龍婆打卡

闊別半年的海洋公園，又續了個Annual Pass.... 哈囉喂入去同羅蘭姐合照！她真人好嬌小，好有禮貌，一啲都冇龍婆 Feel。

辣炒八爪魚

辣炒濟州八爪魚配紅米飯，菠蘿梳打。

鈺膳飯聚

週末為食團難得咁多人出到來飯聚，Encore鈺膳潮州菜。香口的兩面黃係至愛，其他味道也不錯。

鼻血

昨日韓國出版，今日已經收到！流鼻血中👃🩸

Encore Fab

又係同堂妹拜山後飯聚。

Encore上次車太帶路的工廈餐廳Fab Kitchen。Barramundi保持水準，帶子墨汁Linguine也不錯。炸蠔就麻麻，唔及 Calamari。開心share 埋甜品荔枝芒果cheesecake。

香港豬皮水準

舊同事飯聚。又係韓食……又係豬皮😋

雖然韓國的燒豬皮確實好味啲，但香港呢個水準都收貨了。

韓飯聚餐

又係Aroha x Carat晚餐，兩個韓飯去食韓印紅(海陸空)。

用OpenRice訂位送原味炸雞之餘，仲可以$90買$100 coupon找數。

一客半半煎餅，一大碗嫩豆腐海鮮麵已經非常飽足。

燒肉下午茶

應該可以skip埋晚飯……

扮Éclair

望落去似巨型朱古力Éclair，原來係一條扮Éclair的朱古力麵包。

不比下去

兩個剛由韓國返港的人(一個首爾一個釜山)午餐，唔揀韓食免得給比下去。

唔想食太多澱粉質，結果點咗太多肉😅：日本四元豚的極厚切吉列豬扒飯，南蠻炸雞，燒牛舌同海膽豆腐。

回港數日

返港幾日的伙食仍然係日韓為主，味道當然唔好同當地比。反而今次在首爾吃麵包糕點仲多過正式韓國菜。日本也是除了橫浜一風堂沒有再吃拉麵。一幻的蕃茄蝦湯好濃郁🍅🦐

第三張

抽不到觀光公社的Tmoney，還好在明洞整多張 Namane卡。入定錢，下次到步馬上可以坐機鐵用。

Noonnoo x 鯊魚貓蛋糕

返嚟幾日連喼都未執，係因為太忙！

同車太們去海陸空聚會兼為幾位車太慶生。自製銀優萬聖節頭箍即刻帶，一個人帶會有啲尷尬，但一班人帶就一啲都唔尷尬。🥰

今晚經理伙計落單跟單甩漏百出，幸好態度好。

Noonnoo x 鯊魚貓蛋糕好可愛，餐廳送的炸雞和凍柿都好味。

花漾

前日同Carol去時代廣場花漾午飯。

海南雞飯拼喇沙米線，海塩雪糕椰汁珍多冰……再加點小食，邪惡的鹹蛋黃魚皮，正！👍

Apple Coupon

再次多謝OpenRice, 今次訂座禮物係$500 Apple Coupon。

我手機係Android，iPad亦冇咩要買，個獎益細佬了。

Skechers透卡

返到香港，繼續買Skechers😂

今日開始指定分店買任何嘢也送銀優透卡，放學去銅鑼灣店買幾枝鞋spray，一包襪就齊一套五款！仲可以用會員coupons....

雖然唔係大頭，但人家也要sell產品。透卡精美，值得支持。

天花剝落

回港上梁師奶家，浴室天花好大塊石屎剝落，連假天花也壓彎跌落浴缸。

大廈工程部上來把其他有剝落危險的石屎清理，應該係樓上水喉滲漏，令到鋼筋膨脹，迫爆石屎……

那塊石屎大到半張枱咁大，如果有人沖緊涼，應該會發生血案。

好彩而家間屋冇人住，我11月又唔駛飛，同樓上慢慢交涉。🤨

江華島鰻魚店

車太4日追車遊最後一站：江華島鰻魚店！

呢一間去年銀優中秋打卡，之後發現他們一家經常去(仲帶過唔少朋友去)，再發現那大幅地是李家的，以及他們家與鰻魚店有關系加上不少Rohas碰見「老爺」…呢間店更遠也成為Rohas景點。我們好彩地被安排入座銀優坐開的VIP房午餐。

活鰻真係好好味，一場去到點了1.5kg野生活鰻白燒，尾巴放上爐上還是動的！肉厚彈牙，係我食過最好食的鰻魚！

蟹鍋都係極品，一大鍋起碼4-5隻蟹，多膏鮮甜。湯比較辣但有蟹味，裏面有蝦乾。

巨型蒸蛋滑溜，白粥也有人參味。真心讚的店。

之前在赤拄訂了幅彩虹書法，寫上餐廳名及下款香港AROHA送給店，服務生說會轉交銀優父母😊

一定會湊腳再去幫襯。