La Vie Avec Amusement

水曜日, 11月 30, 2011

終於有冬意

暖左整個11月,踏入聖誕月明早就來個17C賀賀佢。終於那些羽絨和Heatech可以面世。

火鍋,煲仔飯,蛇羹.....

唔知星期六Piann那裡有無煲仔飯加既呢,呵呵!!

火曜日, 11月 29, 2011

村上春豬遊捷克

繼續清緊台灣誠品的戰利品,呢本捷克遊繪本畫工雖然無"魚"系列的精緻,但大大幅相搭救,也是以一個師奶自助遊的第一身體驗,真的是越看越想再去呢。不過布拉格的篇幅略嫌少,只cover了天文鐘,查理斯橋及城堡大教堂與黃金巷,猶太區隻字不提有點可惜。

如果明年初夏plan捷克,會否去得太密了?


月曜日, 11月 28, 2011

到數Buffet

辛苦到年底,比個藉口出去吃個buffet慰勞一班同事!!
同事們寧願捨棄個無敵海景view,反而想食物多點選擇;今次揀了Harbour Grand Hotel 3樓的Grand Cafe。最吸引的還是那大大個movenpick雪糕櫃
我的buffet午餐,生蠔和蟹腳很不錯,熱薰ok啦,甜品那香草梳乎里有點濕,麻麻地。


日曜日, 11月 27, 2011

魔法漫延新都城

吳尊嚟到新都城宣傳新片"開心魔法",近成咁,無理由唔落樓捧捧場。其實fans唔算好多,加埋路人甲街坊唔夠300人;同上次小豬簽唱會逼爆商場差好遠。我夠鐘先施施然行埋去都企到第3行,難為沙律在頭排企著等了4小時!

新老麥殺到!

屋企樓下的萬寧搬走了,巨型老麥今朝開張;第一朝當然一眾貌似高層的都坐鎮。既然踩新場,來個Gingerbread Latte+Chicken Onion Ciabatta($33.8)吧。
不過其實有得揀,還是有間萬寧較老麥實際;雖然地點嚟講,24小時老麥確實殺晒一眾自由行,宣道會教友,weekday上班族及週日菲傭......

土曜日, 11月 26, 2011

冰之夢幻聖誕

梁師奶樓下的新都城聖誕佈置完工了,應該是可以入內的假冰雪世界。沒開燈感覺冷冰冰,但開了燈其實有點哈爾濱冰雪大世界的fu
不過那龐大的體積把中庭空地佔去大半,明天下午吳尊的電影宣傳活動一定更加迫吧。

金曜日, 11月 25, 2011

香橙Panettone

早前見到Starbucks網站話會出這款義大利的聖誕麵包,很期待,因為聽得多未食過,鬼佬超市賣的超大個很難consume。
今朝見到出左,迷利版早餐食剛剛好($16)。

很淡的橙香,唔太甜,但亦到無乜特別;試過就算。

木曜日, 11月 24, 2011

中華街橫濱大飯店
"中華菜遊記"

童星點心麵combo pack, 6小包分別有: 叉燒,沙律蝦仁,北京烤鴨,麻婆豆腐,上海炒麵及芝麻球味
$25真的有點貴,但新口味唔試又心思思.....

X'mas Deco @ ifc

ifc的聖誕佈置,滿滿的聖誕老人與禮物!!

相比之差,置地真的比下去;基本上可以只有一棵兩層樓高的聖誕樹。雖然那麼高的真樹其實很矜貴,但這樣做很不環保呢。

水曜日, 11月 23, 2011

VIA French Roast

奶奶的手信,日本新上架的新 Starbucks VIA隨身咖啡條
香港的VIA目前只有Italian Roast,Columbia及聖誕新出的Christmas Blend;估計French Roast隨後會到,但packing永遠也不及日本的fancy

謝謝噢。

來佬餐廳

上個月出差miss左廖太聚會,今次攪攪新意思,試試中環威寧頓街的來佬餐廳。3層高的餐廳,裝修不俗,很有太平館的影子

既然係傳統港式西餐,當然大玩瑞士汁(呢度又稱來佬汁):雞翼($88/6隻),炒牛河山$78),來佬/脆皮乳鴿($98/隻)

腐乳沙糖來佬厚多士($16),蝦多士($48),熱狗($35)

焗葡汁雞飯($82),葡汁焗雜菜($62),咖哩蝦球飯($92),鐵板威靈頓66牛扒餐($198)

沒有太平館那麼大,但很鬆軟的來佬梳扶里拉($88),大大杯紅豆冰($28)

月曜日, 11月 21, 2011

喪失名字的女神

連寫兩篇都係日劇推介,應該係最近也掛住陪烏烏,減少了出街之故吧,哈哈。

這套"媽媽版"的金枝慾孽,係講述一個剛搬進新社區的家庭煮婦(杏),毫無機心的情況下,被捲入一班5歲小孩媽媽們的明爭暗鬥中:比較,猜疑,嫉妒,是非.....加上各有各自身的家庭問題,遇上這位好心做壞事的純良媽媽,集集都睇到人牙癢癢。
都虧日劇編劇會以此為題材,而木村佳乃自"告白"後再演怪獸家長簡直入型入格,小心被定形了。

