擔心得要命

烏烏週末開始情況很差，由初初行唔穩到而家無力企起身!!

已經日半無去小便了，水到唔想飲。星期六/日都去看過獸醫，但食返止痛藥都無改善。再咁落去，唔通真係逃唔過要同他做脊骨手術？麻醉藥同手術風險都大，唔到最後無辦法都唔敢搏。

返左工都無辦法專心，但唔敢打電話問，因為如果有好消息例如佢企得到或小便，梁師奶會第一時間打黎，無電話唔係好事，大家都無晒心機。

表妹來度假要面對我地咁愁雲慘霧既氣氛，真係唔好意思，但希望佢可以在家多陪陪梁師奶，多個人多點照應。

第一次茶會

英倫之旅團友們第一次茶會，雖然去唔到嘅Josephine都有出嚟參加。避開銅鑼灣的遊行，選返去太古坊的"八月芳"飲茶。

週日午市有特價點心，不用吓吓叫小菜咁貴；但當然係美心貨色，唔見得特出。

甜品的桂花龍鬚蛋散($28)，和水果拿破倫($58)反而更有特色。

又添一員

我的水晶動物系列又添一員，很漂亮的藍色水晶小狗。

多謝Carol！(但下年真係唔好買啦，多到電腦前也放不下了)

馬拉松Tea Buffet

約了Carol波羅包她們到金鐘Marriott的The Lounge吃Tea Buffet，地方開揚，而且可以1pm坐到6pm。

多謝三位未到八月就幫我慶生！

始終是Tea Buffet，食物未算豐富，折咗都$280一個人其實唔平；但好處係可以hea好耐吧。

難得聚頭

明晚回西班牙的細舅父，和昨晚剛由加拿大來港的表妹，就在唯一overlap的今晚，到觀塘"百味王"來個family gathering。

XO醬野菌花膠($88)，瑤柱琵琶豆腐($65)，台式三杯雞煲($58)，孖寶($118)：冬瓜盅+半隻炸子雞，楊州炒飯($58)，最攪笑係梁師奶竟然要求廚房把帶子賽螃蟹($78)上那生的蛋黃整熟，結果人家整了隻太陽蛋舖上面!!!

表妹半天由遊

告了半天假和表妹到入境處辦身份証，7點多就到寶琳接她到"壹粥麵"食個靚靚早餐醫肚。雖然下大雨，但過程順利，很快便攪掂了。

襯有時間，帶她到尖沙咀藝術館睇乾隆珍品展，再到旁邊的"Deli & Wine"來個炸魚柳漢堡才回歸。

她一個人來5個多星期，說實在話香港有甚麼好逛呢？盡量教會她坐地鐵等她自己慢慢發崛香港吧。

機場有"黃金".....

到機場接機,竟在大堂的水池見到有"黃金",不會有強國人以為那是廁所吧!

是誰？

同事Dairy早前到首爾玩，借了本guidebook比佢；還書時多了盒手信和SJ的Summer Discount Booklet，內裡的地圖幾有用噢。

但，盒餅上笑到四萬的，到底是那一位？算我睇韓劇少，或是泡菜國的明星個個整到差唔多樣，真係認佢唔到!!

當Glenn遇上Baby....

和Glenn及Bonnie到代理開會後，冒住雨帶他到銅鑼灣Baby Cafe；餐湯仍然係偏鹹既牛尾湯，飲品加錢轉了北海道3.6紅豆冰沙。

"Angela三食"：火燄三文魚腩，墨汁意大利飯形粉，拔絲蜜汁雞翼；北海道十勝芝士忌簾海鮮義大利飯，巴馬臣海鮮義粉配百里香蕃茄汁。

Kitty為食卡

真的很後知後覺…

原來老麥出了Kitty"為食卡"($12), 憑卡買任何A區產品則送B區任何一款…而且重點是無限次使用至10月4日!用兩次都抵返啦。

我的Kitty扮鴨"為食卡",可漸變…$12的折扣卡使唔使咁落本呀?

大風雨過後.....

西貢和寶琳！

種死都有獎？

我們公司早幾個月前的Green Project，每個辦事處比賽做花王綠化辦公室。大那棵薔薇科比我落了粒善存入泥土催谷過度，迅速生長也迅速枯萎，本以為一定不入圍。點知我們因為把整個過程也像寫blog那樣勤發帖，結果拿了個"綠色園丁二等獎"，有RMB$5000獎金!!

今次夠成條team去食dinner buffet了吧!

好一個風雨不改!

