La Vie Avec Amusement

水曜日, 2月 29, 2012

菜脯

朱家角買的甘草菜脯,以為梁師奶會嫌東嫌西,估唔到佢要把淨下的半包據為己有,因為那是佢小時候的味道;還問我幾時會再去朱家角幫佢買多啲返嚟!
有時佢既口味真係好飄忽,唔食梅菜但近期有見佢買炸菜返黎蒸蛋。初初見到包菜脯第一句竟然問我是否加拿大來的(你白痴呀?),比問是否有機更無聊。

其實朱家角古鎮距離上海個多小時車程,平時出差都唔會去;好彩大老板秘書好人話佢經常去那裡,可以幫我買。

火曜日, 2月 28, 2012

新明記

昨晚天寒地凍,約埋好耐無見既卡生,同露姐佐敦炮台街的新明記打邊爐。雖然係週一,但呢種天氣火鍋店真係唔憂無生意,門口都坐滿晒。
豬骨湯底($78/細)確實很讚,唔油兼入味。其他火鍋料亦新鮮,最掂係無加一。手切肥牛($88/細),牛骨髓($30),墨滑拼蝦滑($55),花膠拼魚肚($55),自製西洋菜餃($26),炸魚皮($20)

月曜日, 2月 27, 2012

"最多媽媽選用"Cupcake

樓下奶粉部剛完成的市場調整,惠氏成為最多香港媽媽選用品牌!!奶粉marketing訂了很多cupcake返公司作下午茶,比平時的size細一點,無咁漏,但上面的cream依然好甜。

日本酒vs餐酒

多謝奶奶和Connie的日本及"APITA"手信:日本的燒酌朱古力,和白酒醋薯片!!

日曜日, 2月 26, 2012

798茶聚

本來應該舉家去上海玩的Tina,因為佢老公盲腸炎體驗埋東區醫院的手術和大房服務,所以無啦啦多咗幾日留係香港見吓朋友。
時代廣場12樓的798 Unit & Co,沒有甚麼Tea Set,服務也麻麻,勝在夠靜局可以傾吓偈。

我就係late lunch:Black Angus Beef Burger ($128)牛肉有點鞋,不過薯條炸得不錯。其他三位女仕都試咗甜品:Lychee Panna Cotta ($55), Creme Brulee ($55), Apple Galette ($55).

土曜日, 2月 25, 2012

【小港包的台北五四三】

又一本誠品的戰利品,薄薄地帶上機最啱。



繪本係香港女生帶埋貓咪移民台北數年,將所見所聞畫出嚟;偶然會拿台北同香港的文化作對比,雖然無想像中深入,但圖多字少作機上讀物不錯

金曜日, 2月 24, 2012

朱家角古鎮

下午Training完之後,Sinmei先回香港;我同余經理由老板Keith及其司機帶路,到附近朱家角古鎮繞了兩圈。天氣甚冷加上毛毛雨,不是週末遊人也不多,大部份舖頭也差不多收檔。感覺有點像台灣九份,秋天乾爽時應該挺舒服。到主要景點"放生橋"上影一影水鄉的華燈初上,就打回頭了。
老街很多舖都賣粽子,紅燒元蹄,各色醬菜,甚至有比一般蛋大兩倍的燻鴨蛋
老板帶路掃街:

古鎮湯丸。Size好大,是香港的兩倍;而且皮很厚,但咬落唔滯口。即點即製,點了三種口味:花生,芝麻和較少見的棗泥(RMB1.5/each)
熱辣辣肉粽。老街大部份的粽都是涼的,要即食當然要熱辣辣的,當街手拿著粽邊走邊吃都係第一次。那糯米是茶色的,更有荷葉香。
老板買給同事們的手信:類似台南牛舌餅的"酥脆餅",和一大包甘草菜甫!!多謝Keith!!