香港的媽媽們大都交托菲傭接送小孩,如有香港版的話,應該會是菲傭版的勾心鬥角吧,哈哈。

日曜日, 11月 20, 2011

全開女孩

又係一個陪烏烏宅在家的週日。為咗就困籠的皇帝仔,特地坐在旁邊地下平時佢瞓開的墊褥處,等佢唔駛望咁高。
馬拉松式沸煲晒呢套愛情小品,主角係外表清新嘅新垣結衣和永遠似未瞓醒嘅錦戶亮
 
新紮野心勃勃女律師,以為自己要選個條件樣樣A級嘅老公帶佢飛上枝頭,點知愛上心地善良但有點靦腆嘅帶子洪郎廚師,結果......當然係兜兜轉轉來個大團圓。劇情有點似多年前的大和撫子,但呢類故事好似歷久常新。

土曜日, 11月 19, 2011

覆診有錢收

下午烏烏到旺角Pet Central覆診。那個馬尾鬼佬獸醫Dr. Kurt話佢無乜大問題,要困籠休息一個月。

基於個breed同年紀,呢個脊骨問題將來亦有可能返發。但無必要特別去限制佢既activity。
最攪嘢係講開藥水先發現原來上次overcharge了我們$300!收咗打針錢其實只係比口服藥水。減埋今次覆診診金,還有$120 refund。雖然連的士錢都唔夠,但有得回水都叫異數。

金曜日, 11月 18, 2011

759 VIP

近日寶琳和坑口地鐵站口都開了"759阿信屋"(之前在新都城商場地下其實都有間細舖,只係毫不起眼從未試過幫襯)。主攻日本韓國台灣零食,舖面唔算大但貨品流量快和售完即換款,所以你今日見到的零食,過幾日可以無影無蹤又有新貨到。

那貨如輪轉既速度,吸引你經過都會入去巡一巡。而且最殺食係一次過買滿$100,即有永久VIP卡,正貨8折特價貨9折,以平價來頂死附近的廣良興!!

我固然買多左零食,但最大受益人應該係班同事,因為想試味道又唔想食晒整包,往往要拿返公司share。要肥齊齊肥!!

木曜日, 11月 17, 2011

有口難言

梁師奶咳了3個星期,我也作小感冒。

不開聲由自可,一開聲就"一鳴驚人":破音!!!

所以昨日剪頭髮到今日開口買咖啡,滿尷尬的因為把聲實在太好笑。呢兩日有乜都唔好打比我,whatsapp/line我吧。

水曜日, 11月 16, 2011

放假去Hairdo

半年一度既崇光週年慶,人山人海都懶得迫;但Sogo Club Hairdo剪髮九折再加送$100 coupon就有點難以抗拒。週末早就fully booked,把心一橫,告個假去剪髮兼來個直髮Laruce加埋匯豐信用卡Sogo消費$1000送$60 Sogo Coupon,抵上加抵。

週末早點去打多個白鴿轉吧。

SUN的失準

同事們(現在式/過去式)難得來個久違的晚飯局。

SUN呢期做緊九州fair,VIP卡特價$400/2位的套餐,抵唔抵食見人見志:河豚明太子玉子燒,特選季節刺身,九州和牛燒肉,軟骨餃子拉麵鍋,熊本甜薯丸子。
其他散點也有點失望:很的式的明太子日式薄餅($53),細得太誇張的明太子芝士燒($40),肥到爆的鹿兒島麥豚雜穀麵鍋($180);好彩也有較穩陣的松葉蟹肉釜飯($78),鴨肉粉絲鍋($58),鰻魚玉子燒($58),香脆海蝦天婦羅卷($48)

月曜日, 11月 14, 2011

對藥物Say NO的臭烏

平時對粒粒秒殺,對菜菜和飯飯也迅速擺平的烏烏,為左唔想"誤服"藥丸,每餐飯都慎重地精挑細選,用5分鐘食粒粒,甚至會有"剩菜"的情況出現!!

尋日的早晚兩粒capsule就只係有牙印,但仍原好無缺地留在兜兜裡,真係吹漲!!

