又番發，無言！

凌晨五點多梁師奶來電，烏烏痛醒呻吟。唉，唯有早上又帶佢返西貢Pet Central揾阿Mike。摸過晒，應該唔係內臟問題，似乎係脊椎骨毛病翻發。

真係好無奈，佢又辛苦，我同梁師奶又擔心。

烏烏睇完醫生冇哂心機…

差那麼遠？

梁師奶話阿烏呢排體力忽然差左好多，佢上星期開始見到粒粒都唔吠，我都覺得有點問題。係上星期剪過毛，但你話痛都話，都唔敢帶佢落街行，最多車佢落去逛mall，但昨晚開始就很多時候只係扒響度，見到食物唔多雀躍。

師奶覺得佢時日無多，但我真係唔明，一個多星期可以差那麼遠？會是情緒嗎？因為梁師奶整親腳後都無咩點出街，心情都鬱悶。

希望只是自己嚇自己吧。

回家見到烏烏，似乎佢係有少少痛在忍，但仍然有胃口。可能真係脊骨痛番發，希望唔係諗得咁嚴重。真係唔甘心做完手術短短幾個月又舊患再來纏繞佢。

又來彩雲軒

廖太飯局連續encore了太古坊的"彩雲軒"，都係大家就我較近。

不過呢度味道份量同價錢都不錯，雖然昨晚的服務態度比上次差了點。

菊花石頭魚羹($108)，一鴨兩吃($168)：片皮鴨+芽王炒鴨絲。隻鴨拿出來唔細，但片了皮上碟就縮了水，師傅偷食？

櫻花蝦糯米蒸蟹($128)，生菜包臘味崧($78)，欖角肉碎四季豆($42)，枝竹生炆班頭腩煲($98)，陳皮蜜餞焗肉排($68)，南乳溫公齋煲($40)，香芋滑雞煲($68)，京荵菌皇爆牛肉($68)

多謝沙律的台灣手信：樽裝鳳梨啤酒!!

做工課

12月中出差兩日，1月中又帶6位團友去台北喪食，要開始做點功課了。

唔想encore之前去過的行程，所以對我來講也是試新食點呢。當中一日會是宜蘭day trip，希望不停食之餘，可以多點觀光。

梳化床x2

梁師奶的新梳化床,海馬出品,$400幾…夠硬淨!

不過佢話都係未夠硬，買嚟係比我哋坐；佢自己去沙田$4900買了兩張膠凳星期五送貨，我睇吓有幾巴閉！

繼續給自己的英倫手信

御臨軍公仔+更亭(£12.5)，手指般高，做得幾細緻。原來冬天製服(灰色)貴很多，所以買了夏天的紅色figure。

稻草小屋(每間£0.99, 抵玩)。去Lacock途中見到很多古老的稻草頂小村屋，因為沒有停車，所以拍唔到。買幾間返黎自己乾過引。

聖保羅大教堂的Tijou Ornament(£12)，是仿照祭壇旁的鐵閘設計。當然唔少得我至愛既貓頭鷹吊飾(£4.5)

拆蟹

昨晚同Annie到砲台山的"金凱鮮庭"晚飯，去得那裡，當然離唔開海鮮。點了肉多膏少的加拿大蟹($338)，兩個人拆都很夠食。夠$300送了4隻翡翠螺。

另外點了螺頭燉雞湯($68)，及龍蝦伊麵($58)，飽晒！

接收

梁師奶整親膝蓋後，順便睇埋腰骨，因為啲筋成日痛。其實係佢成日墊多個枕頭在床上半坐半躺整親就真！既然佢要賴張梳化，當然二話不說.......換！

買左年多嘅白色真皮梳化，就變垃圾。好彩Debbie那張剛好舊得緊要，尺寸也剛好，下午call埋街車嚟搬。

Debbie的戰利品!

"友和"熟口熟面套餐

惠記同事飯局，當然係YY及Sandy嫲嫲的至愛"友和"。

刺身，件件厚切！沒有帶子刺身，來客北寄貝，也不錯啊。

壽司：火灼三文魚，碎吞拿魚腩，牛油果軟殼蟹卷。

小食：蟹子沙律，鹽燒銀杏，雞泡魚乾，炸三文魚皮。

銀鱈魚西京燒，燒牛舌，天婦羅，魚湯烏冬。

牛頭角好彩

昨晚與舊同事到牛頭角創紀之城一期的"好彩"酒家晚飯。

小菜夠鑊氣，上湯龍蝦伊麵底($288)夠晒大隻，4個人竟然食淨。另外琵琶豆腐，炸金菇拼雜菌，咕嚕肉都是$50-60，抵食。

不過由地鐵站行去都要10分鐘，唔算方便。

馬交Team Building

年會第二朝，當然會有team building。

但其實要involve咁多人一齊玩遊戲，真係唔容易。分組比賽道具唔夠，場地亦唔容許同時盡行，所以很多時候都係等。

馬交Gala Dinner

Gala Dinner開始了；開場表演先來個較專業的舞蹈warm up。

司議們穿得很CCTV晚會的fu。不少表演都係男扮女的"如花"造型!!

內地管理層還錄了首MV，怎麼好似甚麼賑災籌款的感覺？

中段我們再穿上廚師服派曲奇比同事(美點雙輝?)

