中秋日大玩懸疑

在追日劇《東野圭吾推理系列》粒粒大星雲集，集集單元都是案中有案！

此兄的"神探伽利略"和"加賀恭一郎"系列大賣，好似近年忽然崛起；小說只讀過一本，邊睇邊動腦筋，很不錯。

不過台灣/香港差價足三成，都係留待明年初去台灣先入貨吧。

殭屍最終章

男女主角現實中高調分手(條女同另一套片嘅導演劈腿，殭屍男盛怒下搬離同居愛巢)，女主角眼淚攻擊努力箍煲，好快又來個復合....真係似一場花生騷。

不過戲外點分分合合，都無阻粉絲追埋今個聖誕上畫的最終章；希望好頭好尾。

"誰殺了她"

自從睇過日劇"新參者"和其電影版"麒麟之翼"後，對東野圭吾的"加賀恭一郎"推理系列印象深刻，剛在誠品買的"誰殺了她"，故事其實一早鎖定了兩位嫌疑犯，但加賀和死者哥哥鬥智鬥力地互相搜查推理，到最後一刻......雖然兩位幹探知道了真凶是兩人中那位，但在小說裡竟然無明確地道出!!

後記只有位路人甲給了少少書中真凶罪證的提示，還要我翻查了之前文章來慢慢推敲。睇推理小說到咁動腦筋，都係第一次。

東野兄，算你狠!!

雖然很想買整套"加賀"系列來讀，但台灣跟香港的售價差了4成，太誇張了吧。

十月做不做好漢？

大陸Caltrate的20週年PR活動，是郎平10月20號響長城攪新聞發佈會，想去，因為其實之前都很想去北京逛逛紫禁城。

當然開到聲老板一定比我去學吓嘢，但之後又去英國放假又去澳門開年會，阿烏隻眼未好番，唔敢走開咁多！唉，掙扎中......

把鬼鷺鷺

難得在上海碰到西藥部同事Dairy，大家又住同一家酒店，近近地到隔離恆隆廣場的"鷺鷺"食上海菜。

本應該也有點名氣的老牌上海菜館，但味道真的很"不怎麼樣"：

糖醋小排(RMB$49)，花雕醉雞(RMB$45)，麻醬油麥菜(RMB$27)[無諗過係serve生的油麥菜噢，希望無咩農藥吧]，蟹粉豆腐(RMB$82)，蟹粉小籠(RMB$40)[皮厚又唔熱]；送的脆炸冰淇淋倒很不錯。

Elements Fresh

開了一個早上的business review，午餐分了幾個小組"dine around"。

我是sales/marketing那組，到Portman Ritz Carlton樓下的"Elements Fresh"吃個簡食西餐。

蟹肉手工pasta (RMB$88)比預期中細碟，味道也唔見特出；那杯"青瓜/蘆薈汁"(RMB$48)才真的貴得離譜，稀到應該溝了一半水吧。

Townhall

早上8點半就在公司對面的J.C. Mandarin酒店來個Townhall Meeting，會場外是大大的郎平20週年看板。

半小時較formal的Q&A後，就有Caltrate中國20週年的ceremony；除左大玩傳送"聖火"給老板們"燃點"外，也要老闆們打鼓攪氣氛!!

和平晚餐

歷史悠久的上海和平飯店，大堂果然很氣派!!

晚飯的地方，是9樓的The Cathy Room；很舒服cozy的西餐廳。

餐廳外大露台，可以吹吹風，欣賞黃昏的上海外灘景。

六百多人仔的晚餐，"法式白豆湯，附海鹽餅乾，西班牙火腿"是涼掉的，雖然味道不錯；"塔斯曼尼亞三文魚凍糕，伴芒果芥末醬"造型倒不錯。

主菜我選了"開心果脆粒羊菲力，配香料野棗醬及蕃茄塔塔"，份量不大，但羊很嫩，醬料也開胃。但那甜品"雙味克巧力批，配酸櫻桃/核桃"沒有賣相，似一堆頹垣敗瓦呢，而且味道得個甜字。

20週年骨動中國

一踏入公司就赫然見到郎平的巨型人形紙牌，及慶祝Caltrate在中國20週年的宣傳標語。

明天Townhall所有女同事都要帶"20週年"的絲巾，雖然是真絲，但沒有Caltrate或20週年的logo，只是顏色match個樽，有點小失望呢。

Yonhe King

今晚唔知等到幾點先開餐，所以先吃個late lunch打個底。

酒店後方有間"永和大王"，英文名都改埋叫"Yonhe King".....沒有燒餅，叫了油條(RMB$4.5)豆漿(RMB$5)，再加碗麻麻地的蕃茄牛肉麵(RMB$22)。

波特曼

到上海了!