很一般的滬粵菜

公司晚飯一坐低,就先擺了"滬潮粵"八小盤,味道很一般。
其他賣相很一般,味道也一般的所謂酒店菜式:白灼基圍蝦,辣汁炒花枝片,四寶瑤柱羹,外婆紅燒肉,吊燒BB鴨,清蒸桂魚;因為飯後要趕赴明天trainer的一個warm up session,所以時蔬及炒飯來不及上就閃人了。
似乎呢間酒店只是得一樣優點,就係夠新;其他服務及廚師都是水準以下。

飯後那Warm up,以為是2hrs,結果一攪就攪足4hrs;又要分group與同事握著手形容對方,等自己可以知道人家對自己的first impression,又分小組要輪流分享一件影響人生觀的經驗.....累爆!

木曜日, 2月 23, 2012

上海夏陽湖Crowne Plaza

剛check-in了,很新的酒店,但服務員非常green,不太專業
房間算很大,假假地都叫做一間套房。雖然有兩部LG平面大電視,但訊號收得不太好,看NHK好像在看老翻影帶。

附近好似沒甚麼好逛的,天氣冷(9C),而且灰灰朦朧,完全沒興緻出去走走。

水曜日, 2月 22, 2012

我和Connie的介紹人

十多年無見既舊同學Tina舉家返港探親,我同Connie飯後趕下一場到麻布茶房食甜品聚一聚。雖然大家到係加拿大讀藥劑,但唔同大學,其實Connie到係經Tina認識;佢地中學時常常比人話姊妹臉,確實有點似呢。[宇治金時刨冰($43.8)]

德興$1466套餐

阿二的生日飯,雖然都係食12位套餐,但德興比迎囍多點新意。可惜Annie去程在巴士樓梯撞傷了,大腿紅腫左一大片,匆匆點坐個例牌叉燒同炒飯就去睇醫生。
$1466/12位全包宴確實碟頭好大,而且味道不俗但美中不足係那麼大盤蟹肉翅,當大家也在說"沒有買賣,就沒有傷害"的時期,那麼殘忍殺生的產品,點解唔在套餐中刪除,減幾百元呢?呢一味我棄權以示抗議。
單尾的"泥巴拉麵"賣相真的很嚇人,望落去似肉醬意粉,底下的所謂拉麵似公仔麵,也太奇怪了吧。

貴過機票既洗牙!!

放假帶烏烏到西貢洗牙,在Starbucks呆了大半天,飲完Green Tea Latte再來個Almond Soy Milk;好彩有Harry Potter陪我。
Okapi吃了個質數很不錯的平靚正午餐($48):南瓜湯,煙三文魚義大利飯,肯雅咖啡
5pm等麻醉藥過後先去Pet Central接烏烏,埋單$2619真的很嚇人;之前驗血,全身麻醉+洗牙,一星期抗生素......貴過張台灣機票!!

火曜日, 2月 21, 2012

木星街金豪

二月份係YY生日,月頭月尾甚忙的她,要等到月中先可以較早收工出黎飯局。就佢,到木星街試試"金豪酒家"的小炒
醒胃山楂骨($68),菜膽燉白肺湯($128),過瘦的燒鵝皇($98/例),蠔皇海參鵝掌煲($98),麻麻地的順德魚腐浸時蔬($68),唔油及粒粒米炒得分明既楊州炒飯($68)。
飯後意猶未盡,行過兩條街到清風街的瀰月屋食古早日式甜品。玄米奶凍($35),葛軟滋-冬梅味($38),燒丸子($38)。

