派藥油！

第一次上德文老師派藥油！

佢其中一位學生經營呢隻萬應油，送了幾十枝油等老師派比同學仔……唔通佢知我地對住啲 grammar會頭暈所以做sampling?

吐司晚餐

返學前的吐司晚餐：櫻花蝦餅雜菌滑蛋吐司，開心果豆腐Latte。

拌麵剛剛好

之前覺得段純貞湯頭太多鹹，上完韓文來一個牛腱肉乾拌細麵味道剛剛好。

回家

回家，今年內應該會再來的。✈️

三清洞

出機前在三清洞溜達了一下，週末遊客比較多，但呢度很多有趣的餐廳和小店。比仁寺洞好逛。

Osulloc Tea House

平時成日飲Osulloc的茶包，去安國的Osulloc Tea House吃個抹茶芝士蛋糕+Matcha Shot Coffee Vienna set超滿足！

芝士蛋糕擺盤好靚，似個花園咁；連小石頭都係脆糖。🍵

咸興水冷麵

終於吃到咸興水冷麵！

明洞咸興麵屋只開到3:30pm，只能安排在旅程最後半天去吃。咁凍吃冷麵好爽，那杯熱牛骨湯反而有點鹹。

炸雞Green Grape Ade

旅程最後一晚來個外賣邪惡炸雞餐！

明洞沒有橋村，這間全智賢代言的BHC都好香脆。一個人不可能吃一隻，只能點帶薯條的餐才可以點半隻。

炸雞唔配啤酒，去便利店找到帥哥近年愛上的 Green Grape Ade，香港韓國超市也找不到，終於知道咩味道。

河東館

河東館的牛湯似乎也有名，打着創業於1939年，80年的Gomtang老字號。

明洞那間才是本店，但COEX分店好闊落，入去來一碗升級版(多了些牛柏葉)牛湯飯試試。份量比較細，味道也不錯。

同款睡衣

經過JAJU，諗起要買呢件同款睡衣！

隻料摸落唔厚，而且幾輕同柔軟。呢個款似乎係受歡迎商品，唔係減價也放在大堂正中。

COEX書架

基本上每個來COEX Mall的人都聚集在中庭對住超巨型書架打卡，呢個所謂的圖書館到底有冇人在看書的呢？

Friendship Ring

下午預約了江南的指輪工房做Astro的Friendship Ring！

去年大哥MJ入伍前同隊長一齊為成員做了銀戒指，刻有出道日期，代表Astro的紫色石，各成員的真實姓名。

兩小時的workshop，我叫做幫手幾個steps…大部份都係老闆親自操刀。用機器刻上2016.02.23同Lee Dongmin，戒指裏面是李東敏的韓文이동민

老闆仲好好人地送了枝市面上已經好難買到的帥哥label燒酒……太謝謝啦🥺

Queen's Park

又係跟住帥哥去揾食，去到狎鷗亭的Queen's Park。冬天室外露台位沒有開放，似乎是人氣店，fully booked....我一個人兼一開門入去才安排到。

呢度出名食pasta，來一個海膽Egg Rose Pasta。量唔算大但味道真係得，麵包也熱辣鬆軟。名店區這間價錢香港中環價，不錯吃。

至愛飲料

打道回酒店前走一轉便利店，買Binwoo至愛飲料……香蕉奶帥哥愛到住宿舍時期半夜走出去開雪櫃，把隊友買的香蕉奶偷偷飲哂！🍌🥛

半碗蛤蜊！

睇完相片展去返Fantagio對面地庫的小店，跟住Binwoo吃了碗蛤蜊刀削麵，和珍寶豬肉餃子！整整半碗蛤蜊，湯也很好喝，刀削麵有咬勁；吃完蛤蜊殼也堆滿一小碗！

餃子大過半個拳頭……午餐晚餐一餐過，竟然吃得完！

收工

下午連續兩場Archive，帥哥今日在趕戲並沒有什麼驚喜出現……睇咗三次真係連旅行吃什麼，件衫穿咩碼都睇埋……功得完滿……收工！