林東芳牛肉麵

上次同沙律來剛好碰到週日的公休，今次點都要再黎試那個"比永康牛肉麵更讚"的林東芳。

位於百德道2段安東街口，係沒有甚麼門面的長龍麵店。

那半筋半肉麵(NT$180/小)，麵質彈牙，肉也很稔，湯頭介乎紅燒與清燉之間。小菜(每碟NT$30)也很有水準，暖的花干(即滷豆干)很入味。

TSUJIRI

下午茶，在信義區阪急百貨地庫的辻利TSUJIRI來個"宇治金時"(NT$150)，即店內的招牌抹茶刨冰，配小倉紅豆及白玉。

好大的一杯!!但初頭吃上層時有點狼狽，杯身太窄，邊食邊跌。

阿正午餐

上次跟前老板John黎過"阿正廚房"晚飯，午餐價格抵食好多，一落機放低行李就坐小黃過黎食晏。內街的小店，如果唔係有local帶路，真係唔會識摸到黎。

開胃前菜(麻醬沙拉，梅醬山藥，蝦cocktail)，磨菇馬鈴薯忌廉湯配白松露油。

主菜-牛肉壽喜燒NT$680，仙佛跳牆NT$680，紅醋時魚NT$580；甜點-法式杏仁小蛋糕，咖啡。份量好大，呢個價錢唔算貴。

Midnight in Paris

剛出了碟，之前沒在戲院睇，但口碑不錯的一套電影。

活地亞倫的電影我都係第一次睇，有點魔幻的故事：講述性格有點別扭的無名作家，攜未婚妻及未來外父/母到巴黎，一晚獨自在午夜的巴黎街頭迷路，上了架古董車就穿越時空，回到20年代的花花世界；遇見很多名人如海明威，達利，畢卡索等。

故事頗有創意，但最殺食都是那貫穿整套電影的巴黎美景!!(應該巴黎旅遊協會也要鳴謝導演吧)；可惜我買的是VCD，畫面質數麻麻。

姐弟變大茄

上月同烏烏在西貢海旁放狗時，見到拍戲；結果26號晚的”結•分@謊情式”播出了，姐弟倆變身大茄路人甲!! (多得阿丁幫忙cap圖!!)

Portable香薰棒

可能好友Gigi知道我為左佢在生日送的香薰噴霧機買了很多香薰油，聖誕再來個portable的享薰棒，可用乾電或插USB(環保一點當然會選後者)；內有一小瓶佛手柑精油。

哈，可以帶去出trip啊。

年末CCC飯聚

聖誕假期最後一天，約埋Gigi，阿拔，阿菁佢地到CCC晚飯。席間1/3都係細路，各家長都忙住邊睇仔邊聊天，好不熱鬧!!

每碟份量都好鬼大，燒鵝巨型($320)，荔芋帶子盒那芋蓉外殼太鬆散，太史五蛇羹料很足($240/例)，不過那條蒸海班一流，滑不溜口!!懷舊馬拉糕($48)則唔夠連香居做得咁鬆軟。

Boxing Day連趕3場

都係不停的吃喝!!

午飯到世貿的"名家"吃韓定食，個炆牛肋骨($98)那層油浮起來很嚇人，我那人參雞($98)參味唔濃，雞內亦唔覺釀糯米。配菜也比"金羅寶"輸蝕，水準麻麻。

吃罷韓食由13樓落5樓，去Hooray的無敵海景大露台來個Cappucino($42)；沙律那個"mini burger"真係名符其實，細得誇張，是一口漢堡吧。

Shirley & 沙律跟我入寶琳，先到會所玩30分鐘按摩椅再來30分鐘碌lane，才到樓下"金滬庭"食麵慶祝沙律的農曆生日。 

笑到噴飯!!

我不是福祿壽的fans，但刀大在噗浪度share了這個視頻，真的很爆笑!!

下午茶火鍋直落

沙律生日，加埋Shirley又從加返港度假，下午先到Excelsior 1/F tea一tea!!

個high tea都未落隔，又到鵝頸橋底"新星"來個兩小時任食火鍋($108/位)，清甜的蕃茄薯仔粟米湯底$88。今年冬天"第一打"!!

初遇小小新!!

拿東西給奶奶時，意外地可以順便同小小新來個近距離接觸!!

好一個惠氏BB，面珠漲卜卜，當住佢父母面前都多手輕輕篤了兩野。

吸血聖誕日

雖然早前睇過老翻，但入場睇大銀幕真係正好多；Bella懷孕期間仍然很道友，但Edward靚樣就清楚得多。而且打鬥場面起碼都知"邊個打邊個"。

下集最終章要等到明年聖誕......也拖太久了吧！

Merry X'mas!!

"各位哥哥姐姐，聖誕快樂！"
-康復中的烏烏上。

眼高手低apm

apm商場用了瑞典的女手繪插畫家Liselotte Watkins，那些身型甚不合比例，但又有點懷舊fu的人偶做主題。但眼高手低，整個佈置感覺很cheap!!

中庭有古董香水展，但那些小瓶殘殘舊舊，又無乜射燈，真係似摩羅街地攤，連影既興趣都無!!

