La Vie Avec Amusement

日曜日, 5月 31, 2009

反轉豬兜是王子vs開心直航








雖然落畫無耐,仙樂好快已經有售既$15清晰版DVD

週日body massage,游水,做gym之餘,都仲有時間煲晒兩套劇。

本來對豬兜王子比較有期待,但未如想像中好笑。原以為係"醜女大翻身"式劇種,但中段內容太鬆散,而且所謂"王子"既中生谷原章介,雖然曾經做過日本既第一代道明寺,但佢個樣都會變萬人迷就真係好牽強。
















反而開心直航個故事雖然係簡單的一場航班遇上事故要折返日本,當地颱風令著陸前驚險重重既簡單橋段,但相對出色。唯獨猛晒一d好technical既對白,如果唔係熟知駕飛機既人(如我),會聽得有點lost。

頭筋?

又一按摩師的自創名詞。

今日做body massage接近尾聲,按頭時個按摩師話:梁小姐你d頭筋好漲喎。

(頭筋???心諗,個頭蓋只係一層皮包裹住個最硬既cranium,無肌肉又何來會有筋骨呢?唯一有既"根"係髮根,但"此根不同彼筋")

本想以沉默黎打發佢,放佢一條生路......

點知條女仲唔識死,繼續問:你是否經常頭痛架?

就呢句,令我打破沉默,馬上同佢上左堂biology

土曜日, 5月 30, 2009

Caltrate Yoga Workshop

上個月攪Centrum,今次都係透過Take Me Home生活區報合辦既健康講座+瑜珈workshop,不過主題係Caltrate。
地店亦都比上一次好,尖沙咀青年會既function room;雖然個房間比較長,但兩旁都有電視,唔怕坐後面既客睇唔到個screen。
先由合作開既營養師David黎個骨骼健康講座,呢一年多落黎,自己都聽到差不多識背。
其實大部份人,都係為左之後既一小時瑜珈workshop而黎。場地所限,三百人一齊做伸展動作顯得有點擠。我返到屋企都試過,看似容易既動作,其實頗難平衡的呢。

Prawn Cocktail回歸

斷貨多時既馬莎Prawn Cocktail,終於都被我尋日響"又一城"搵到。









$16包有點貴,但呢個係待過英國既人都公認既集體回憶,偶一為之啦。

花瓣型既蝦脆片,帶點千島汁既酸味。其實輪脆口佢又唔係特別脆,相信仍然有market,應該係經典英式零咀之故。就如另一個傳奇MARS bar一樣,一條千多卡路里,同整碟乾炒牛河無異,點解仍可生存響貨架呢?

金曜日, 5月 29, 2009

城大Award Ceremony

City U既marketing應屆畢業生,幫我地做左兩個studies:Shoppers Insight of Centrum/Caltrate in Watson's/Mannings/General Trade; 班同學仔經過呢兩個月既街頭survey,focus groups,presentation同交左份重到嚇親我既報告之後,終於都到最後既頒獎禮。
未開始前,先黎個lunch buffet;其實明知係行貨,但要坐head table同其他參與呢個城大project既公司代表social, 好唔好食都無感覺啦。

2pm移師到禮堂正式開始個ceremony。睇得出班學生放左好多effort落去攪呢個儀式,個個都"隆重"地著晒黑色西裝/套裝。緋聞女張茆都有出席,佢同幾位內地同學個個濃裝艷抹,5吋高跟鞋,迫使我地唔望多兩眼都唔得。

其他參與既公司有:KOSE,大塚製藥(Pocari, Soyjoy),領匯,Citizen,Mikli,同灣仔碼頭。每人輪流上台致詞數分鐘,KOSE個日本仔甚至要個本地女總經理上去幫佢做翻譯。成個ceremony長達兩小時,扮完獎致送記念品,再黎個大合照就大功告成。

