La Vie Avec Amusement

月曜日, 4月 30, 2012

"藏人"家庭飯局

昨晚興起,約了梁大少和堂妹Grace灣仔"銀座藏人"食buffet,因為大家都係為那刺身而去。梁師奶雖然唔多好日本料理,但佢都應該很久沒吃自助餐了,冒住佢可能邊食邊嫌三嫌四既風險,邀請埋同去。
刺身當然點完再點;除左第一盤較壯觀外,之後兩盤明顯較細,而且"交唔足貨",可幸4小時內無限點幾多次。
牛肉他他,清酒煮蜆,蕃薯檸檬漬,蝦天婦羅,吉列炸蠔
串燒頗香口:牛舌,鴨舌,雞翼,元貝
海鮮粥,麵豉豚肉鍋,雜錦鍋燒烏冬,炸忌廉可樂餅,芝士日本年糕
蟹子沙律,凱撒沙律,涼拌茄子,凍日本蕃茄,綠茶soba,蒲燒鰻魚,鹽燒青魚

日曜日, 4月 29, 2012

元氣堅果飲

又是在台劇"小資女孩向前衝"見過的即沖幸仁飲品,見樓下759有得賣,買了幸仁和腰果口味試試。 沖起來質感很thick,香而唔太甜。
幸仁飲添加了黃豆山藥,腰果則添加黑豆糙米,感覺健康。

最離奇係759標價HK$29,比台灣的網路價NT$149還便宜!

土曜日, 4月 28, 2012

"一門"壽司

早上到Sogo Hairdo剪薄了頭髮,過對面"一門"來個壽司套餐($85);新鮮,但那壽司飯握得有點鬆散。
跟餐的熱soba一啲都唔欺場,唔少菠菜本菇伴著。

金曜日, 4月 27, 2012

"步步"原著

 睇左一輪漫畫,換個口味;租了"步步驚心"原著…這個週末埋頭苦讀!

估唔到36集的電視劇,原著只得3本書,而且字體唔算特別少。之前睇的古裝背景小說,全都是金老庸,所以呢本相對文筆比較白話文的,感覺有點怪。很多人睇過電視劇,都推薦睇原著,看看會否結局感動多一點吧

木曜日, 4月 26, 2012

綠油油的老麥新品

McCafe跟星巴克風,出了Green Tea Latte ($23.5/中杯),可選soy milk或skim milk。
同時買中杯飲品,可以優惠價$16買原價$25的蛋糕,新出的班蘭蛋糕很不錯,內有紅豆,而且有椰香;感覺唔會太滯。最近老麥的蛋糕比星巴克做得出色呢。

水曜日, 4月 25, 2012

填鴨餐

尋晚Suki姐堅持請客,又指定要食北京填鴨;雖然大學站凱悅的"沙田18"口卑很好,但大家都嫌weekday晚飯太遠,寧願地點就腳的太古廣場"北京樓"。
去"北京樓",必點的是烤北京填鴨($400),唔算肥,肉亦都很juicy;但5個女人食一整隻就有點漏了。
北京老館醬蹄($88),楊柳萵苣荀絲($108),水煮牛肉($188),北京炒手拉麵($88)
甜品:桂花紅蘋果($30),內釀了紫米,下面浸著桂花糖醬;玫瑰棗泥糕($40),唔太甜,但亦都無乜棗香。

Bday Cocktail

Hudson今日牛一,同朋友在金鐘晚飯後趕下場,到太古廣場的Zelo飲杯野吹吹水。好學不倦既臣哥,讀完MBA還報了HKU Space的para-legal diploma來讀,不過現今職場上越來越competitive,多一項文憑polish個CV都係好事。
Kaffir Martini ($78), Double Peach Bellini ($78)

火曜日, 4月 24, 2012

一雞死一雞鳴

公司WE Green Project種的植物,大的薔薇科把枯葉剪掉後了無生氣,唔知是否一開始塞了粒善存落泥土度,營養太足佢虛不受補;和當初寄來時同一個模樣,應該可以certified
小的金錢草換了個盤後由之前營養不良狀,開始有起色,之前可能比那棵大的搶去太多養份了;真的是"一雞死,一雞鳴"。

月曜日, 4月 23, 2012

那些年的漫畫


尼羅河女兒(日本稱王家之紋章)呢套漫畫真係由我小學時期開始追,中間一段好長的時期已經不了了之;後來出來做野,再見到集成樓下的租書舖可以代訂,已經花費千多元買左幾十本回來重溫了。估唔到事隔10年,再發現呢套漫畫仍然冥頑不靈地近繼續有出版,現已到了56集,還在連載中。
暈。

呢個由在埃及唸考古的美國女生,無意中返左去數千年前既古埃及,因一頭金髮被誤以為是尼羅河女神的女兒,又和年青法老王談戀愛。中間幾十集由唔同既鄰國對呢個女孩你爭我奪:西台,亞述,阿馬遜,巴比倫……最近更加入埋古印度!!作者見好唔識收,繼續追看都係因為那些年的情懷,但我真係怕到我死那日都未等到個故事結局!!