入住久違的Portman Ritz Carlton，貪佢夠晒近公司，行路都不過5分鐘。

酒店唔算新，但質數有保證，而且公司rate到係RMB$1290+15%包早餐寬頻，不錯嘛。

b仔朱古力月餅

睇好過食(荔枝/ 榛子鳥結糖/野草莓/姜都亞黑朱古力)

一門海之幸

心血來潮，和Pauline & Debbie到銅鑼灣"一門"食晏。

"海之幸"定食($88)，散點"厚燒野菌玉子"($50) ；雖然$50的蛋卷唔平，但香滑程度值回票價。

膠箱到!

10月中搬office到樂基中心, Santa Fe 160個膠箱浩浩蕩蕩今日送到…

執到咁上下,應該寸步難行吧!

魅影續集

倫敦上影不足一年就下檔的"歌聲魅影"續集Love Never Dies，既然十一月去英國無得睇，買隻DVD在家中欣賞。

同所有成功作品的續集一樣，只覺畫蛇添足。

故事講劇院事件十年後，嫁作人婦的女主角Christine帶同潦倒老公和個仔在美國重遇Phantom，原來Phantom先係個仔嘅親生老豆！啲咁婆媽嘅橋段，加上歌曲沒有一首令人有印象，最後Christine草草地死作結尾......

真係好彩唔係買票睇現場。

Newsroom Brunch

週六下午，難得露姐來到太古坊做瑜伽，在公司樓下Newsroom來個Brunch聚一聚。

味道唔差，但份量真的偏細。

Eggs & Steak USDA ($115), Beef Carpaccio ($108), New Orlean Clam Chowder ($78), Reistling ($50/100ml)

龍泉私房菜

昨晚的廖太聚會試新野，去尖沙咀華源大廈16樓的"龍泉"食住家私房菜。因為段人頭計，有些食材要早一天準備份量，所以唔好處係即日人數有變不能改動。

既然是奶奶的生日飯，賀禮當然要"晒冷"；最特別的是阿丁的國畫牡丹，和小麥的手作盒摺紙花，很有心思。

$248/位的"鮑參翅肚海鮮餐"，最有睇頭的應該是"生拆蟹肉扒金山勾翅"(佢地話個湯頭好甜，但我是罷食翅一族，只可以話聞落應該幾鮮甜吧)。"花雕蛋白蒸海蟹"，也有足足4隻肉蟹，最正係底下個蛋白!!

碟頭很大，也很不錯的"招牌三式蝦"(有豉油皇煎蝦，椒鹽炸蝦，和芝心蝦丸)，及原隻鮑魚扣山珍海味，那花菇大隻得有點誇。

唔多抵係那"天下第一雞"和"清蒸游水海班"，我覺得8人份也是比這個，13人就覺得有點少了。敗筆的金銀蒜粉絲蒸元貝，又乾又無味。另外瑤柱扒西蘭花，飄香炒飯及甜品芒果布甸則不過不失。

真的有了!!

去年細佬話老婆有左原來係食炸糊，今次經醫院證實，Sharon真的有了；預產期明年4月。

雖然梁大少自己都未顧掂自己，好難想像做人老豆，但年紀也不輕，個天賜個BB明年降臨， 既來之則安之，希望BB平安出世。

本來佢兩公婆還想去加拿大生，但Sharon根本未入籍，去加拿大生當外國人費用會是天價!如果有此打算應該早點做準備嘛。

當然梁師奶會多多意見，尤其是可以想像，一定迫個孫入天主教；但其實宗教既野，會否等個細路自己有判斷能力時，決定是否信教會更好？

有"營"農場

新一波的digital推廣，大玩耕種遊戲。

耕田遊戲玩得多，種Benefit Icons玩過未？

而且購買善存，並將有善存產品及健康訊息的生活照上載，就有機會贏取Nikon 1J1相機。

真假"老佛爺"

海洋公園這幾年的"哈囉喂"(Halloween)廣告很出位，連"龍婆"羅蘭姨也越玩越激；我真的很佩服廣告公司的的創意，和年介78歲的羅蘭姨+Wyman的火花。

Like爆"聖羅蘭"!!型過真身(Karl Lagerfeld - 前Chanel的領銜設計師及創意總監)

從獲自由

梁師奶凌晨4點半到港，好彩東亞World卡$250訂了車接她直接回家，6am就到寶琳!!

下午終可回公司清野，要趕好幾個presentations；不能再放太多假了，所以梁師奶和烏烏都要好好保重!!