8號風球下，冒住狂風大雨到樂富赴朋友的生日飯局；坐地鐵都無咩問題，出地鐵往朋友家中地面那段才是真正的挑戰。

由酒樓打包的菜式，咁大風也地鐵/巴士捧住一盤二盤拿回家，更加誠意可嘉。飯後生日蛋糕的沖天炮煙火，很有效果；原來Neway有售，$5/枝幾抵玩!!

不過回程時就被強風把我那珍藏多年的"善存"七彩雨傘吹到反骨報銷了!哀悼。

筷子記

中午出中環百年唱外幣，順便約埋Annie，Daisy去Soho橋底的澳門小店"筷子記"食車仔麵。

自選3樣配料：包心卷(魚肉包豬肉)，炸魚肉春卷，炸豆腐撈粗，連飲品$32唔係貴，但選的洋荵汁很淡口。其實唔講汁既味道，個人覺得配料同麵都唔係特別出色，不過牆上貼滿雜誌報導，好似懶堅咁。

書本的藝術

時代廣場大堂有另一個展出，就係用各式書本堆砌，上面繪上大形畫作。

較小型的"書畫"

作品以動物為主

還有少數面貌有點猙獰的人為主題

UK Festival

時代廣場的英國節，在地下整了幾座倫敦的街景，是為我們年底的英國之旅熱身嗎？

呢架經典的紅色雙層巴士，真的很懷念；十一月倫敦見真身！

流心奄列飯

香港真是很難找好吃的日式蛋包飯，見雜誌話銅鑼灣渣甸街34號三樓D室開了間日本廚師主理的"秀殿"，約埋放假的沙律去試試。

午市無得訂位，未到中午要排隊等開門，因為店面唔大，得一個廚師上菜也慢，所以食唔到頭輪會有排等。

選擇唔多，其實賣的是奄列飯，當然要試試配牛肉燴汁(Demiglace Sauce)的那種吧($98)。 奄列很豪邁地坐落在珍珠米上，用刀切開果然有"流心"的效果；不整碟飯也覆蓋了。味道不錯，不過Demiglace比印象中的酸了點。

台灣手信

芒果味和鳳梨味的"台灣啤酒"!!應該有點似日本的Chu-Hi吧。

多謝某位經常"偷偷地"去台灣的朋友，哈哈。

泳池慶生宴

7月的廖太聚會，試試新地方，去維園泳池餐廳；呢度同鯉景灣泳池那間是同集團，套餐菜單一樣。Charlotte帶了她的北京朋友來幫手吃，加埋好耐無見既阿Li，否則那個餐都很難消滅。

星期一至四特價的$1480/12位餐，一開始就出兩度很有"架勢"的菜：川芎元肉杞子桑拿蝦，底部放了熱石，上桌一切開錫紙就蒸氣洋溢，蝦很新鮮大隻；另外是新疆火焰羊架，味道很不錯，肉也稔，唯獨有4人不吃羊，好彩有Moly包底才不會浪費。

蝦子鮑片金錢生菜，崧子好事鴨鬆發財包手，醬爆松茸野雜菌扒碧綠，湯夠味但好像"扣起"了湯料的海龍皇(素)鮑魚翅湯，很有份量的芝士百花釀(BB)蟹殼燴元貝(伊麵底)

大家盛讚"很有雞味"，食到唔停得口既霸王雞，清蒸大金鈾，香江黃金裹蒸粽(其實每人細細塊煎粽，上面有木魚絲，很香口)，韓式粉絲(有點油)，南瓜椰汁珍珠燉官燕。

大廚中後段整套"制服"出來熄燈幫某席大唱生日歌，而且很high地周圍同人合照；見我們沒有很興奮，應該有點小無癮吧。

中意仿Team Lunch

早前郎平的PR Event辛苦了各同事，尤其是勞苦功高的Sinmei。所以襯今日人齊去"中意仿"來個team lunch。

本來話要去食甜品既Kerry提早左去生仔，所以我地team lunch獨欠佢了。

午市全是客飯套餐($62)，送例湯，白飯，蝦米粉絲紹菜，和甜品。碟頭很細，我們11人要點13個餐先夠食：粟米魚塊，咕嚕排骨，回鍋肉，枝竹牛腩，鰻魚炒蛋，黑醋蕃茄茄子，金菇紅燒豆腐。

另外的和菜套餐：韓風直菇牛仔骨($70)，多梅少扣肉豆腐底($68)，韭菜銀芽牛利炒雞柳($68)，咖哩蘭度豆冰蝦鮮魷($68)，韓國粗綠豆粉絲豆角粉絲($68)，魚子醬金菇蒸水蛋($66)

琳瑯滿目的迷你甜品才是呢餐的戲肉：我點了外表似雞蛋，但剝開其實是椰汁及芒果慕司；另外是益力多提子布丁!!