還有同事扮"甄嬛"跳驚鴻舞!!另外扮猥褻雍正的也很嘔。

那猥褻版雍正忽然脫了龍袍，要身一變，更加驚嚇!!

大熱係西區的表演，因為他們每年都係"火辣"。驟眼睇，真係以為自己睇緊亞視的台慶。

半男半女的服飾，有點諗頭；不過如果唔係麻甩佬而是索女表演，會較養眼!!

表演大獎得主，睇佢地幾風騷!!大大老板也上台跳番part"江南style"。

馬交年會

個會議室要容納950人都唔容易，所以只有頭兩排有枱；同事們都寧願坐有枱的前座。

老板的開場show係表演魔術！家陣做Country Manager都真係唔容易。大大老板也不能夠平淡地出場，藏身巨型禮物箱內，等我地推佢出來。

年會的形式，由數年前集中present輝煌業績，呢幾年開始轉型。業績報告精簡了，多了些emotional的環節。今年請到上海的電台主持人，大玩"小燕有約"式和數位不同地區及部門的同事清談。最後還偷偷地請來了新疆銷售同事的老媽和女兒，來到會場比個驚喜!

Gusto

焗完曲奇拉隊到Galaxy商場內的葡國餐廳Gusto晚飯。又唔要去得遠，又唔要貴，選擇唔多。

葡式沙拉，豬耳沙拉，小食拼盤，白酒煮蜆；豬仔包唔夠Fernando的香脆。

奶油焗馬介休，薯絲烤馬介休，葡汁蝦，葡國雞，紅豆炆豬手，雜扒，蒜蓉椰菜，葡國炒飯。味道嘛...普普通通，葡國菜會有甚麼驚喜呢？

焗曲奇

在酒店check-in沒多久，就要落去同managment team"焗曲奇"；有vendor側拍，而那些製成品將會第二晚派給同事吃的!

製成品有兩款：腰果及牛油曲奇。其實我們造的動作只是把那已調好的粉團挫圓壓扁，造樣多過實際。

新鮮焗起，大家都偷食了，牛油多當然香脆。

馬交喜來登

英國一回港，休息了一日就去澳門參加年會；今次唔係住威尼斯人，而係新開張的Sheraton。

到步當然先要去Reception登記，Support Team的同事早一天已經到了，而且整日坐在reception等每個辦事處的同事陸續到步，真係辛苦晒。今年有成950人參與呢！

酒店應該是以森林作主題，不時有假土人在大堂跳舞，汗！

房間中規中舉沒有甚麼特別。今年的年會Tee是主題"OWN IT"唔同嘅字母，但就用閃石砌成，很bling！另外包包內有內地品牌Aigo路由器，很實用的贈品。

事頭婆Jubilee產品 2

Harrods x Jubilee版的Queen's Blend Loose Leaf Tea £14.95；都係係為個靚靚記念罐，不過會迫自己朝朝沖杯的。

事頭婆Jubilee產品

白金漢宮gift shop買的Assortment Mint £6.95；裡面的mint很藥水味，買既其實係個靚靚記念罐。

再見了Bath，再來的！

新月彎彎

斜坡行到上頂，就係長到爆的"皇家新月樓" Royal Crescent。將30間平房連在一起，是數百年前Georgian Architecture的典範。

身後的大草坪很舒服啊。

Jane Austen Centre

午飯後沿住斜坡往"皇家新月樓"途中，會經過這Jane Austen Centre。

聽講呢位文壇才女只在Bath住了短短數年，而且當時因其父親病重，所寫的作品結果爛尾！

Sally Lunn's

Bath有很多賣相不俗的小茶室，我們蕩了一會，見到呢間自稱是最古老大屋的Sally Lunn's，就入去吃lunch。此店名物係那Sally Lunn bun，聽說其secret recipe就是在這牆洞內的小箱發現的。

3 courses Steak Trencher Lunch £18.38 (在發明碟之前，當地人是用盛載食物，繼而連那麵包也會哽掉); w/ Home-made vege soup & Somerset Apple Cake with Clotted cream。那Sally Lunn Bun的確很鬆軟！

就連三文治輕宜餐用的也是那麵包！

羅馬浴池

這個城鎮叫Bath，是因為這裡有溫泉口，而吸引了羅馬人千多年前在這裡建浴池。第一次來的人，到Abbey旁的Roman Bath參觀係指定動作。售票處大堂的天花，已經很華麗了。

中庭綠油油的泉水還在冒煙，但相信沒甚麼人感碰吧。二樓豎立了不同的羅馬時期偉人，望著人們沐浴。

遊客到Roman Bath的指定相片！

二樓的名人雕像。最抵死係有位叔台扮古羅馬人在浴池邊"扮忙"！

Roman Bath展覽館內有很多旁邊Minerva神殿的遺蹟，不少也是支離破碎的；當中最有名的是Minerva女神的銅頭！不少紀念品也是以此作招徠。

泉水的源頭，似乎很熨。剩餘的overflow就會流入附近的River Avon度(難怪那裡的天鵝特別大隻，原來泡開溫泉水！)

口喝嗎？來杯新鮮泉水吧！暖暖的，鹼味很重。