貓頭鷹襪

兩隻唔同顏色嘅貓頭鷹襪，揍成一對好可愛！

備疫

平時好少病(touch wood)嘅我，家中連探熱針都冇……周圍斷貨竟然比我在豐澤online買到……連花清瘟也在裕華online訂了(雖然街房有貨但怕係假)。梁師奶唔食得連花清瘟因為太寒涼，買埋Lysozyme比佢看門口……好彩佢去年多次出入醫院HA比大量paracetamol，唔駛買必理痛。

魚湯芫茜麵

預咗遲早要居家抗疫，買定啲乾麵以備不時之需。

之前吃過大囍慶的芫茜魚湯麵，見到梁師奶樓下有永樂粉麵廠的「濃香魚湯芫茜麵」，買來比較一吓。芫茜味唔濃但麵質明顯較滑，梁師奶秒答這個好食啲……等我試吓永樂的其他口味。

對IU共飲

濕冷天氣好想食韓食，杯裝叮叮年糕配西柚味真露👍兩技果味真露加兩小酒杯禮盒裝才$29唔貴，但隻杯迫我望住IU飲……下次換個Oppa代言人唔該！

看門口

比起政府醫院的戰場狀態，私家醫院暫時尚算寧靜。順便買多幾個快速檢測kit看門口，$80唔算好平，但感覺在醫院內的復康店買，比街房有信心些。

快速檢測

睇醫生前姑娘要自己做個快速檢測，入診所要展示當日的陰性結果……

日落尖沙咀

疫情越來越嚴重，如果唔係要覆診，都唔帶梁師奶坐巴士出門……

Earl Grey鳳凰卷

新口味的Earl Grey鳳凰卷，好香茶味，不錯！

升白針

梁師奶出院後要連續三天幫她在肚皮上打所謂的升白針來提升白血球水平。極怕打針嘅佢，交由我操刀……枝針短而幼，痛得去邊呢？補牙咪仲痛。

未能盡素

之前吃過這款微波藜麥花椰菜飯，係健康啲但味道有點寡，今次加料韓國蟹肉好味好多！

木梳

淘寶新手試淘了把譚木匠木梳，雖然香港也有很賣，產地直送打八折；好喜歡那個薄荷綠的木梳小袋。

環保外賣

帶個保暖壺去雞功房買瑤柱客家鹹雞粥，環保外賣，心安理得。

美都

之前一直想試呢間古老唐樓美都餐室，尤其吸引是二樓的七彩大窗雅座；雖然網上食評毀多於譽……室內仲要有個「禁止拍照」臭寸標誌……疫情下望吓那歷史建築外觀和地下的手繪壁畫算了。免得冒捲入好像隔離球場那繞蛇餅排隊的強檢人龍的風險，入去堂食。

The One Bakery

之前在對面馬路返法文每星期經過但未幫襯過的 The One Bakery，今日見到門口的Crème Brûlée包好吸引，入去再被那港式Croque Monsieur的太陽蛋魅力電親，一併打包！

師奶三餸飯

之前東張西望介紹的排隊兩餸飯店權發，經過見佢剛開店人龍未現前(當然小菜選擇唔多，師傅在廚房仍大炒特炒ing)入去打包盒三餸飯外賣：鎮江黑醋排骨，南乳雞翼，粟米炸魚塊。

十數鐵罐

呢兩年都不宜拜年，見到可愛的禮盒也是自己獨食(當然係藉口)。相比起朱古力餅乾，那兩個存氣鐵罐可以當Tea Caddy才是賣點吧！

盆滿缽滿

唔應該食肥膩嘢嘅梁師奶，竟然自己買盆髮菜冬菇元蹄！我問佢會唔會太over了，反而被她搶白：當然剪走哂上面層皮，你當你老母白黐嗎？(反眼🙄)佢食得高興就好……希望今年橫財就手，盆滿缽滿！

立春招福

立春，凍冰冰來個暖心招福抹茶紅豆包。

步步糕升

初四早餐，祝今日開工的朋友步步高陞！

花花生肖

花碌碌的生肖，竟然有點西班牙Gaudi的味道……

切開的惠方卷

今日節分，應吓傳統撒黃豆，向北北西吃惠方卷。

話說去到Sogo見到惠方卷個牌但下面全是切開哂的太卷，我捉住個寿司部員工問邊有人切開惠方卷咁大吉利是？佢馬上去廚房即包條原整的比我，真係新來的……

金銀滿屋

雖然沒有煎堆碌碌，有金黃香脆嘅酥炸廣島蠔及忌廉圈卷開年，一樣金銀滿屋！💰🏠

京干菓子

開年抹茶，配京干菓子。龜屋良長的百寶袋，使用和三盆糖模具製作的和菓子：小寶槌、金囊、卷軸、隱形蓑衣、米袋、金幣、七寶、小梅、彩球等吉祥物大集合。

宅新年

又一年好宅的農曆新年，祝大家心想事成，身體健康，大吉大利，All the good fortune and health in Year of Tiger🐯