La Vie Avec Amusement

月曜日, 5月 31, 2010

驚動了愛情

99%既女性入場都係為左一個原因:殭屍仔。男性入場既大部份原因多數都係陪女友。

雖然個故事唔算吸引,但要欣賞佢個大頭,當然要入場;$35早場票價就豪比佢吧。
















殭屍仔演反叛青年Tyler,戀上同樣有家庭陰影既女主角,幾經波折當一切漸入佳境之際,出人意表地令男女主角分開既原因竟然係:911。真係有點估佢唔到。

故事平淡,但其實主角配角都演得唔錯。

日曜日, 5月 30, 2010

Diner chez Nowel

露姐上個月變樊C9,一點都不減佢響屋企煮私房菜大宴朋友既雅興。尋晚雷雨交加之夜,再到荔枝山村露姐的家食佢既手藝。









除左卡生同Amy,露姐請埋佢既兩位大學同學做食客。不過全晚我既眼中,只有一歲多既"樊樹Mag";整晚我隻小腿,變成佢女朋友仔.....縱慾過後,仲有我既按摩,爽爆。









最有驚喜既係個鮮味蠔湯,同埋頗有創意既fushion菜式"大蝦冬蔭公Risotto"。
蕃茄芝士(上),芒果帶子生菜包(中),蘋果粒鵝肝多士(下)









新煲落地,係限量版既粉藍色,價值$1100大元;用黎煮青口比我地,個煲傳熱好快,心理上都會覺得好味d。
露姐家的焗爐火力太猛,令個Garlic Toast同香蕉班戟燒焦了;賣相麻麻,但唔影響味道。

交響情人夢
最終樂章電影版後篇

追左兩年多,隨住漫畫完結了,電影版的後篇也上影,千秋王子同野田妹既故事終於落幕。但玉木宏同上野樹理早以被角色定了型,有排先會洗到底。















As expected,大團圓結局。巴黎加布拉格,靚景靚人,數段鋼琴獨奏簡直出神入化。

漫畫化的真人演譯,而唔會覺得低能既,呢套劇都算係異數。古典音樂響版80後當中再興起,都要多得野田妹吧。



土曜日, 5月 29, 2010

Je Ne Sais Quoi

台灣誠品發現的好書:
A Certain Je Ne Sais Quoi: The Ideal Guide to Sounding, Acting and Shrugging Like the French

唔平,索價NT495;英文字體比平時細,好彩作者寫得有趣味,尤其適合我呢款識少少法文基楚既人,好多位都會令你會心微笑。

原來,法國人錫面額打招乎,邊個錫,那一邊面先,錫幾多下,都有一番學問。
原來,法文中稱呼"你"可分的Vous(formal)同Tu(casual),點樣"由Vous變Tu",要好小心處理。
原來,法國人唔少人買baguette返家做晚餐,到家前大都會忍唔住先食為敬。
原來,法國徵友啟示結尾的"et plus si affinité" (即如果大家覺得岩key,可以有下文),此用詞已街知巷聞到,有人email結尾都會開玩笑地套用。

金曜日, 5月 28, 2010

揮杆的啟示

Training尾聲,大家都要share一個故事談及其啟發,以下係坐我格離,新加坡生產線的Finance同事share的日本廣告:

有時外在的boundary已經不存在,人們都會仍在心理中建立的規限所行事。

水曜日, 5月 26, 2010

Central Market:
Old Town White Coffee

尋晚去新式shopping mall,今晚則去古老wet market改建成既Central Market
呢度得兩層,主要賣手工藝品為主;但遊客唔算多。當中甚至有間足浴,以小魚咬腳掌死皮為噱頭。









商場內無乜食市選擇,走到中央的Old Town White Coffee晚飯。格局十足香港的"大排檔"餐廳,麵食同加央多士係主打:
怡保雞絲河粉(RM6.3),河粉好滑湯底清甜;蝦米粉麵(RM6.3),蝦湯底加蝦米鹹香,惹味。
唔識欣賞既阿參拉沙(RM6.3),杰遢遢既酸辣湯底,加埋沙典魚有點腥。海南雞扒飯(RM9.8),雞炸得香,飯就略嫌少。
加央牛油燒麵包(RM1.4),脆但加央味唔算甜,反而只係食到牛油味。迷你咖哩角(RM4.8), 有點油
南洋咖啡"絲"(Kopi"C",RM3.2)

火曜日, 5月 25, 2010

寶香綁線肉骨茶

黎到馬來西亞,點都要試試地道肉骨茶。












Pavillion頂樓有間肉骨茶專門店,整個menu滿滿都係豬既唔同部位肉骨茶。因為之前已經食左餐,白飯灼菜就食唔落,余經理開左壺鐵觀音茶,用公雞茶壺小茶杯沖泡,好型
點左碗"軟骨"(RM14),"小骨"(RM13),瓦碗底下有臘燭座熱;湯底藥材味唔重,反而帶甜。好彩唔算大碗,當飯後甜品都啃得落。