關西限定

最近唔同既朋友都到京都/名古屋，帶來當地限定的Pocky/百力支!!

心癢難當，明年一定要schedule個日本trip!!

聖誕曲奇

昨晚又和Upjohn舊同事去SUN，用埋d bonus points換了兩條小鯛，及半隻花咲蟹。那裡三月底就關門大吉，那些bonus point換的食物也減價了，平時50分換的季節魚刺身，現在25分可以換到；雖然食物變化不大，但價錢味道都ok，有點可惜。

Marinda's 自家製的可愛薑餅人和聖誕曲奇，那sumo薑餅人已給我幹掉了作早餐!!

ENOTECA Tapas Lunch

下午約了代理食晏，試試公司樓下新開的地中海tapas餐廳ENOTECA。

Broccoli & stilton soup, smoked duck salad with orange and rosemary vinaigrette, Asian Plate, Seafood Plate, wild mushroom linguine...banoffee cake as dessert

"例牌"生日飯

12月份的廖太生日飯局，因為太近冬至，酒樓的特價menu全面暫停，唔想捱貴價套餐，只能散點例牌菜。($388 combo：碧綠龍躉班球+清蒸龍躉頭腩，半隻脆皮雞)

燒鵝半隻$158，咕嚕肉$58，乾扁四季豆$58，炸菜肉鬆滑豆腐$58，野菌浸時蔬$68，芥蘭炒臘味$78，黃金海鮮卷$78，碧綠炒蝦球$98

那碟椒鹽蒜香骨$68，初頭來的一碟簡直似被吃了一半，恨恨地投訴過後來的一碟，先像樣點。

唯一份量比較似樣的，就是單尾：香芋臘味糯米飯$78，瑤柱蛋白炒飯$78，鮑汁野菌炆伊麵$78

又一團體靈異照

吉隆坡年會的團體照出來了。

跟往年一樣，幾百人的合照沒可能睇得個個清楚，近看人人面目模糊之外，更加有個別同事呈現"化開"的狀態!!

顏色也很奇怪，偏紅。唉，呢d相都係望一眼就會收埋落folder，永不見天日的了。

b仔朱古力禮盒

多謝廣告公司的聖誕gift box，不過鐵罐就大，其實內餡很有限!!(都是些chocolate coated raisins，chocolate coated棉花糖之類)

花錢買品牌和packing了。

德福Poodle展

九龍灣德福商場今個聖誕主題竟然係poodle!(點解唔係西施呢？)

商場天花也滿滿是小poodle!

下午有poodle show，唔少狗主都帶左真poodle到場呢!!

珠光寶氣聖誕@圓方


中庭走的珠寶手飾主題，應該是旁邊"周生生金行"贊助的吧。天花，水晶燈很正路，但倒吊的麋鹿是怎樣？

卡地亞門口的Deco，吊滿小盒的聖誕樹，雖然也是珠寶品牌主題，明顯地較貴氣。

埋頭苦讀中...HP

無錯！
 
重溫整套Harry Potter小說確實係一個大project，但因為隔了很多年，雖然記得故事大概，細節再讀時真的有點"新鮮感"。之前每本都隔好長一段時間(因為等作者寫好出書)，故事會覺得有點散；現在一氣呵成地看，當然更有連貫性。

接下來打算買埋剛出的整套電影DVD 1-8 Boxset，聖誕前也來個一氣呵成式重溫。今個月，再次投入魔法世界！

CX Lounge佳品

回港前的候機室午餐，有熱的豬肉湯小雲吞，但最欣賞的還是那碗白果鹹雞粥。

新天地新吉士

一整日training完後跟同事Susan，Michael和兩位trainer到新天地晚飯，當然是道地的上海菜。店內坐得有點逼，但食物很不錯。

外婆紅燒肉是名物，但有大大籃辣椒炸大蝦拼雞件很野味，鮑魚佛跳牆和乾菜黃魚也很不錯。

清粥早餐

大廚應該是台灣人吧，有地瓜粥呢(我還以為是在食清粥宵夜)，青瓜汁也很清腸胃。

浦華大飯店

剛到上海，今次training在很古色古香的浦華大飯店，剛翻新過，但很有懷舊的味道；可惜地段較偏，附近沒甚麼店，更遑論老好星巴克!!

房間很大，那個浴缸很古典，浴室算半開放；最欣賞那日本Victor的DVD機和Toto座廁。

Check-in都8點多，懶得出去搵食，就在酒店2樓的中菜解決。點名叫"台南擔仔麵"真係有夠古怪，來上海食台灣麵？

份量細得誇張，擔仔麵預了細碗，但連炒飯也是一人份的吧，幾啖食得完!!最嚇人是埋單是見到一壺茶收RMB$198!!!唔好去搶？香港的大酒店也不會那樣收吧。(海蜇卷RMB$38，上湯豆苗RMB$48，擔仔麵RMB$15，櫻花蝦炒飯RMB$48，蟹肉小籠包RMB$48，素雞腐皮卷RMB$24，栗子燒鵝酥RMB$38)