日曜日, 4月 22, 2012

小小新生日趴

小小新Ethan今日一歲生日,下午在Piann那裡包場開生日趴!生日蛋糕是很可愛的米奇老鼠,下面兩層是Mickey和Cookie Monster的Cup Cakes。
兩位PR波士和Moon Moon,大部份時間都在廚房。Moon中場換了件長今衫,謀殺咗唔少菲林。
沙律小食:鵝肝醬on cracker,黑毛豬風乾火腿on melon,烤吞拿魚柚子green salad,凱撒沙律。
海鮮冷盤:凍蝦,翡翠螺,生蠔
熱盤:烤豬肋骨,咖哩雞配自製麵包,Carbonara (Penne)。
甜品:巧克力慕司蛋糕,果撻

土曜日, 4月 21, 2012

"一門"午餐

晚市長期客滿嘅居酒屋"一門",午市套餐$78起。

做完Facial後試了個刺身定食($95),六款刺身每款兩件,呢個價錢於銅鑼灣區算很不錯。那餐後咖啡很滑,值得一讚。

金曜日, 4月 20, 2012

大懵

4月份新的課稅年度開始,月頭一口氣寫了幾張支票捐助唔同既動物機構,見人家遲遲未過數都有點奇怪;昨日其中一間打來告知彈票!

在網上理財確定戶口有錢,再打去東亞話未收過彈票通知,初頭還懷疑自己寫錯抬頭或年份,結果.......原來是用錯舊的支票戶口cheque book(那個戶口已close了)。

很麻煩地續個機構打去解釋,要求劃花那張cheque(雖然其實都唔會過到數),再一一用繳費靈/網上payment捐款。麻煩了自己也麻煩了別人。

都係把那舊cheque book碎掉,免得一個不留神再犯同樣錯誤。

木曜日, 4月 19, 2012

OMG!!日劇"三色貓"

讀左多年的赤川次郎"三色貓"/"三姊妹"系列小說,後者早幾年就改編了日劇,今次輪到經典"三色貓福爾摩斯"都搬上了公仔箱!!
選角真係好有問題,設定比原著中感覺年輕得多。做怕血的30歲刑警片山義太郎,起用了的相葉,就算真實年齡差不多,但感覺太偶像了(我心目中的片山是佐佐木藏之介呢)。石津刑警也完全無那大隻傻戇的感覺。

無啦啦硬加了藤木直人做片山的哥哥,及搵個肥婆做三色貓真人的分身那小說無的角色,更加令書迷費解。

希望拍出來的效果,不要讓我邊睇邊罵吧。

水曜日, 4月 18, 2012

賣盤了?

自去年公司決定把奶粉生意賣掉後,一直著手搵買家;大家都心中有數那幾間公司在洽談中。

今朝見華爾街日報公佈了恰談到了埋門最後一腳,買家是"鳥巢";和大家預期中的答案一樣。最快下星期便宣佈落實。

和他們做了那麼多年"遠房親戚",雖然今次我們division不會直接收影響,但未來幾個月,"服侍"我們的supporting function很多未知數的變動,只會添亂吧。

火曜日, 4月 17, 2012

Hot + Cool =$4000+!!!!!

天蝎座真的很難捉摸。梁師奶早兩星期話要那免油炸鍋,轉頭落舖巡一圈又來個180度改變主意。她用我在annual dinner贏的三獎($5230),再加多$3000+買了這兩部Dyson Hot & Cool Fan;應該有一半是牌子與設計費吧。賣點係可以由0C-37C,雖然外型殺食,但也太貴了點吧;不過佢喜歡啦,唉。
真的中獎有時也不一定是好事,還要破財補錢呢。

Link: http://www.dyson.com.au/fans/heaters.asp

認識"大仁哥"

台劇"我可能不會愛你"係近年少有的唔胡鬧的愛情小品,當然大仁哥陳柏霖爆紅了,成為新一代好男人典範。

劇播完後數月,週日出了這個關於大仁哥私底下的documentary,也真的少有地以那麼年青的偶像作綵訪對象;喜歡大仁哥的不要錯過囉!!