月曜日, 2月 20, 2012


米果的初老症狀

因為大仁哥/又青姐故事效應,在誠品見到"初老"症狀原作者米果《只想一個人,不行嗎?》二話不說買下。
以下米果敘述的初老症狀,你中機條?
初老,其實是有跡可循的,譬如……
【1】身旁陸續出現一堆人喊你「××哥」「××姐」,但其實很想叫他們閉嘴。
【2】發現同事的年齡與自己的距離從五歲,擴大到十歲、十五歲…
【3】開始懷疑比自己年齡大的人,是不是都跑到外星球去了。
【4】以前可以唱KTV到天亮,現在只要熬夜一天,就會累一個禮拜。
【5】只要坐下來,小腹就有一攤肉。
【6】開始注意維骨力和維他命E的行情。
【7】躺在沙發看八點檔連續劇會熟睡三十分鐘以上。
【9】覺得五分埔與路邊攤的T恤都是給紙片人穿的。
【10】以前煩惱青春痘,現在煩惱小細紋。
【11】除非參加清早晨運的甩手功或廟會朝山活動,否則很難找到比自己年齡大的聚會。
【12】對於陌生網友「我們可以交朋友嗎?」的說法,覺得無比愚蠢而沒有耐心。
【13】認識新朋友的速度與機率逐漸鈍化。
【14】對於沒有結論的冗長會議充滿厭惡。
【15】越來越覺得專家說法都是唬爛。
【16】已經放棄「All You Can Eet」這種吃到飽的把戲了。
【17】如果一天沒有吃綠色蔬菜就會覺得身體怪怪的。
【18】莫名其妙就會一大早醒過來。
【19】逐漸沒有耐心替爛朋友收爛攤子。
【20】越來越不喜歡改變「已經習慣的習慣」。
【21】很討厭在外面過夜,因為要帶好多東西。
【22】不知不覺,隨身攜帶溫水壺和牙線棒。
【23】懶得交新朋友的原因,是因為懶得從頭交代自己的人生。
【24】越久以前發生的事情越是記得,越近的事情反而容易忘記。
【25】總是把「重要的東西」放在「重要的地方」,然後把那個「重要的地方」徹底忘記。
【26】覺得自己快要被一堆密碼和一堆遙控器淹沒了。
【27】每次看到某某歌手某某影星過世的消息,就要感嘆一次,我們的時代過去了。
【28】60頻道以後的電影台播放的舊電影,會忍不住一口氣看完
【29】說你看過「東京愛情故事」,知道「完治」與「莉香」,周遭一片譁然。
【30】朋友們離婚的(數量╲年度)開始超越結婚的(數量╲年度)。
【31】對於星座、運勢、紫微斗數、塔羅牌、兩性專家與勵志書,已經沒有感覺了。
【32】對於磁場不對的人,可以毫無牽掛的跟他說再見、再見、再見……。
【33】參加告別式的機率比婚禮多,包白包的機會比包紅包的機會多。
【34】再也不覺得年輕辣妹或帥哥是一種天上掉下來的幸福。
【35】以前糟蹋身體,現在被身體糟蹋。
【36】開始注意醫藥新聞,譬如銀杏是不是可以預防老年痴呆。
【37】對於年輕朋友不讓座這件事情非常介意。
【38】對於手機鈴聲開始感覺不耐煩。
【39】逛超市買東西,會注意成分與製造商和賞味期限。
【40】對超商的集點活動完全沒興趣。
【41】對路邊的NuSkin問卷部隊非常有意見。
【42】對詐騙集團開始產生周旋的戰鬥力。
【43】逐漸喜歡到傳統市場買菜。
【44】最討厭聽到「如果你不怎樣,就不能怎樣」這種威脅。
【45】再也不相信政治人物「替鄉親服務」這種屁話。
【46】對於百貨公司週年慶已經沒什麼衝刺的慾望了。
【47】報紙影劇版報導的明星大部分都不認識。
【48】KTV熱門點播排行榜的歌曲完全不會唱。
【49】當紅的偶像歌手大部分都不認識。
【50】對於RAP一點好感都沒有。
【51】枕頭旁邊,電腦鍵盤旁邊,出現一堆萬金油、白花油、綠油精等提神藥方。
【52】看到火星文會火冒三丈。
【53】看到「某某某,安安」的網路問候語會抓狂。
【54】讀到「偶棉」兩字,會想要賞對方兩巴掌。
【55】聽到SNG連線記者說「××正在進行一個○○的動作」會渾身不舒服。
【56】經常因為一個廣告、一段台詞、一個畫面就感動到狂哭。
【57】買手機的原則只有一個,就是「字‧體‧一‧定‧要‧大」
【58】驚覺產品說明書為何越看越不清楚。
【59】聽到新聞報導一位「三十歲婦人」在捷運手扶梯摔倒,對於「婦人」一詞非常有意見。

