La Vie Avec Amusement

土曜日, 6月 30, 2012

三號風球下的小菜

昨晚掛了三號風球,但舊同事生日飯風雨不改,到觀塘成業街的工廠區,裝修不錯的百味王火鍋酒家食小菜。
冬瓜盅加燒味拼盤($118),上湯海蝦伊麵($98),琵琶豆腐($68);碟頭頗大,味道也,算不俗啦。

金曜日, 6月 29, 2012

抹茶紅豆星冰樂

星巴克新出的Frappacino。抹茶味唔太苦,而且紅豆又多又大粒。

好飲!!

七夕蝦餅

奶奶在東京帶回來的手信:七夕蝦餅!!(日本的七夕是新曆7月7號);當中有兩塊牛郎織女造型的,很可愛!! 
很喜歡這個日本品牌的蝦餅,不時推出應節期間限定版。

睇怕應該也有出Skytree版本吧,那蝦餅咪好長?!

木曜日, 6月 28, 2012

團友聚會

昨晚多謝台北團友們的請客,到Piann度開餐兼探探波士和阿Moon!!
兩兄妹呢排一定陪Piann兩公婆睇波,有點睡眠不足呢,哈哈。
雖然明知吃太多麵包會影響之後胃口,也忍不住隊了兩塊新鮮熱辣的home-made bread
除左餐本身的menu外,另外添加了3打澳洲生蠔,很新鮮,海水味頗重。

第一頭盤:香煎鴨肝拌蘋果陳醋,Ibelico風乾火腿配蜜瓜
野菌松露忌簾湯。
第二頭盤:Portebelle菇焗釀蝸牛,雞卷釀帶子魷魚慕司。
夏日氣色很濃的荔枝雪葩
主菜:M6和牛Rib Eye皮脆肉鬆化的法式油封鴨腿,很明顯"upgrade"了的King Prawn(其實是龍蝦吧!)。
甜品:Apple Strudel。

水曜日, 6月 27, 2012

當廖太遇上Baby

六月份的廖太聚會,繼續支持Baby(哈!),到iSquare的Baby Cafe;貪佢地方夠大,服務態度不錯。
是日餐湯的牛尾湯確實有點鹹,不過口感不錯。小號的牛角包一貫鬆軟,餐茶是不太甜的荔枝茶。
均一價$118的晚餐主菜:鐵板牛肩扒配日式燒汁,比目魚配刁草芥末子汁(底下深紫色的是蕃薯蓉),Baby三食,北海道十勝芝士忌廉海鮮義大利飯。
 iSquare店特有的甜品:Baby海綿蛋糕(Lemon Cheesecake)+青檸雪葩($48),黑朱古力百爵茶慕司蛋糕($48),造型同味道都特別的玫瑰棉花芝士餅($58)

弘曆的Secret Garden

Training完之後到尖沙咀藝術中心參觀了剛開始展覽的"乾隆皇帝的秘密花園"。

「乾隆花園」即寧壽宮花園,位於故宮東北隅,是乾隆皇帝為自己精心打造的一個退休頤養的天地,亦是故宮一個從未對外開放的秘密角落。
不單只畫工很精細,很多玉石雕刻也嘆為觀止;$20入場費絕對值回票價,可惜展覽品不能拍照。

月曜日, 6月 25, 2012

Zipfer??

這兩天都跑到沙田大學站旁的Hyatt Regency training;這應該算是最偏遠的凱逸吧。由家坐的士來也大半個鐘,公司應該是以budget掛帥才選這裡。
這個training也蠻有趣的:三十多個亞太區唔同部門嘅經理聚埋一齊,大玩一間虛擬公司"Zipfer"的board game;有點像大富翁! 午餐是典型的meeting package buffet,選擇唔多,不過味道還算OK。