熱血手信

多謝舊同事David Hui很熱血的手信：精誠中學的Tote Bag!!!

對未能到彰化朝聖的我，一早收到這個真的有點小激動!!

謝啦(大叫)!!!!

摩司午餐

渡假一星期，明天就回上海的Annie，約埋Connie一齊去東大街的Merci Minnie試試那裡的西餐。呢度晚餐偏貴，午餐價位可接受。

餐湯是洋荵忌簾湯，蟹肉煙三文魚配忌簾汁天使麵($60)，大蝦帶子墨汁意大利飯($88)，吉列龍利柳配薯仔沙律($64)

貴價快餐

之前只試過文化中心那間，最近發現原來太古城也開了Deli & Wine。

午餐來個咖哩蝦飯($62)，咖哩香而不辣，5隻大蝦也彈牙，新鮮!!

另外同事點的咖哩牛肉飯($56)反而牛肉太梳打fu，太稔。
煙肉磨菇意粉($66)賣相不俗。
最抵食還是那$50的"常餐"，炒蛋多士加叉燒湯意，連飲品。

埋頭苦讀

開始擬訂11月初倫敦及週邊城市之旅的行程，之前巴塞隆納也是靠這系列的旅遊書，所以在台灣誠品買了這天書開始埋頭苦讀了。

倫敦太多景點，8天的行程還真的有點難取捨呢。

瀰月續攤

飯後意猶未盡，過檔隔的離"瀰月屋"食甜品。

我們這張利用鏡的倒影拍的"合照"有夠古怪。

赤玉丸(迷李西瓜杯)($48)，西瓜球和果凍，很濃的梅子粉味。

虹之杯($38)，宇治紅豆奶茶($32)，原個烤蘋果批($48)，蘋果芯釀了custard，酥皮有肉桂味，不錯。

留家廚房

Ophelia係7月壽星，等到月中YY無咁忙，到天后清風街的"留家廚房"晚飯。

價錢偏貴，食物就整體不錯，只是偶一劣作。

比較好的有：留家煙薰雞($140/半隻)，家鄉煎釀原條鯪魚($138)，梅菜蒸芥膽($82)，生煎鹹魚肉餅($88)

淡而無味的敗筆之作："人上人"涼瓜海味蒸蛋($85)，蝦醬河蝦仁炒飯($88)

又搬.....(回音)

我入左呢間公司都開始數唔清搬左幾多次；雖然之前幾次都係響太古坊唔同大廈來來回回，今年10月底到要搬離太古坊，和到香港大酒店對面的樂基中心和"西藥部"一家親。

唔係怕開夜有"老友記"陪，而係那裡食飯選擇少好多，也較"地痞"。

隨住奶粉部賣盤給鳥窩牌，似乎我們的division也只好收拾細軟認祖歸宗了。

HSBC請食軟雪糕

幾日前來過一次，今日lunch time再有雪糕車在公司樓下憑HSBC信用卡派軟雪糕。

烈日當空，排了十來分鐘先拿到軟雪糕，還要同時間競賽快快消滅佢。

雖然軟雪糕價值只係$8，但都可以咁多人排隊邊等邊拍照，呢個campaign都算成功吧。

白莓到!!

我捨"愛瘋"要的白莓終於到貨，連個套都係白色，不俗。

不過個套應該只能潔白幾日就會變灰了吧。

鳥羽Baby

Annie回港度假一星期，難得聚頭，到好一排無去既"鳥羽"吃名古屋料理；發現餐牌加價了不少。

前菜茶錢收$15/位，其實每人得半份薯仔沙律；帶子刺身伴味噌($145)，份量唔大但好新鮮。八丁味噌雜錦關東煮($78)，炸腐皮溫泉蛋($58)

秘製手羽先($65/5本)，燒雞肉芝士卷($68)，鱸魚七味燒($110)，石蝦天婦羅沙律($88)，雜錦雞肉棒串($198/6本)：八丁味噌/麥粒味噌/大荵納豆/明太子沙律/蛋黃醬汁/日式燒餅味

甜品/餐後飲還是過檔"搵Baby"：白朱古力冰沙($28)，白雪公主[荔枝/蘆薈]($28)，纖果[草莓/奇異果/石榴/蘋果]($28)，Tiramisu+香草雪糕($35)