La Vie Avec Amusement

月曜日, 8月 31, 2009

橋唔怕舊

去年初廣告公司獻計,叫我地響連鎖店如屈臣萬寧設"善存扭蛋機",即每個買Centrum既顧客都可以扭一次,一套26款由A到Zinc(Centrum既ingredients)公仔,可以迫顧客集齊云云。呢d咁一相情願又唔實際既做法,立刻比我ban左。

結果年半後既今日,同一間廣告公司既另一個客,就響萬寧設左部扭蛋機。

洗頭水客要買$40產品,換一個輔幣去扭;獎品包括叱吒音樂會飛,加州紅$100現金卷等。正所謂橋唔怕舊,客ban客還在,換個包裝都可以廢物利用。

日曜日, 8月 30, 2009

252生存者

早前download左電視版既前傳"252生存者Episode Zero",都係全靠部新玩具先可以響搭車途中清左佢。前傳頗有"海猿"既味道,都係講熱血青年入征受訓,加插幕天災身陷險境,靠同僚團隊精神搜救成功既戲碼;所唔同既係今次唔係講海上保安廳,而係消防特種部隊。
















伊藤英明響電視版只係客串,反而響後一天上畫既電影版就擔正做救人英雄。

電影版"252 生存者あり"簡直係日本既"明日之後"。
東京強烈地震後,由於地震影響,海水溫度驟升,太平洋上形成史上最大規模的颱風,颱風正對著東京,猛烈逼近…!在熱鬧的銀座街上,巨大冰雹突然從天傾瀉而降,東京灣的海水倒灌湧入市中心,大樓、橋樑及行道樹都被沖垮,市區陷入一片混亂及恐慌。

前超級拯救隊隊員篠原祐司(伊藤英明飾)與 女兒詩織,還有另外3個人受困在這裡---實習醫生重村(山田孝之飾)、在大阪經營中小企業的藤井(木村祐一飾)、在銀座工作的韓國女生金秀敏(MINJI飾),一同被困在地下月台。為著生存,生還者敲打著2聲、5聲、2聲的252生存訊號等待救援.......















開始唔夠15分鐘就黎個無預警海嘯,都唔知係話地震定係打風導致;伊藤英明就有如Bruce Willis咁帶領受困者脫離險境。當日版Die Hard睇無防,要英雄要特技要親情樣樣齊但日本仔除左伊藤英明外,難道無第二位可以演紀律部隊英雄嗎?我一路睇,都以為自己睇緊"海猿"添。

土曜日, 8月 29, 2009

Pasta Lunch

好一段日子無見既Annie,今個週末由上海返黎,雖然奶奶同Connie剛巧飛左去日本追Rain,都黎個小型廖太午聚;地點係餐牌選擇甚多亦坐得舒服既「風月堂」。









五條女都不約而同地點意粉,可能天口勁熱,大家都唔多想食飯吧。

鮮菇泡菜蜆肉意粉($70),海鮮湯意粉($78)
扒大蝦菠菜忌廉意粉($85),煙三文魚燴蟹籽意粉($75)
藍莓乳酪奶昔(Set Price $30),紅豆奶昔(Set Price $28)









芒果草莓雪冰(Set Price $30),桑果波羅雪冰(Set Price $30)












意粉口感唔錯,有彈性;個人會喜歡更加生一點。本想食埋甜品,但眼闊肚窄,都係留待下次吧。

金曜日, 8月 28, 2009

King Ludwig Buffet

勞動完身水身汗,個肚特別餓;兩架大巴出返尖沙咀新世界中心對面既King Ludwig食個德國風自助餐。









呢間德國餐廳,之前響赤柱美利樓食過;尖沙咀既分店雖然無海風,但裝修都蠻有特色。
選擇其實唔多,主打菜德國鹹豬手當然源源不絕地供應,加埋法國芥末食,好得。另外值得一讚既係個粟米蓉雞湯,同配湯既三款Pizza Bread Sticks









其他既頭盤主菜,都不值一提;甜品亦只係試左小巧既Creme Brulee/Fruit Jelly。









撇開食物唔講,裝修確實幾花心思。

牆上掛的假標本
廁所別緻門把手









好有特色既各款吊燈

綠田園

公司的所謂Community Day,其實係半日outing去粉嶺"綠田園"學有機耕種,出去食個buffet然後放你半日假。
8:15am於其中一個集合點金鐘出車,坐差不多一粒鐘入到粉嶺"綠田園"。地方比想像中簡陋,其實只係一大塊田地,搭兩個露天棚比人學集/實踐耕田樂
因為明知會曝曬半日,大家都全附武裝出動:"燒焊"太陽帽,太陽傘,防蚊貼隨處可見,當然每人都會自備一枝水旁身;響應環保,問梁師奶借個水壺用一用
講解者都算幾風趣,聽d咁悶既題材都有笑位,利害。
其實所謂既耕田實習,只係每兩三人一組,響一個比山墳還細既位去學翻泥播種;種既係生菜種子。柴娃娃半個小時內完事。












烈日當空,之後既參觀都係周圍兜左個細圈,講解唔同肥料(花生敷,牛骨粉等),圍欄邊膠樽同吊在樹上閃令令CD既作用。兩個多小時,唔駛落田插秧,曝曬程度比想像中少,但都應該秋天黎會好些。

黑草羊
紅蜻蜓









樹上熟:矮瓜,辣椒,大樹波羅









咁茂盛既白花,原來係誤墮肥料槽努生既孱菜