日曜日, 6月 24, 2012

裸廚Sell相機

地鐵見到英國的Jamie Oliver和女兒親子樂整餅,大sell新的Nikon相機

呢位仁兄真係由𡃁仔睇住佢結婚生仔,身型也每個series都漲了點,越來越"佬"樣。當然同女兒親和力十足,但點樣刺激購買相機的意欲,真係有點大纜都扯唔埋

土曜日, 6月 23, 2012

輕食牛丼

Facial後無乜胃口都要食咗先入將軍澳,碟頭唔太大,味道不俗的近近地就去"一門"。

燒牛柳粒丼套餐($78),牛粒厚身但唔韌,而且有梅子味道減低肥膩感。

金曜日, 6月 22, 2012

自然瘦

呢兩個星期下來,瘦了數磅;因為心理壓力實在太大啦

日日去梁師奶屋企前,都擔心入門口唔知烏烏情況點。晚上回到家,又怕烏烏半夜會痛;睡得唔好,胃口也差。

雖然烏烏食緊幾日消炎藥加針灸,不時仍然會痛唔比掂,食野都無以前咁貪食,而且行路仍有點曲背。

痛症真係好難攪,今次好似比過往嚴重呢。梁師奶終日在家守候,其實比我心理更唔健康。

下月頭西班牙的細舅父會來住,緊接之後加拿大的小表妹Jennifer也會來數星期。當然佢地對住日日愁眉苦臉既梁師奶會很掃興,但希望多個人開解佢,等佢唔會成日自己多愁善感地對住烏烏。

木曜日, 6月 21, 2012

香料午餐

公司樓下,開左間地中海菜Taverna,午餐價錢唔平,$70-$78,食西班牙海鮮炒飯要等25分鐘兼$280兩位份,呢個價錢,不如去El Cid食!!

試左個"羊肉腸配阿拉伯飯"餐($70),飯粒幼長而乾身,香料味很濃。羊肉腸味也濃,整體普通。
服務態度也很麻麻,睇怕都唔撐得好耐。

水曜日, 6月 20, 2012

乜都有得賴

呢兩個星期,烏烏的情況很反覆;一兩晚睡得不錯,但忽然又會痛到半夜紮醒哀鳴。梁師奶固然很折騰,我不是同住也難免憂心忡忡。

西貢診所那邊話用藥都係那些止痛消炎藥,因為口服消炎藥才兩天,觀察多一陣子先。

佢雖然唔係內臟出了甚麼毛病,但這麼日日ups & downs,身心也很疲累

最離譜係佢blame我閒置於電腦上,早前參觀"大英博物館-神禽異獸"的書籤;大佬,有信仰既,把口話唔應該拜偶像,如果佢唔信那"偶像",怎麼會覺得連個書簽都會影響佢家宅平安?咁是否我連埃及獅身人面像,中國的金龍/麒麟書籍,也一概不能帶入佢家?

火曜日, 6月 19, 2012

愛心湯水

止痛藥唔肯食,好彩尋晚那隻消炎止痛的Petcam食晒;今日烏烏比較精神,但始終兩手及頸有少少震,所以下午早放了再帶他到西貢揾Dr. Mike
唔駛再照X-ray,因為係軟骨壓住神經線問題;唔會照MRI,因為在脊骨動刀風險大。食多一個星期Petcam加muscle relaxant Diazepam 2mg,再回去復診減dose。

呢兩日個死仔唔多肯飲水,梁師奶煲咗愛心湯水紅蘿蔔煲去皮雞胸,佢就拿拿聲飲晒!
最吹漲喺梁師奶話昨日急起上嚟用了內地雞胸,怕有荷爾蒙;轉用有機雞煲比佢飲,內地荷爾蒙雞胸我哋食!

針灸實錄

很多朋友都好奇狗狗怎樣針炙,這是早幾年壹週刊的報導,是Pet Central另一位老資格動物針炙師。

烏烏唔係睇呢位,是同診所的另一位法國竹星仔Dr Fred。希望針炙真的長遠可以減少佢吃止痛藥吧。

月曜日, 6月 18, 2012

亞洲家族

在家磨了一整個週末守候住烏烏,昨晚約左放大假的Charlotte出去銅鑼灣告士打道巴士站後的星馬菜"亞洲家族"晚飯。
主打的海南雞,晚市無雞飯套餐,散點半隻$138,另加$18雞油飯。雞算嫩,但就有點over-priced。
馬來亞風味炒蘿蔔糕($68),新加坡蘿野(即蝦醬炒生果及油炸鬼)($58),熱薏米水($18)
甜品轉陣過隔離的Baby Cafe,銅鑼灣店的甜品menu選擇真的比iSquare少:北海道3.6牛乳木瓜配檸檬啫喱($35),冰鎮燕窩雲喱拿雪糕($35),那冰兜內有 LED小燈在底下變色,很gimmick。三色冰沙(草莓/芒果/奇異果)($28),Cappucino($28)

心理壓力超大

烏烏呢個週末都麻麻地,藥力一過就會痛,最慘係試左好多方法都餵唔到佢食藥。

針灸不能太密,昨晚睡不好連帶梁師奶也擔心得訓唔好我都無咩心機啦,日日只係望佢訓得食得屙得,心理壓力超大。

為梁師奶早晚對住;其實骨刺痛又唔係咩太大病,點解可以咁纏擾?梁師奶已經在教會義工度暫時轉做sleeping member,好彩我呢排都唔駛點出差。

日曜日, 6月 17, 2012

真的太"晚"了點

社長入伍都大半年,韓國獲獎,香港等了又等都上畫無期。估唔到熱辣辣嘅夏天,先排到香港7月5日上影呢套社長及湯唯的"晚秋"。
雖然等到期待減淡,但社長型仔造型還是會掏腰包入場的吧。

