維園行大運有免費Cool魔

又係每年一度的去維園行大運，今年除料鐵腳Annie之外，還有Jacqueline也襯熱鬧陪我們癲。我都少有地買了盆"大吉"($45)，可循環再用!

竟然還有Cool魔免費揮春和風車任拿!!

今年終於都唔去澳門茶餐廳，到天后大利吃清湯腩；那碗雙拼(正確係$50)，牛筋和牛腩都係寥寥兩三塊，頗貴。

初夏的感覺

下午簡直暖到有初夏的感覺，和烏烏再遠征坑口；沿途晒太陽望公園，不知幾爽。

收爐lunch

12pm收爐，估唔到譚仔好生意到比我更早收爐，初二啟市。

試試新都城剛開業不久的UCC， 漢堡奄列飯$95，望見個樣都知普通，佢亦都不負所望，味道果然很普通。

4人餐for 3

Annie回港過年，約出來新年前到杏花新城"翡翠拉麵"聚一聚。

3個人擺平了4人餐$258，唔係我地勁，係個餐細吧。

醉雞，獅子頭，乾扁四季豆，雞火炒飯，五香牛肉拉麵，小籠包

公司團年

老闆南下Business Review兼跟條team吃團年lunch，近近地落樓下吃"富嘉閣"吃小菜點心。不會有特別驚喜，但味道有保證。

經典味道

Jamie Oliver昨晚介紹英倫菜，去到Lea & Perrins講解喼汁的製造，攪到我心思思買了一小瓶；其實都唔知買來做咩，只係想支持這英國人懷念印度口味，誤打誤撞製造出來的經典味道。

放在公司帶落去吃飯吧!

香口甘蝦煎餅!

多謝奶奶的日本手信，薄身而香口，會上引的呀!

桃花有金又有吉

年近歲晚，公司也增添了氣氛。

每周一的生果也少有地派大柑呢。

新加坡曲奇

寶琳三間759都無入貸，同阿烏行到坑口南豐先找到這新加坡曲奇；細細包$7.1，榴槤味唔敢試，可惜買唔到開心果味呢。

大吉鍋底

軍雞鍋是阪本龍馬被刺殺前吃的最後晚餐，但這鍋底印有龍馬頭像也太大吉了吧，難道吃了可做隻飽鬼？

台式小吃

誠品10/F新設了小吃，維格及糖村的counter，雖然比台灣貴些，但仍敗了：維格芋頭牛軋糖，黑金剛花生糖，在樸紅栗子醬。

拉麵漢堡

希慎廣場12樓的Rasupermen拉麵漢堡套餐$98，用拉麵炸過做包，中間係芝士牛肉漢堡；跟番薯條及抹茶奶昔，特別但不算好味。

季季紅食小菜

臨時改地方，walk-in季季紅食小菜降火

1/4紅瑞乳香豬$150， 瑤柱三皇雞$98/半隻， 淮山麥菜芯炒黑木耳$88， 香煎蓮藕餅$98， 金銀蛋浸菠菜$68

未食一肚氣

本來諗住試新嘢，到灣仔內街的"摩廚麵館"看看tasting menu有咩特別。但訂4人枱被安排坐bar枱，冇禮貌侍應仲理直氣壯話不會在訂座和confirm時提客人是bar枱，提會反而被老闆閙(那是什麼態度？)。

我們二話不說起身走!永不再試。

百事吉曲奇

放工同Debbie經過灣仔街市，被很多懷舊曲奇吸引，每人買了一磅$48(可4mix)。

當强國人搶哂熊仔罐曲奇的今日，我們去支持傳統餅店！

新鮮蛋散

東大街食完晏，見餅店門外放了很多賀年油炸食品，買了半磅新鮮蛋散孝敬梁師奶，半磅回公司下午茶。

中環的日出

一早到中環加拿大領事館renew passport，仲早過平時返工。在怡和大廈喜見日出，是早起的少少收鑊。

排隊等8:30am開門拿了第5號籌，不須20分鐘便攪掂了，下個月拿新證。服務態度超好，當然收費也貴，10年passport收CAD$269呢。

生炒骨

好耐冇吃粥棧的生炒骨，近幾次去都無在午市套餐menu內，來個單點例牌吧。香口，不過肉唔多，可能下次叫咕嚕肉好些。

同Connie兩個人加個大鍋方魚肉碎粥，和魚湯雜菜煲套餐。

河童小布袋

多謝Ebby由北海道定山溪帶回來的手信!一開封見綠綠圓圓的還以為是Marimo呢。

海上星空

今朝聽收音機說起馬爾代夫的海藻，晚上的bioluminiscent效果猶如"海上的星空"

網上找了圖片看看，真的很美呢(雖然現實上是生態災難)[Pics from Yahoo 圖片]

新春coupon

星巴克新春coupon;今年利是封打橫開,很型!