日曜日, 2月 19, 2012

一人消夜

SUN VIP卡15分換的刺身7點,一啲都唔欺埸!
炸海蝦卷($24/3件),香芒牛油果蟹卷($30/3件)。

土曜日, 2月 18, 2012

廚餘

今早在恆隆中心星巴克邊嘆咖啡邊睇書之際,有個牛高馬大,平頭裝踢人字拖,貌似強國公民的年輕男子,行埋去我斜對面,人家走後剩在碟上的一角Danish,邊望我有無反應,邊拿走施施然步出店外放進嘴裡!

強國公民,你們不是來香港揮金如土的嗎?幹嗎要偷廚餘來吃?

雖然無浪費食物未嘗唔係好事,但確實令人看傻眼!

等待後的晚餐

用SUN VIP卡25分換了半隻花咲蟹,當然約埋蟹痴Annie去;比上次細隻左,但肉質不錯。Annie對鍋燒烏東($63)讚不絕口,我就依然鍾情松葉蟹腳釜飯($78)。
木糠甜品店原來搬左去利園山道附近;飯後甜品:咖啡/波羅木糠布甸($28)。

金曜日, 2月 17, 2012

尖沙咀呆等

告了假在尖沙咀等了大半日都等唔到要接待嘅加拿大婆婆電話,把心一橫,到隔離藝術中心睇大英博物館的"神禽翼獸"展。部份展品數千年歷史,尤其係埃及與阿述國的雕刻尤其精彩。
睇完個展覽都冇婆婆嘅電話,在附近Deli & Wine來個Fish Burger($38) & House Red ($38)及就收工。等了6小時仁至義盡。那魚堡值得一讚,外皮炸得香脆但肉很嫩滑。

木曜日, 2月 16, 2012

告假當導遊

幾年前接待過大舅父公司(CIBC)的老板個親戚,坐遊輪來香港停一天的婆婆。我連人家姓乜都唔記得,明天佢又坐遊輪黎香港,梁師奶就要我告一日價接待!!

朝早8am到,晚上11pm先開船;但80幾歲未必好行得,上次都帶過佢去山頂同赤柱,昂平就真係好很遠,但市區又可以帶佢去邊消磨咁耐呢?

唯一諗到就係先帶佢去有點心推車既茶樓嘆一盅兩件,到時再睇情況吧。

水曜日, 2月 15, 2012

Simply Lunch

約左同響太古坊返工既Gigi同Karmen去個Simplylife bakery lunch:Spinach Quiche ($30), Apple Fritter ($15), Pumpkin Soup ($35)。
環境以quick lunch來講算舒服,不過食物選擇唔多。反而沙律種類多而望落好新鮮,下次可以一試。

火曜日, 2月 14, 2012

開會吉日

到底3月19至23日那個星期是甚麼好日,幾個會同training都撞到埋呢幾日,而咁巧合都係安排在香港開!!

其中一個training因為撞我APAC Marketing Meeting,我比個藉口自己propose去sit in台北4月的同一個session!!(當然係有私心啦)

其實上海3月底也有同一個session,但我以training material是簡體字唔會太明為理由,建議自己去同聲同氣的台灣更理直氣壯!!!哈哈哈哈哈......

月曜日, 2月 13, 2012

紅月季/銅錢草

剛收到上海office速遞落黎,給每個site office綠化辦公室的植物,有泥有膠盤(雖然個花好娘),及兩種以濕泥包好的種。
香港被分派的是紅月季(有點像玫瑰),及銅錢草種到4月還要比賽鬥茂盛呢。放在老板office內有陽光的角落,希望它快點開枝散葉吧。

丼丼屋食堂

太古城中心開的連鎖日式食堂,格調甚似大戶屋
新開張超多人排隊,未有試大碗飯,反而先試炸物;吉列豬扒(柚子醋)定食($83),炸物做得不錯,米也是用日本珍珠米。但價錢比大戶屋略貴,人家$70已經包埋木箱蕎麥麵了。

