗鴉了,真是沒品



弘大-自由市場

上年也黎過弘大,感覺呢度很有藝術氣息。

週六/日下午在中間空地都設有自由市場/希望市場,再去湊熱鬧
唔少都係學生的DIY,我也買了對手作陶瓷小耳環(8000won),還可以自由配搭左右不同款;呢對主題係狗與狗骨,哇哈哈。

咸興冷麵

夜晚打算去汗蒸幕,所以唔能夠食咁飽,一於去明洞的咸興麵館食個水冷麵(8000won),和含7種野菜的手作餃子(8000won)。香港大部份韓國菜館都只係serve類似soba的平壤冷麵,呢度既咸興冷麵麵身較幼,似素麵,但非常有咬口
老板娘怕客人食得太生冷,不停為我地添加熱辣辣的牛骨湯來送麵,正!!

Star Avenue

Lotte Department Store G/F: Star Avenue;是否有點面熟?秘密花園有一場在這裡拍的。
如果係張根碩迷的話,呢度一定令佢地好興奮;因為張生係大堂正中,有埋佢既手印。其實家陣整個首爾都可以見到佢蹤影,真的有夠跨張。


在Star Avenue可以問站在旁邊的小姐拿個膠星星(任何Duty Free代言人都有,我當然選了社長),然後寫少少message掛上去個鐵架上;見到我寫了甚麼嗎?哈哈....

日曜日, 10月 30, 2011

明洞街頭的兩溝小食

炸薯片包腸(2000won)!
好一個cross over,之前在旅遊節目見過,終於可以試到。

新"本粥"分店

在酒店後街開了間新的本粥,裝修當然新派好多。食左咁多人拌飯燒烤,清一清腸胃黎碗鮑魚粥(10000won);很大碗,而且比香港的粥"杰"很多。




呢間新本粥,連麵食都有。見點內唔少人都食麵,第二日中午特地回去再試埋個松茸牡蠣刀切麵(9000won),很清甜麵質很滑,蠔仔也很大隻。Connie的蕎麥拌麵(7000won)則太多辣醬,辣到飛起!!三色餃子(6000won/9隻)皮很薄,不錯。

Ibis Seoul 明洞

回到首爾,入住上年也住過的明洞IBIS,地點實在太方便,機場巴士站在樓下,對面係血拼的樂天Duty Free。

不得不讚Ibis的早餐,比想像中豐富得多而且有點水準;以商務旅館黎講算係很不錯。可能有一半係住客係日本人,所以頗有日式酒店早餐fu。

無名小店

連續兩晚入夜後經過呢間落地大玻璃窗咖啡店都覺得很好fu,決定全州最後一夜晚飯後去試一試。呢間舖沒有名字,餐牌也只寫上"Coffee & Tea";來杯很rich的Caffe Mocha(6500won)。


咖啡店內有一頭巨型的鬆獅狗,巡了兩個圈又停低眼定定望住人家的cheese-cake;超可愛!!(可惜佢唔多搔我,因為我地齋飲)

禮家

在全州最後一個晚上,繼續在韓屋村搵食。

我地都係judge外觀而選餐廳,結過撞左入呢間食烤免治牛肉的店"禮家"。庭園一派傳統風,室內牆上掛滿唔知是否老版一家的陳年舊照,很有味道。



我們點了免治牛肉扒配小的山菜拌飯(16000won),外加多份牛免治(9000won),水冷麵(6000won);烤免治牛雖然稔,但用燒烤的包生菜吃感覺有點怪。反而冷麵很彈牙,面頭加了韓式辣醬,添加了冷麵既味道。

土曜日, 10月 29, 2011

樹瑞

韓屋村有條銀杏路,地標就係呢棵500歲的銀杏樹!!

它經歷了5個世紀,好利害!!

未護膚前先出血!!

三個女人在樂天Duty Free可以買多少護膚品?答案係US$2300!!!無睇錯,係美金。

主要攻MISSHA美思系列同雪花秀;尤其是前者,價錢比香港平差不多4成而且credit card再有85折!!

現在樂天百貨公司買滿1000美金就送30000won可以在百貨公司繼續消費,我就拿去再殺多枝eye cream。
張卡用後無用,有無人岩宋承憲?

