百獸海報

昨日還收到這一系列，好像百獸展的海報；表達公司要員工懂得創新的幾個精神素質。

雖然貼在房間玻璃上，但邊貼邊暗罵，怎麼公司那麼不環保呢!!用紙那麼厚，用很多雙面膠紙貼也很容易掉下來。而且過一會又來一批年會海報(暈).....與其用那麼厚紙花那麼多郵費在海報上，不如用那些graphics做個flash的screensaver給員工，既省錢也環保吧!!

芒果小撻

又係貼錢攞氣黎受:

放工到美心買了兩件芒果小撻($15/each)回家諗住比梁師奶試,佢一見個美心盒就話："美心啲嘢有味精(佢指之前的糭）我唔食架"…

巴閉!

我一口氣隊哂兩件，飽到食唔落晚飯。

不過撇開激氣野唔講，個撻都真係好美味，舖滿滿的新鮮芒果肉，好甜。中間少少fresh cream同細細片sponge cake，下面撻底內部塗了薄薄一層朱古力。呢個價錢，十個"讚"啦!!

爆笑獎項

公司剛開設的中港WE平台，版面很像微博。登是登記了，但不能po相也不能發文，到底有乜用還在摸索中。

剛收到超大張海報，貼了在辦公室；但那幾項用以形容獎項的句字真的超爆笑!!

好文彩。

猙獰星座

新都城的中秋deco，今年十分嚇人。以木馬做背景，12星座的"cute版"妹妹慶中秋本身已經有點怪；中秋明明係中國傳統節日，要創新也和星座拉不上邊吧。可愛都算喇，但那些公仔個個面目猙獰，很有驚嚇效果。真懷疑這樣的設計商場management怎會通過？

越送越好康

無印卡越送越筍，買滿$500送袋中袋送完後，用價值更高既電腦袋代替，價值double；點忍到手週末唔去幫襯呀(因為恒生卡再有10x cash dollar呢)。

英格蘭的格仔風，裡面padded；頗扎實。不過帶得電腦帶唔到power cord，如果外袋可以做大一d就更perfect。

細舅父餞行

返左黎3星期，明天就返西班牙的細舅父，今晚一家同佢去跑馬地街市銖記晚飯餞行。除左我之外，其他人都係第一次黎；明知梁師奶恨黎食好耐，好彩都不負佢所望，覺得夠鑊氣得黎價錢公道。

粟米魚肚羹($60)，香煎蓮藕餅($68)，金牌風沙雞($99/半隻)，椒鹽白飯魚($68)，千島汁班塊($75)，楊州炒飯，飯炒得好乾身唔油，粒粒米分明，簡單中見真章!

團友越式茶聚

巴塞隆納的團友們，下午約了在世貿中心Rice Paper聚一聚。雖然係約左下午茶時間，但大部份人都係當late lunch，所以點得甚飽肚。好彩選擇唔少而且好像換了個廚，味道比以前好。

荷香蓮子海鮮飯($92)，地道風味生牛肉河($68)，越南XO醬雞肉炒金邊粉($88)，越南滋味拼[蔗蝦，鮮魷，軟殼蟹米紙卷，魚餅，沙嗲雞]($148)，豬肉碎蒸粉包($48)，脆香牛油雞翼($66)，蝦醬炒通菜($58)，越式三文治餐($68)+$10配越式蒸餾咖啡

大家自由行了巴塞隆納也覺得有點意猶未盡，明年的歐洲遊時間和地點，要待Connie他們年底藥房開到11pm後，看看請假情況才能定。希望明年能夠成行，同埋奶奶遊歐洲。

CX牛肉麵

結果整個台灣之旅都無食過牛肉麵。臨尾到機場CX lounge內，見noodle bar有即製牛肉麵可點選，就黎碗吧。

麵質其實唔錯，但那兩片牛肉太硬，唔掂!

雞窩

余經理極力推介。原來就係我地酒店隔一個街口!!

台北最後一個上午，沙律很早的飛機返左香港，反正下次黎也未必一定住呢間酒店，自己一個人都去試試個雞窩有幾掂。

一坐下先黎點涼拌牛蒡絲，酸酸的很開胃。

最基本既沙窩燉土雞湯，內附一隻大雞脾索價NT$360(HK$100)，1-2人份，台灣黎講唔算平。嫌寡可以加配料，環保兼避免殘忍殺生為理由，加魚翅就免喇；清淡點，黎個白菜豆腐雞窩(NT$400)。湯頭確實很鮮，亦都無香港的燉雞湯咁油；那雞脾已燉到骨肉分離，很嫩。一個人食如果唔要其實菜應該無難度。

果然好介紹。

翻滾吧，彭于晏!!

既然晚飯後時間尚早，同沙律到華納威秀，即管睇睇買唔買到票入場睇"翻滾吧!阿信"。

8pm有一場，雖然係睇第二行，好彩唔算太近。我地無local信用卡所以無打折，戲票NT$310，算貴。

故事真人真事改編，導演係故事中主角角色林育信的親弟弟；之前拍過另一部也是有林育信和體操的"翻滾吧!男孩"(可能真的要找來看一看)。

講述主角小時患小兒麻痺症，受長短腳之苦；但從小熱愛體操。高中時因單親母親反對，被迫放棄，結果意興闌珊下誤入歧途加入了幫派。中間呢段太似艋舺，有點悶場。後來好友暴斃，令佢決心返去練體操，追求自己夢想。

雖然係老掉牙既勵志片，但不得不佩服彭于晏身為演員要練到那些高難度體操動作，而很多鏡頭也要親身上陣，當中毅力唔會比真實的林育信少吧。

真的林育信(現實中的他，是羅東國小的體操教練)

再探好記

好記擔仔麵那濃濃的蝦湯，真係一試難忘。

返到台北的酒店稍作休息，就帶沙律到吉林路的"好記擔仔麵"來個early dinner。

必點的擔仔麵(NT$35)，另加碟清甜既白竹筍沙拉，同有肉燥作伴的A菜。

本以為會續攤去食沙律推介的"林東方"牛肉麵，結果週日關門。好彩晚上還有沙律於通化夜市買回來的卡通形蛋餅，否則半夜一定餓醒呢。