日曜日, 2月 12, 2012

70年前的肉食女

重睇"亂世佳人"第6次,荷李活的第一套彩色電影。當年老豆帶我去碧麗宮戲院睇的第一次當然記憶尤新;連梁師奶都睇到唔捨得洗碗就知道呢套70年前的電影有幾大魔力!
Scarlett O'Hara喺名符其實的經典肉食女,主動,敢言,勇敢,堅強但毫不掩飾自私及勢利的性格。比起其他舊片中女主角大多本性善良溫婉有很大分別。那真性情有血有肉,大半個世紀後再睇,仍很有魅力。

女主角慧雲李死前數年的照片,依然很有味道。
二撇雞情聖奇勒基保點睇都有點猥褻,而Scarlett迷戀多年的懦夫Ashley,真的同查理斯皇諸餅印一樣,果然相由心生!

土曜日, 2月 11, 2012

舊片入荷

最近同個80後同事講起呢啲舊片,發覺佢地好多都未睇過;自己也撩起條根想重溫

最貴嘅HMV唔會買,其他細點的碟舖買VCD只揾到呢幾套。今晚就開至愛嘅"亂世佳人",當年細細個第一次去銅鑼灣碧麗宮戲院睇還記憶尤新。
有誰有賓虛,羅馬假期,真假公主,龍鳳配,及仙樂飄飄處處聞借我?

金曜日, 2月 10, 2012

再痛過

烏烏整親頸3個月,尋日又番發!! Symptoms同上次差不多,坐到直一直唔多郁,個身有少少震(應該係忍痛)。拿拿臨放下午帶佢去西貢Pet Central睇Dr Mike。

比左止痛藥+鎮定劑(Diazepam 2mg),困籠數天,無乜特別野可以做。

但尋晚聽梁師奶講,佢都訓得好差,大半晚都係坐直來震。唉,希望呢兩日會好轉。佢病慘過我地病.....

梁師奶聽人講話烏烏年紀大"血氣"唔夠,所以買左5個Made in Germany熱水袋($89/each)圍住佢張"籠床",頂頭鋪了大毛巾,隔離開暖爐…

木曜日, 2月 09, 2012

第一杯

多謝堂妹在Seattle第一間星巴克買的手信,凍飲tumbler。Logo是第一代的classic款,後面還有tick了"first store"的box。

自製嫁妝,哈哈!!
今年等到初十五過後,把部份公司門口的柑桔摘了,來DIY兩小瓶鹹柑桔!!
放在櫃內十年+,就有兩瓶阿蘇口中的"嫁妝"了,哈哈(希望唔會發霉)

水曜日, 2月 08, 2012

4+8Mix曲奇下午茶

過左年既Jenny's Bakery,沒有了長龍,買兩罐曲奇返公司比同事們下午茶。

近情人節,熊仔罐也換了心型look;4mix很鬆,但個人較喜歡8mix的口感和那薄薄的外型。

燒肉lunch

去銅鑼灣訂卡拉OK,順便來個超抵食的"伊呂波套餐"($90)。

燒肉+刺身+天婦羅,牛肉當然有點水準,Debbie的豚肉雖然有點肥,但燒過後很有油香。

一芳

Connie同事的家姐有份投資,剛開業不久;為於集成中心後面灣仔道Tiffan大廈16樓,價錢偏貴但有水準的日本料理。各位年底英倫之旅的tripmate先踩踩場來個飯局試試。
爐端燒:雞肝($60),雞腎($50),銀杏($40),牛舌($80),免治雞肉軟骨棒($80),雞中翼($80),燒芝士年糕($180)
壽司:海膽($50/件),三文魚子($30/件),中拖羅($50/件),上壽司拼盤($250)
軍雞鍋($180):板本龍馬被暗殺前的最後一餐,其實即免治雞肉丸火鍋加長葱絲,留下的雞湯可以加飯,蛋和葱花煮粥($30),一點雞湯也不剩。