今晚可以回家睡，真好。但亦同時體會梁師奶呢幾個月全職照顧康復中的烏烏那種沉悶和辛苦。

探監

多謝幾位老遠來寶琳探我監，尤其是住在東涌的Carol，簡直誇越香港咁滯，單程都要坐個半小時車，真係唔好意思。

週日下午茶，樓下"金滬庭"是首選。

還有幾小時，梁師奶就回來了；她去多倫多來回都得五日，想必都未調好就回程，未來數天都要睇睇她會否太累，多啲幫手吧。

襯到絕

無線很喜歡在梁師奶家樓下商場攪活動，貪夠近電視城掛。

下午有"天梯"的宣傳，此片改篇自數月前報紙及網路上很多人都看過，四川的真人真事。無線編劇照抄個故事，再加鹽加醋就變成長劇了。

女主角張可頤無出席，雙陳在戲中本唔係一對，但台上就孖公仔般，襯到呢。

其他演員當然唔及雙陳搶鏡，最有台型的還是龍婆；余明站在台側有點悶呢。

天使寶寶

月底到上海出差，已經收到Finance同事的order：買Coach包包，和周大福金手鍊！

包包去崇光Coach攪定，但手鍊雖然都係周大福網上款式，但原來內地網站同香港門市的貨未必一樣。結果轉了order，買個吊墜比初生男嬰！

連續兩日帶住烏烏去金舖，非常師奶；結果幫同事平平哋買了"福星寶寶"系列的天使仔)$1,045)，只有尾指甲般大，後面寫著健康，叫做有點意思。

其實嬰兒根本唔應該帶飾物，誤吞唔哽死，連便便一齊排出都無謂啦。

狗阿四

以為會好多時間煲劇，點知整日都為咗服侍皇帝仔忙足一天。早上未夠6am就企起身叫我抱佢同個籠出廳，天未光就開始幫佢盅爛啲粒粒整早餐。

午/晚餐就要加入日本南瓜蓉。每餐飯後清潔也比平時多一倍時間，抹面，抹頭罩，抹肚肚同腳腳；更加要用消毒綿花小心抹眼屎！

早上黃昏推車等佢行吓商場及公園，再洗一機衫......

平時真難為了梁師奶。

入Camp五日

梁師奶下午飛機返多倫多參加外婆的喪禮。將入寶琳camping五天。

雖然時間比以往短，但烏烏身體狀況還在康復中，而且右眼角膜仍然很delicate，平日要放佢出黎練習行路，清潔也比以往困難；真的擔心自己做不來。

希望5日快點過吧。

忘坐

試新舖，公司前面濱海街的小店"忘坐"，老板是日本人，和香港太太開的，主打較健康的日式西餐。店內裝修簡潔舒服，服務也好。

"軟煮牛肋骨黑芝麻咖啡，配南瓜飯"($60)，跟餐可選熱玄米茶或凍日本焙茶。

公雞葡國菜

睇完水舞間，臨上船前再到官也街尾一間叫"公雞"的餐廳吃葡國菜。

其實葡菜本身無咩特別好食，但一場去到澳門，當到此一遊也來一餐吧。馬介休球($48)，豬手炒飯($65)，炸豬手($75)

水舞間

很多同事都看過了，做了差不多兩年，和表妹1號去看5pm場時仍然爆滿。

舞台中的水確實變化多端，個半小時的show，雖然唔平(坐兩側的中價票也要$680)，但人力物力也值得睇。

加價又縮水

和廣告公司出銅鑼灣"千里之月"食晏：

千里刺身定食($200)，加了25%價，但感覺比之前份量少了，好彩刺身依然有水準。

貴價地墊

4千多元六塊的嬰兒地墊，鋪在家中地上等皇帝烏出來巡視時唔會跣腳。韓國製造，梁師奶話符合多國的安全標準喎…

越洋睇地

為外婆找墓地，好彩科技發達，越洋也可以睇地和比意見。

這是位於Yonge & 16街的Holy Cross Cemetary，是新建成的。睇中的是向東南的位置，環境唔算十分優雅，但地點方便家人常來掃墓的話也不能太挑吧。

買地

外婆昨日早上走了。

本來懷疑是輕微中風入了Scarborough General，待照MRI時還算情況穩定。舅父一家及阿姨睇住佢食埋晚飯後剛回家不久，就接到醫院來電，話佢起身落床行時跌親，急性出血就死了。其實醫院在這方面也有疏失，因為之前講過話無家人看顧時晚間會綁著她在床上，免得走動跌倒，怎麼會讓這意外發生呢？

喪禮是下星期五，梁師奶返加奔喪。

終於在加拿大買地了，不過是墓地；送給我外婆最後的禮物，順便買埋旁邊的給外公。

最奇怪是見竹星表弟在臉書呼喚叫朋友幫手來扶靈，正奇怪點解寧願找陌生人都不讓女人扶，原來加拿大不像香港，靈柩下面其實有車推，那裡真的是要8個壯漢抬著靈柩走!! 

唔係嘛，棺木加遺體不輕，那個朋友唔夠力真的會傾跌。

外婆，我們永遠懷念你!!

值得記念

比起公司發的志願者證書，這些小朋友的畫和信更有記念價值。

 

狗肉乾

怒!!

竟然響貴陽機場見到有狗肉乾賣，而且42人仔一大包!!

對他們來講，狗肉可能同牛肉無分別，甚至牛對他們更珍貴，起碼可以耕田，但真係無法接受。