日曜日, 11月 13, 2011

點心車

拿手信給細佬兩公婆,坐巴士到沙田新城市廣場,Sharon父母逢週日都在美心皇宮霸定位飲早茶,我也樂得來個久違的一盅兩件。

X'mas @ New Town Plaza

沙田新城市廣場的聖誕樹,可惜很像日本的Starlight Garden只有夜晚先開,日光日白影不到。

土曜日, 11月 12, 2011

悶樣…

皇帝仔近況

今朝早點入去寶琳探烏烏。

佢精神唔錯,梁師奶問教友借的狗籠比早幾年佢用開的兔子籠大好多,似乎唔會太唔舒服。而梁師奶也買了架新車比佢,車身較高,免得佢要成日坐直身體望街。

累爆工幹

好少出trip會覺累的我,今次其實係心境影響,由上機前擔心烏烏到落機第一時間打比梁師奶,所以返到屋企有有點彷彿去左好耐既感覺。

烏烏食住止痛藥好了點,但因脊骨有3處裂紋,所以除左落街大小便外,在家大部份時間也困籠,要坐4-6星期監。明早入去探佢,但其實都係附近精神支持,因為不能逗他玩,又唔敢帶佢落街(呢個重任交比梁師奶)。好佢剛沖過涼剪左毛,家陣天氣乾燥可以捱耐一點。

金曜日, 11月 11, 2011

相見歡

網上談得多,難得來到吉隆坡可以見到面!!

多得Catherine特地老遠來到酒店車我出Pavillion的Madam Kwan晚飯。"關姐三色飯"Nasi Bojari(RM22.9),大大隻雞脾炸得香脆,味飯加牛肉絲也很野味,蝦有點辣;配涼粉冰豆奶(RM5)和甜品椰汁西米露(RM6.5)。另外的是馬來式椰漿飯(Nasi Lemak RM15.9)和咖哩喇沙(Curry Laksa)。

到市中心繞了個圈,見到"飛輪海"廣場(應該係名有雷同的Farenheit 88)。晚上的雙子塔,確實比早上的出色。再來杯舊街場白咖啡(略甜)才打道回酒店。

木曜日, 11月 10, 2011

Roti Boy

下午無跟大隊出外用餐,因為不打算跟車出downtown;再到隔離商場的當地有名Roti Boy試試名物"墨西哥包"。

一個原味Roti Boy包+杯Choco Dinossaur盛惠RM5(HK$12.5),個包好得,皮香而無坑口的Bakersboy那麼散,但杯朱古力就好一般了。

Team Building

800人分20組合力畫的大型畫,當然係大會的海報模樣。

我則很偷懶地在旁做"監工"。數小時完成後拼在一起,我們站在上面影group photo。

上半場

今晚的gala dinner因烏烏有事只留了半場,因為要閃上房等電話要知道烏烏情況。

反正head table早就開始四處乾杯了,早點閃也不會太覺吧。

水曜日, 11月 09, 2011

心情很差

上機當日梁師奶話烏烏之前整晚無訓過,已經擔心左兩日。晚上梁師奶來電,烏烏夜晚食完菜菜後就震,立刻飛的士去旺角Pet Central睇醫生,初初醫生話佢整親頸椎,要困籠兩星期;本已經夠心痛與擔心,點知驗血報告一出,傳來唔好既消息,烏烏白血球很高,有可以係癌症!!

怎麼會這樣?

明天細佬告不到假,Sharon陪梁師奶再帶烏烏去照超聲波,很怕有壞消息。很想改機票早點回香港,但細佬話睇埋聽日超聲波結果先。

年會

一開場,老板就黎個唐裝揮舞大毛筆作畫畫狀,因為今年主題係"輝瑞有你更出色"。

會議都有預拍了的division視頻,有的扮war game衝鋒陷陣很攪笑,財爺連唐詩也搬了出來形容財務部,很innovative嘛

其他區的暴力熊精選

今朝開會前參觀了展覽在會場外的其他division創作的暴力熊display,有的明顯抄卡通角色,有的畫工很細緻,相比之下我的那隻顯得有點粗糙。

不請自來的小禮物

雖然門外亮了Do Not Disturb燈號,但仍然會擅自入來放在房內的公司禮品:此地名牌的pewter筆插,和兩粒P記logo朱古力。

綵排

真的很大的禮堂,只有頭兩排有桌子,後面的同事這樣坐一整日都怕會累壞吧。

香港區名籲牆+暴力熊佈置

撈起:新加坡的傳統,今晚我們要先"扮"大廚,雞手鴨腳的在鏡頭前切材料,最後大家拿筷子大撈得撈,還要"自食其果"。

Fuzion

因為要略為綵排明天的進場程序,不能同team吃飯,management team早點在1/F的Fuzion吃buffet。

頭盤區:龍蝦大大隻很新鮮,刺身只有三文吞拿有點單調,沒生蠔。

熱葷:炸蟹很多用兼香口,大家一致推介的都是那即叫即煎香放湯的大頭蝦海鮮米粉,蝦肉彈牙,湯頭有濃濃的蝦膏香。
甜品區:馬拉甜品很多,但大都是椰汁底,顏色鮮艷味道大同小異。

火曜日, 11月 08, 2011

Sunway Pyramid Mall

酒店旁的商場,意料之外地很大,而且沒有很多人。只是沒有甚麼特色店舖,大部份香港也有,而且價錢也不比香港便宜,所以只在超市買了包"舊街場Hazelnut白咖啡"(可能香港也有的)便算。


下午茶@老好星巴克,香港早已絕跡了的chocolate eclair(而且此地的是超巨型)!!