高貴版小南國

雖然4月韓國之旅未及開茶會，Connie先相約食個團友開年飯。為左就新界區放工既團友，移師去尖沙咀北京道壹號10/F的「小南國壹號」。有別於一般既小南國，呢間舖既特色係：貴；茶芥$16/位同泡菜$16/碟，午市黎講真係拍得住大酒店。
點心/菜餚都比其他分店貴40-50%，相信大部份來自比較精緻既環境及無敵海景View，同賣點係有機食材；而有部份菜式係別家分店沒有的。幸好服務慇切，比個premium price條氣都順d。
木瓜雪梨茶$38，小食$16












乾隆上素$98，樟茶鴨(半隻)手$128 [皮下脂肪好肥，實則無乜肉食]
灌湯生煎包$72，金網三鮮窩貼$72
荵油香麻餅$48，翡翠蟹肉酥$96，松茸素菜包$36









法式芒果布甸$36，桂花軟拉糕$72
有機雙色八寶飯(蒸)$68
以午餐黎講，貴過尋晚既鮑翅餐，真係食地方。

寡佬飛行日記

睇個trailer已經將套戲列入必看之列，襯剛上畫的星期六早上，殺埋呢個早場。
















每個曾經去美國出trip的人，睇此片都會發出會心微笑。George Clooney雖然由頭帶到尾，但做那個氣焰旺盛既新人(就係Twilight裡做Bella同學Jessica的大茄)今次表現一d都唔輸老犧骨；話喊就喊，利害。

此片非常輕鬆，但故事結構一點都不馬夫，值得一看。

懷恩的專業是為不同的公司節省人手。簡而言之，就是要全國周圍飛去炒人魷魚﹗顛沛流離的生活，令懷恩的人際關係極度疏離，身邊缺乏愛人與知己…此時，公司突然殺出一位叻女新人王，處處同懷恩作對，破壞了他的工作日程；在旅途上，又失驚無神遇到夢中女神，開始尋回戀愛感覺；再加上妹妹要結婚。懷恩可否把握人生轉機，重建花樣中年？

提早營業

多得一年一度既香港馬拉松，屋企對面的Starbucks提早到4:30am營業，等我可以響要趕早機去上海之前，先落樓下買杯啡返屋企充充電。

















不過開跑起點同終點都唔近砲台山，有必要咁早開嗎？

PS 亦都多得馬拉松，害東廊封路我要提早出門去機鐵站。

甩了三期

聽日晨早就出差，今晚竟然成功地賣出了新都城3期梁師奶的舊單位。

比出價只係減左兩萬，算係比市價略高了。晚飯時間落去香港置業擾攘左15分鐘就落實個價，反而係要等個經紀寫份臨時買賣合約攪左成粒鐘。

買家係一對年青夫婦，首次置業難免有點緊張；我反而邊等經紀寫份合約邊埋頭睇小說。

賣了就安樂，數萬元訂金袋袋平安；免得成日要過去打掃，難為了梁師奶。

開年慶生宴

既係為阿二慶生，亦都係廖太虎年第一聚，所以食豪少少，去百德新街「鳳城酒家」黎個8位用的超值鮑翅餐（$1180）：

原盅雞燉翅（半隻），非常足料，個湯係烏雞清湯，好夠味。

窩貼大明蝦，菜片鵪鶉崧

順德桂魚卷，竹笙扒雙蔬

脆皮炸子雞(一隻)，皮脆肉嫩，甚少皮下脂肪。

炒得粒粒通透的鳳城炒飯，西米焗布甸

鮮果拼盤，同多得奶奶相熟先有既糖水紫米露

碟頭足同埋味道不俗，值得encore的套餐。

無印喼上路

之前經Connie強烈推介，決定棄舊的硬喼，去無印買個細size的超輕軟喼出差。

索價$700確實有點貴，以前yen無咁高時，響日本買會比較抵，家陣日圓高到咁，香港買反而會平d。









而且用埋之前申請Muji Card的coupon同卡內的cash dollar，只係補$100左右，抵!!

《Feel 100%》 x Birkenstock

本漫畫就無睇過，但翻雜誌見到呢個cross over的情人節特別版，好鍾意；因為係蘇格蘭式的格仔，好classic。














經過太古城的專門店，將之據為己有。$850，比平時同款淨色貴$100；有紅格同深紫格，配以一個心型gothic款的扣。個人覺得好格襯牛仔褲會sharp d。














我的第一對Birkenstock，希望真係有咁好著。

富福手打烏冬


太古城中心的food court早前發現呢間主打手打烏冬的"富福"。自助形式，可先選熱湯烏冬，冷/熱醬油烏冬，冷烏冬，然後自選各款天婦羅，炸物，沙律，飯團等。










天婦羅雖然有點涼了，但依然香脆。










特製醬油烏冬(冷) (中size) $33，天婦羅(南瓜，蕃薯，牛蒡) $4/件，天婦羅大獅子狗 $12

小食：牛蒡絲 $12，飯團 $12

即場有位日藉師傅，忙於手打一底一底的新鮮烏冬。雖然以food court而言算貴，但好食又地道，點都要支持吓。