土曜日, 6月 16, 2012

咎由自取

烏烏今次頸痛發作,攪咗成個月,又針灸又頻頻睇獸醫,情況未見改善,反而痛得密咗。
唔關獸醫事,係個衰仔自己攞嚟衰。

點解?

佢尋晚針灸咗,以為舒緩啲,止痛藥已拿了液體,撈落粒粒比佢食,佢好似怕我哋毒害佢咁,將啲粒粒"fik"落地慢慢挑。平時食一分鐘嘅粒粒,食足十幾分鐘!

瞓咗一覺本來精神好地地,又係唔肯食藥大力"fik"個頭,結果唔痛變劇痛,又震又流口水,我硬用針筒射止痛藥入去,佢捱了個多小時先無咁辛苦。

呢啲唔係自己攞嚟衰係咩?

佢早上比梁師奶足足訓話咗個多小時,話太種佢攪到佢咁任性喎。

金曜日, 6月 15, 2012

Lolita Baby

中午和BT的同事拉大隊出銅鑼灣廣場2期地庫的Baby Cafe吃那$88午餐。呢間分店無輪面積和裝修都及唔上尖沙咀店。主打的Baby相唔係"Audrey"造型,而係"Lolita Baby"。
牛油味香的牛角包,蘭度豆湯,凱撒烤雞沙律。
燒紐西蘭羊架,燒西班牙黑豚(肉很厚),美國鐵板牛肩扒,比目魚配刁草芥末子汁,和太heavy了點的鵝肝墨汁義大利飯
Angela三食(火焰鮭魚腩,磯邊揚春雞柳,鵝肝野菌義大利飯);Baby三食(日式黑松露炒蛋,火焰鮭魚腩,香草蕃茄意大利粉)
加$18可能轉沙冰或特飲,我選了"白朱古力冰沙",香而唔太甜,不錯。

木曜日, 6月 14, 2012

宜今不宜古

言生,元暢,女神,華哥及君如的古裝電影"花漾",因上海電影節宣傳而陸續有promo曝光。

但見到言生及元暢的造型......只能夠話古裝真的令兩位台劇偶像跌watt了

上畫時應該還是會入場支持,但就期待不大。

水曜日, 6月 13, 2012

連打三針

本來以為針灸可以減少烏烏食止痛藥,不過呢兩晚晚飯後都見佢唔舒服;昨晚直頭痛到頸同左手都微震。

無計,又飛的出旺角Pet Central睇夜診。

剛巧當值的,是去年11月驗血報告有問題,把梁師奶和我們嚇得半死既Dr. Dave;呢位醫生雖然算高級,但就比過往見的獸醫嚴肅。幫烏烏打了三針止痛,又拿多點止痛藥在家看門口。

烏烏昨晚訓到,不過今朝唔知是否藥力未過還手軟腳軟,食野都無乜力。雖然知道脊骨問題都係長期病患架啦,但希望唔好發作得咁密。

火曜日, 6月 12, 2012

Dancing Bears

太古坊不時都有些"疑似藝術"的展覽;令辦公大樓多了點生氣。

林肯大廈天橋新展出的"與熊共舞",大大小小的北極熊姿態可愛。

月曜日, 6月 11, 2012

終於開Counter了

見臉書的"薑心比心"剛update了,終於都開竅識得在AMBA意舍Lobby旁開設counter。其實一早就應該咁做,整間酒店都用呢個台灣品牌的amenities,做足了sampling,但很多旅客唔會識得揾佢專櫃的嘛。
如果唔係上次到信義誠品樓上逛逛,都唔知佢原來有咁多產品啦。

奇又奇在佢自己放上網的相拍得那麼朦,似用手機偷影般

不過話雖如此,下次我仍會到誠品買的;話晒VIP未必在AMBA有打折,而且推廣應該也較多吧。

日曜日, 6月 10, 2012

皇家Three Cheers

呢個星期,各台都勁播英女皇鑽禧特輯,及唔同嘅皇室documentary。除了很多珍貴的舊記錄片外,竟然聽到多年無聽過嘅"Three Cheers":

Pip Pip....HOORAY
Pip Pip....HOORAY
Pip Pip....HOORAY!!