12 x $20 coupon，加一杯free drink。加送十二生肖揮春，靚啊。 

奇味小炒Lunch

公司對面小炒店"奇味小廚"，本以為執了；最近重開一邊舖，天寒地凍，點了幾個熱辣辣小炒。

粟米班塊$90，煎墨魚餅$98，鬼馬BB蠔$65，啫啫香蝦芥蘭苗$65，魚腐雜菜煲$65

潮式團年飯

昨晚林家團年飯，遠征到荃灣海灣花園的"海王潮洲樓"吃久違了的潮洲菜。

那麼住宅區過年前都唔算旺場，碟頭很大，又熟人確實"抵食"好多。

潮式甜品，最正係那香口的潮州Pizza(糖醋麵)

Gigi父母飯聚

好耐都無見Gigi父母，佢哋回港3個月，下星期便返加拿大過年。

難得兩老出來太古坊"八月芳"午飯，咁近冇理由唔到。八月芳的點心有水準，今次最趣的是龍蝦湯拼腐皮卷，是點湯吃的嗎？

Gigi又轉工了，遲些找她食晏也很難，擇日入去BBQ好過。

$9,909的伊美婷!

伊美婷staff purchase今朝剛到貨，在公司門口數了六萬多現金交比代理貨廠同事!

呢幾日忙住散貨比身邊訂了的朋友，費事拖過年。

巨型帶子

好巨型的帶子！

多謝Suki贈送，也麻煩了Marinda由灣仔拿及Mion在寶琳接貨。

被搶鏡

天氣好，再帶烏烏慢步行去坑口東港城。

他被背後的花花佈置搶了不少鏡呢！

告別了兩張金牛!

大家也趕在過年前剪頭髮；我不迷信，但頭髮實在太蓬鬆難耐，所以也襯熱鬧去Sogo Club的Hair-Do來個cut及Laruce拉直加兩個treatments。

短了數吋,拉直了;同時也告別了兩張金牛!

火鍋本色

天氣凍,打邊爐係指定動作。

試試"火鍋本色",來個菜亁豬肺鍋底,好香!

當舖lunch

我和Kerry升職請條team食lunch；特別些，去灣仔老當舖"和昌大押"改建的The Pawn。

Set lunch $185+10%

頭盤有Ripe tomato & cherry mozzarella salad，Cream of Cauliflower，Turkey & Mushroom Terrine with poached pear

主菜：Squid Pasta，Pan-fried fillet of Salmon，Roasted USA Pork Rack

甜品：Passion Fruit Creme Brulee, Chocolate Brownie with Mixed Berries

同事萬歲早餐

多謝兩位拿了Global Upjohn Award兩位同事請全公司吃早餐。

到會自助餐形式，好彩pantry夠大。

玉女咖啡老板娘

之前刀大剛南投流浪狗收容所的"十二夜"我實在沒有勇氣看；"等一個人咖啡"是我看的第一本九把刀小說，當中男主角的真人版卻已經在車禍中離世，令人傷感。

由吃了防腐劑的玉女獎門人演出咖啡店老板娘，她會否形象太斯文了呢？

鳴門三色飯

一早去九龍灣和伊美婷代埋作product training。講左成朝，同代理到附近的"鳴門"吃個午餐。

港式日菜，味道唔差不過工廠區價錢算貴。

三色飯(海膽/三文魚子/拖羅)定食$188

Encore薄餅餐

昨晚再帶"週末為食團"到灣仔La Creperie吃法式薄餅晚餐。今次人多了，可以試多點新款式。Goat cheese味很濃，豬腸那"腸味"很出，不過唔係人人都喜歡。

 

有男士在場，都覺唔多飽肚，結果要再續灘到附近囍宴點些小食和擔擔麵補飛!!