La Vie Avec Amusement

金曜日, 12月 31, 2021

叮噹口罩

雖然屋企已經囤積好多口罩,經過Donki忍唔住入多盒叮噹口罩過年!

即食年越蕎麥麵

聽住知恩院108敲梵鐘,在家吃個年越蕎麥麵配柚子甘酒!

為了2kg

食飽飽用疫苗優惠免費入場逛工展會,其實非常目標為本,只係買了食開的2kg蜂蜜,捧住行返炮台山!

湊湊除夕

除夕火鍋,唔想同人迫提早5pm食!樓面唔夠人手,也有時限兩小時交枱,好彩服務仍然唔差。養顏骨膠原雞湯和鮮菌鴛鴦湯底,也不及那杯鴛鴦大紅袍沙冰咁吸引!

Ta-Ke

大晦日午餐,同老好舊同事去Ta-Ke吃日本料理。五個人罷平六個餐,因為個量唔算大。Festive lunch買一送一,再加個和牛寿喜燒……高高興興結束2021。

木曜日, 12月 30, 2021

辦年貨

襯今日人潮冇咁多,去辦吓「年貨」…玉乃光純米大吟釀,明晚即食版的年越蕎麥麵。同一枝清酒,Donki同Sogo價錢相差近一倍,令人儍眼。明天兩餐也約了朋友,為免吃不到蕎麥麵,買定個平嘢當宵夜也好。

水曜日, 12月 29, 2021

假得好認真

早一點再訪IFC襯冇咁多人入埋去車箱內看看,感覺比在箱根Lalique博物館內那架車箱窄很多,果然呢架係假的東方快車,可能只有那些櫃內展示的才是真品!他們假得很認真呵,令人讚嘆!
在指定位置收集齊QR code stamps可以有兩個自己壓的記念coins,幾有心思。

火曜日, 12月 28, 2021

蛇Dessert

同Rebecca兩個嫌食蠔唔夠補,再續攤去上環搵蛇王林!

年尾蠔Lunch

舊同事們2021最後一餐Happy Lunch,食蠔啲!炸珍寶蠔+蒸廣島蠔,鮮味!

清酒試飲

晨早流流就隊清酒!時代廣場5樓的Pop Up店打造出日本橫丁feel。主要介紹佐賀県產的清酒,有兩個價錢的試飲,選了$120/3杯的純米大吟釀,由比較dry的3到比較甜的-4也有。職員盡責的詳細介紹,再醒多兩小杯,包括好特別的香舊味清酒!
唔講唔知,香港原來也有產清酒; 酒廠在大嶼山,加入奇楠沈香,叫謙(Him)和可(Her) 。

月曜日, 12月 27, 2021

專心睇Show

為咗Encore 8pm精彩的鐳射燈光Show,約了沙律Annie再逛聖誕市集兼池邊快餐。市集的飄雪效果原來係番梘泡……今次換了另一批舖,買了隻土耳其手繪小碟同開心果朱古力,日本鈴蘭及紫藤線香。
燈光show今次決定收埋手機不拍攝,專心欣賞。

土曜日, 12月 25, 2021

蛇羹下午茶

去到上環食晏不忘帶碗蛇羹比梁師奶下午茶。

聖誕生日Lunch

聖誕兼幫沙律慶生午餐,去「尚善」吃日本料理。整間餐廳假期都係得兩檯客,感覺上份量細咗,那個廚師推介刺身寿司定食以前會食到好撐,而家只係夠飽……定係我大食咗?

Stollen早餐

聖誕日早餐: Stollen! Merry Christmas🎅

金曜日, 12月 24, 2021

聖誕曲奇

多謝Marinda的薑餅人同聖誕樹曲奇!🎄💕

月老電影

平安夜竟然係同Rebecca吃娘惹菜撐檯腳兼睇「月老」!「雅娘」味道不錯,大蝦滲滲喇沙,班蘭架央多士,星州香煎蛋包蘿蔔糕,雞肉豬肉沙爹,班蘭拉茶,同送的甜品椰汁渣渣。
電影似乎跟小說改動很多,雖然之前除了小說連舞台劇都睇過,但套戲真係好多情節都很陌生……

木曜日, 12月 23, 2021

藝遊京都

海港城的「屎尿屁藝遊京都」展。地方不大,只有少量商品可以購買,路過可以一看,唔值得特地去啦。