而且還是出自英國御臨軍的口。

真係好似除咗英國外,未聽過其他地方用呢個來慶祝。我也是廿多年無見人講了。

相信應該係地道英國的傳統吧,就如日本仔的"拍手禮":拍拍拍,拍拍拍,拍拍拍,拍!

土曜日, 6月 09, 2012

師兄

真係廿年無見嘅藥劑系師兄D So大學幾年的chem lab notes,也是多得他"傳承"了給我參考.....嘻嘻,還娶了當年有"UT周慧敏"之稱的多倫多大學校花做老婆呢。

估唔到轉行去了San Francisco打臉書的工(Cool)!
出差Manila回程途經香港停兩天;咁耐無見,也是多得臉書約出嚟tea一tea。懶得再揾地方,又回到Babycafe整多杯"草莓西柚波蘿冰沙"($28);很消暑。

Baby Lunch

見網上comments唔錯,襯約咗人在尖沙咀下午茶,順便出去iSquare新開的BabyCafe試試。內裡裝修黑白為主,古典中很cyber fu。樓面有很多侍應,服務態度以今時今日香港的"低水準"嚟講,算做很不錯。
當然放眼望去,滿滿都係Angelababy的大頭照。講真,我唔係麻甩佬,都覺得呢幾個"Audrey Baby"的造型好鬼得。
平日的$88 Set Lunch,週末就用晚餐價$118響用。雖然無咁抵,但質數不錯。

黑松露野菌忌簾湯,很creamy。那跟湯的迷你牛角包也很香脆!

主菜好多選擇,點了個"法式油風鴨脾"估唔到有兩隻,份量很夠;當然同Andy師傅的名菜無得比,肉是有點鞋,不過味道唔差。
餐飲是冷或熱的洋金菊;咖啡茶都要加錢。

金曜日, 6月 08, 2012

巧遇

下午告了假帶烏烏到西貢Pet Central針灸復診。拖住個袋去碼頭的士站途中,竟然遇到西裝骨骨嘅余經理和佢老婆!

本來遇到同事唔應該訝異,但佢下午是沒有告假的噢。我都一早響晒朵話今日帶烏烏去西貢㗎啦,乜咁大意都唔避開吓呀。

木曜日, 6月 07, 2012

街坊海鮮生日飯

今個星期Carlos牛一,昨晚telecon到8pm,晚一點約埋大半年無見既Amy在家附近的"金凱鮮庭"吃海鮮慶生。

卡生剛轉了出來做左兩個月藥廠,似乎甚唔慣;那真的要睇睇當事人有無耐心比多點時間看清楚個大環境和自己想去邊了。
呢餐的重頭戲:$398的加拿大蟹,頗大隻,肉質也鮮甜。送了四隻翡翠螺。
芝士焗生蠔($78),蒜蓉海中蝦($78),豉汁蒸聖子($108),豉汁蒸班塊($78)
海鮮汁伊麵($22),蒜蓉包($20),粉絲蝦米雜菜($48)
開了兩枝白酒,$128/枝,唔貴。而且全日免加一,雖然煮都唔算有咩技巧,但求食材新鮮。

水曜日, 6月 06, 2012

捨"愛瘋",要"白莓"

公司的黑莓plan到期了,可以選擇轉"愛瘋"還是黑莓的新型號

一向不是生果牌的支持者,覆email當然黑莓的鍵盤更快更實際,最重要是 contract的local HP technical support不支援公司愛瘋,即有甚麼軟件問題自己同global解決。

決定還是轉"白莓"一新耳目吧。(Blackberry 9900 - White)

火曜日, 6月 05, 2012

非燒肉Lunch

因為電腦仔Jackie幫我私人set up了部腦,為左慰勞佢請佢食晏,順帶和BT的同事約了到銅鑼灣"伊呂波"來個燒肉lunch。
我唔再食那食過N次的抵食燒肉套餐,寧願試個"三文魚三文魚籽丼/煮牛肉定食"($90);刺身算新鮮,牛肉鍋雖然份量很少,但牛肉很稔,送飯剛剛好。

月曜日, 6月 04, 2012

迎"新"宴

QA同事Tiffany上星期正式歸入我們division,雖然唔算"迎新",都應該坐低來餐Welcome Lunch。
Watermelon, Cherry Tomato & Cucumber Salad

Crispy Skin Sea Bass ($138), Tamarind & Orange Glazed Game Hen ($158), Grilled NZ Rib Eye ($178),和Sinmei必點的House Mussels Pot ($198)

甜品:Strawberry & Almond Short Cake