木曜日, 5月 28, 2009

早晚兩餐Match Too

新都城二期商場,郭少雲開的餐廳;夜晚甚至會見到佢親自出黎樓面做reception。餐廳主打fushion西餐,有點"紅螞蟻"feel。









今日一連兩餐都響呢度解決。下午係巢大小姐過黎拿DVD,晚上輪到梁大少及女友過黎食飯。









味道雖然只屬一般,但裝修同service都唔錯,價錢亦非常"紅螞蟻"[以下均有餐湯及飲品]:

黑松露菌汁肥牛板燒撈飯($68),鐵板上周邊有紙圍住比我地自己落汁幾得意,但嫌牛肉太少
日式炆雞肉野菜石頭鍋飯($46)
南瓜雞扒石頭鍋飯($52)
雞肉菠菜闊條麵配黑松露菌忌廉汁($58)

蒜蝦天使麵配新鮮蕃茄汁($64)
海南雞飯($55),荵油撈晒落d雞度,食到尾感覺非常油

最特別係有多款的式一口甜品,每款$8:白酒汁果凍,熱情果芝士焗雪山,益力多芝士餅,黑森林,薑汁焦糖燉蛋,士多啤梨三重奏,豆腐芝士餅。

水曜日, 5月 27, 2009

曾少宗的狗狗生產全記錄:
【我與小妹和她的兒子。】


































(轉自:曾少宗-來個迴旋踢吧~!! - 無名小站)

唔知曾少宗係何方神性?當年"可米小子"一員是也。

近作有"惡作劇2吻"扮晒木村頭既大茄,同埋香港較熟悉,去年麥當奴鮮蝦漢堡既廣告男

今次重點唔係講佢,而係佢家中最近既新成員:上個月剛出世既"小寶"。

以下兩個post link,簡即係"小寶"既出生篇同滿月篇;超溫馨可愛。(唔知烏烏細個時,有無咁多邪眼表情呢?)但,非常單眼皮噢。

Link(生產篇):http://www.wretch.cc/blog/Figaro1981/9237288
Link(急速長大篇):http://www.wretch.cc/blog/Figaro1981/9238932

火曜日, 5月 26, 2009

宵夜短聚

Annie剛由廣州開完會落香港,反正我都被迫telecon到8點幾,一於約埋幾位港島區廖太出黎「麻布茶房」黎個late dinner。太夜開飯,雖然個menu好多野都頗吸引,唔想食咁heavy唯有點個"茶房風蟹肉飯"。









雖然Annie近排無去日本,但無孔不入既Hello Kitty已經進駐大陸機場,最新攪作係內地名物既手帕。上海有"東方明珠","大閘蟹","旗袍"北京即有:"太極拳","北京鴨",同"熊貓"。其實真係有點牽強,"旗袍"係滿清文化產品,應該同北京相連,反而"熊貓"關北京X事咩,四川先真啦。好彩Annie都知我唔好此道,送左盒Glico內地版既紅酒巧克力味"pejoy"(相信即係Pretz)。












阿二去完一轉中環都有手信:超貴既La Maison du Chocolat既macaron;我食既係咖啡味,個人覺得比其他地方如Antique出品既更甜,同日本仔既和菓子有得揮

月曜日, 5月 25, 2009

New Moon @ 2009-12-17 in HK

拍得如火如荼既Twilight續集New Moon,美國本土就同去年同一天,11月20日開畫。香港亦如去年,差不多遲一個月,排響聖誕前先上。

Yahoo電影已經有個post,出左呢張新劇poster。同第二集小說內容一樣:暗無天日。

希望殭屍男唔好似小說咁,出得咁少場次,被人狼篤眼篤鼻地搶晒鏡頭啦。

七彩雨傘機

地鐵販賣張小嫺小說機早前都響銅鑼灣地鐵站見過,但輪實用,點都唔及尋晚響金鐘站發現既七彩雨傘機(或者一早已經存在,只係我孤漏寡聞)。









顏色著實吸引,每把定價$68,唔算貴。話就話係"日本技術",咁講法都預左係國產貨。

放響金鐘呢個不見天日既月台位置,真係有點徙料;試問出到去先見到落雨,有幾多人咁神心返轉頭落去買傘呢?

個人覺得呢部機應該普及,但一定要放正地鐵出口,咁至有impulse purchase。