東東酒

全洲都唔覺,但去到內藏山就見差不多人人都飲呢種叫"東東酒"的韓式濁米酒。我地入鄉隨俗叫了一大碗(10000won)來試.....味道嘛,似放久了的雪碧!!不過酒精應該唔太低,因為Connie半碗都飲到面紅。
路旁也有很多食店,有間門前豪邁地在煲一大盤骨湯,同燒完隻山豬,就騙了我地入內幫襯了。

其他菜式也很不怎麼樣,最貴的釀魷魚(20000won),人家日本仔釀米飯,佢就唔用番魷魚鬚同一堆不知名stuffing,又硬又怪。山菜拌飯和海鮮煎荵餅也比較油,不過山腳下餐廳間間都望落麻麻,好一餐唔好也一餐吧。

內藏山

第二日行山之旅,坐巴士到井邑再轉地方巴士到內藏山追楓。那裡雖然只紅了1/3,但一條楓樹小徑比之前的馬耳山有睇頭。

內藏山因有一條被紅葉覆蓋的「丹楓走廊」,只紅了1/3加埋weekday都一大隊遊人來賞楓,11月初全紅期應該會迫到似行年宵。



排隊坐吊車上山上瞭望台,但上面的露台竟然係間小食店所有;為左個view,我們用市價5倍的5000won買了碗魚蛋湯坐低!!

再刮魚鱗

今晚在東大門的Havitz spa度付2000won等豪邁地穿著不襯色廟街內衣的"阿豬媽"做個15分鐘全身scrub;感覺自己是條被刮魚鱗的魚,但事後死皮盡去感覺爽爆!!
出去休息area來個韓式甘酒(2000won)和煙燻蛋(2000won/3隻),再加埋韓式包頭造形,有無"秘密花園"的fu?

木曜日, 10月 27, 2011

教洞茶園

吃完蟹,見對面內街的韓茶室很別緻,柴娃娃去飲杯店主自家製的黃茶(5000won/位)。

脾氣有點古怪的點主,穿到成個茅山道士咁;教了我如果斟茶後,就"assign"了我去serve大家!!

而那3000won的韓式小食,連包裝袋拿來要我地自己倒入碟,小食就算唔係自家製,都不用這麼明顯地是超市貨品吧!!

全州香

晚飯返去酒店附近的韓屋村,一間叫"全州香"的醬油蟹專門店試試韓式醬油蟹。

套餐(18000won/位),每人有半隻醬油蟹;那蟹的size比手掌更細,靈魂是底下那醬油,配生洋荵送白飯包住紫菜食才是正統食法。

我反而更欣賞那煎得香脆的黃花魚

人參天婦羅

沿著大路行落山,沿途都有唔少小吃店。

發現睇怕只有韓國才有的人參天婦羅(1000won),補唔補係其次,味道很不錯,條參很稔,又唔覺油膩。

馬耳山下的陽光午餐

山下一列土產店,我們選了比較企理的坐在戶外享用午餐。背後暖暖的陽光,感覺好舒服。

韓食來來去去都變化不大:山菜拌飯(8000won),石頭飯(9000won),大醬湯(7000won),野菌泡菜煎餅(10000won); 有點肥但很香口的烤黑豬頸肉(10000won/細), 包生菜食一流!!

塔寺

位於馬耳山腳,在母馬耳峰南面,屹立著百多座石塔;歷年來經歷暴風雨也未有倒塌。看來很雜亂無章,那石塔有點聖家堂的fu。塔寺石雕雖多,但無甚主題;最騎呢係連snoopy都有!!


雖然很多上了年紀的韓國"阿豬媽"在石級上健步於飛,我地呢班"打壞後生"自問無咁既腳力,到了塔寺繞了個圈就下山了。

紅葉迎楓

其實要11月7號先會滿山紅,我們是早了一點來,所以只見幾株見得人的就喪拍。





馬耳山(南)

在全州坐50分鐘巴士,就到達馬耳山(Maisan)的南部停車場。

呢兩座遠看似一對馬耳朵的雙峰,可以從中間那"事業線"中行過去北邊;但我們未想挑戰自己體能極限,所以只在山腳上行25分鐘到塔山就折返。只見到其中一個"母馬耳峰"的背面。




杏園

首天晚飯,豐富點來個韓式set dinner(120000won/4人)。
傳統的韓式個室,很cozy;不過整晚屈膝而助真係食得有點辛苦。比起去年在首爾試過的所謂宮庭宴,呢餐韓式set dinner海鮮比較多,不只是泡菜巡禮;價錢都係HK$210/一個人,唔貴。魚生很鮮味,而那略帶amonia味的魔鬼魚(右下角),聞說韓菜中算名貴。

 
韓國人食飽飽,才用泡菜送白飯+海帶麵豉湯;最味用有如咳藥水味的五味子茶作終結。

水曜日, 10月 26, 2011

Cham Cafe

韓屋區有很多特色咖啡室,行得累隨便到樓上cafe都發現很不錯的小店。最殺食的當然係靠窗位置,望住對面的慶基殿嘆鬼佬涼茶,爽!!

白牆上手畫了咖啡點的floor plan,很別緻。一杯Americano在手,就算一個人都可以舒服地hea好耐。