月曜日, 4月 16, 2012

加入新景點

本來月頭的台灣business trip只諗住去試元暢的新餐廳Destino,但見到Gigi個妹兩公婆試了呢近日式古老大宅改建的餐廳"青田七六",很特色。決定一落機先去呢度食個lunch,Destino留待下午茶吧。

網站:http://www.geo76.tw/

免費導賞團的噢;而且去食飯要著襪,因為要保護老房子檜木地板
台灣實在有太多有heart的餐廳了。

日曜日, 4月 15, 2012

剃光Look

天氣又熱又悶,烏烏也清涼地剃了毛!

短毛look,唔少途人都以為是史納莎呢,次次都要替佢解釋"唔係,西施嚟㗎!"

土曜日, 4月 14, 2012

Skip Beat....

在看"華麗的挑戰"原著漫畫Skip Beat,人家出了29本還未出完,但劇的結尾只做到第13本,唔怪得知個結局咁匆匆忙忙的;無理由不破尚唔跟敦賀蓮爭女,劇集中那唯有的接吻只是幻想那麼想斬人的結局。
會拍續集嗎?
但要再遷就崔始源和東海的檔期開拍有難度吧。

金曜日, 4月 13, 2012

Ugly Late Lunch

今晚又有兩個focus groups,5點半就要吃飯了。

這間油街附近的Ugly American Bar & Grill,估唔到還可以叫set lunch。點了珍寶腸熱狗($58),水準喜出望外;薯條脆,熱狗包也新鮮。

盛女紅不讓

近來同事朝朝談論的節目,攪到我都要同廣告公司相討是否要加廣告!!
Florence姨真係紅爆,我朋友在facebook還抵死地話:

"Florence 阿姨,你又年青,又美麗,又無要求,必定搵到男朋友啦!你唯一唔得嘅係自大同以為自己好有本錢之嘛!!"

"係仔一見到即刻會硬!…我講嘅係係心腸....."

木曜日, 4月 12, 2012

"再一次心跳"首播

近排興起的微電影,呢套小豬楊丞琳在Sydney拍的微電影"再一次心跳"今日在土豆及Youtube首播;每星期播10分鐘,好像分5 parts。

當紅偶像+靚景,雖然故事有點似無線那廣告雜誌式的有點斷斷續續,最緊要係大家可以無料地在網上收看,又隨意轉載網誌和social media,充分發揮了電子媒體的廣告效應澳洲旅遊局這樣宣傳也真的讚到了吧。

水曜日, 4月 11, 2012

2004後又來?

尤記得當年梁生臨走前,晚晚在醫院陪佢睇新聞見到印尼地震後海嘯災情,估唔到今日旁晚又來個8.7級地震;希望經過上次事件後,大家也提高了防範意識,就算有海嘯也不會有上次咁大傷亡吧。

近年都係少去南亞海邊為妙!

火曜日, 4月 10, 2012

100週年

隨著今年4月15日係鐵達尼沉沒100週年記念,加上大家都睇過N次嘅電影3D版再上大銀幕,呢隻船又再一次成為話題。


4月號嘅國家地理雜誌以此為主題,而且它的電視頻道上也有很詳盡的documentary勁播(可惜我無NOW),在只找到3年前的相關片段,先看看吧。

月曜日, 4月 09, 2012

復活節Home-made

多謝Marinda這個Easter Weekend的自家製小禮物:復活兔曲奇,和home-made caramel!佢越來越向唔同物品作挑戰,平時甚少用得到焦糖,加落咖啡嫌太甜,不過還是謝啦。

日曜日, 4月 08, 2012

LED唇彩

多謝沙律特地托朋友從台灣買回來:估唔到台劇"小資女孩向前衝"內那付有LED燈和鏡子的唇彩是真有其物!
美國牌子,台灣製造;其實有幾可要摸黑補唇彩呢,但賣點夠晒gimmick!

挑戰76集!

見上海同事推薦,阿二同小麥都在追,鼓起了勇氣開了幾集長劇"甄嬛傳"。雖然也是講雍正,但呢個二撇中坑陳建斌所飾演的雍正比吳奇隆老多了(雍正剛登基時才得40多歲吧)。

呢套無帥哥,只得班後宮女子勾心鬥角的長劇,簡直是中國版的大奧嘛;而且此劇無甚配樂,感覺沒"步步驚心"的看得流暢。

土曜日, 4月 07, 2012

劇如其名:HUNGRY

剛入貨的呢套日劇,真的劇如其名,每一集都有很多法式料理,用大光燈highlight,越看越肚餓。
當然向井理呢位上緊位嘅新人王,做個放棄搖滾樂接手過世母親剩下的法式餐廳,對烹飪甚有天份的廚師,亦都係此劇賣點(稻垣吾郎又係一貫油頭粉臉的乸型)