La Vie Avec Amusement

月曜日, 1月 31, 2011

枯枝般桃花

整個月天氣寒冷,無論屋企的平台花園,公司,新都城商場及梁師奶樓下會所的桃花都如一棵棵枯枝般,揾朵花睇吓都難。

好心如果訂了桃花的,一係就早點拿回來用暖水侷一侷,否則換第二種年花作擺設嘛。大年初一,花不開又怎富貴呢?

日曜日, 1月 30, 2011

"開心萬歲"宣傳

新都城不時都有唔同既星黎攪宣傳,過年過節就特別多。雖然我對呢類賀歲群戲無乜好感,但樓下 咁近,帶埋阿烏落去襯熱鬧









2點的活動,遲左足足一個小時先開始。人多勢眾,但玩左兩個低能遊戲,答左媒體幾條問題,40分鐘就收檔。









比較大粒的有曾志偉,吳君如,馮萃帆。新人李治廷當然殺了最多相片;另有二線的王祖藍,呂慧儀,高海寧,馬蹄露,余慕蓮,羅莽......

殺人Tracksuit

追左幾日,終於都煲晒"秘密花園"。當然笑過喊完結果都係大團圓結局。

整套戲最搶眼球既,竟然係男主角玄彬那幾套頻頻出鏡"殺死人"的tracksuit

Bling Bling閃片,紫色lace花,豹紋,心型釘釘........OMG!!!!

而且藍色呢套閃片tracksuit,聞說韓國已經成為潮物(汗);如果響香港見到有fans咁穿出街,一定爆笑。

金曜日, 1月 28, 2011

一張照片,一個飯局

上星期同事Phoebe響facebook post了一張定食照片,大家搭搭咀既後果係,柴娃哇地約埋今個星期到華蘭路的"幸壽司"食晏。
Sandy的VIP卡所送的吞拿魚腩,用紫菜包住食。南瓜湯海鮮雜菜鍋($65),湯底好淡。
原本想食的"日替定食"竟然是日唔供應,唯有點左個刺身定食($78);刺身一般,但個茶碗蒸就起晒泡兼唔夠滑,唔合格。

木曜日, 1月 27, 2011

牛陣請食火鍋

梁師奶樓下開左間"牛陣",逢星期一至五晚市都有$98任點任食(1.5hrs)牛肉火鍋。剛從韓國返黎既Annie難得過到黎寶琳,放工游完水後兩條女去打邊爐(肥死!)
地方唔算窄,呢個價錢,牛肉質數唔會好大期望;反正唔會食得太多,片得咁薄,是否和牛口感上唔會差別太大吧。
除左點的豬牛肉是碟上之外,其他蔬菜和雪糕都係自助出去拿。新鮮度普通,但恰如其價位。
結果埋單個侍應拿去收銀時唔見左我張信用卡,估計係跌左;擾攘左十幾分鐘都搵唔到,穩陣點打去cut了卡。雖然發新卡無手續費,但卡號唔同左有d自動轉賬要打去update,少少麻煩啦。當然經理都識做唔收我地飯錢啦,早知食最貴既和牛!!

水曜日, 1月 26, 2011

秘密花園

剛買了DVD,聞說呢套劇有收視有口卑;放下日劇先追吧。

20集,追韓劇最辛苦之處就係比日劇長,而且劇情不時有點拖。韓劇仍然係不乏老套的有錢帥公子追窮家骨氣女的戲碼,學有些網友話齋,有點"流星花園"的影子。







該劇講述逢見面必吵架的冤家金朱沅(玄彬飾)和吉羅林(河智苑飾),金朱沅是挑剔的老闆,而吉羅林則一直夢想成為動作導演,二人在一次意外中交換了靈魂,用對方身體面對完全不一樣的人生,在無法擺脫對方的同時漸漸萌生愛情。

打打鬧鬧的冤家戲就預左,玩埋交換靈魂的橋段就有點神怪;本來加插點天馬行空並無不妥,但不時當交換了靈魂的兩人獨處時,鏡頭會回復番其本來相貌來對話,就睇得有點亂。











男主角玄彬真係瘦左幾個碼,完全認唔出佢當年"金三順"的影子;而且家陣酷似台灣的楊祐寧,可能先入為主,整套戲好似楊祐寧講韓文般,好鬼異。

火曜日, 1月 25, 2011

私家號碼

以前要host電話會議,就要早點問PCCW拿dial in number;P記可以讓員工申請個人專屬的conference dial-in,而且一經regional電腦部批核,就會由澳洲寄個私人賬號卡比你隨身,有點似申請信用卡般,high呀。

以後可以較自由地host telecon了,號碼跟人唔會次次轉,亦都唔會被PCCW的時間局限。

月曜日, 1月 24, 2011

團年盤菜

梁師奶一向都無團年開年呢家野,所以去樂富林家食飯最熱鬧兼有氣氛。
盤滿缽滿的盤菜,淨係個沙鍋都唔輕,加埋堆到滿咁"充實"既內容,真係拎返去都唔野少。
另外有林auntie自家製的蝦卷及豬肉卷,後者差不多係過年過節必有的"signiture dish"。

日曜日, 1月 23, 2011

德福的雜亂無章

晚飯同梁師奶及梁大少兩公婆逛德福新開的日本超市PIAGO,當然都要拍拍商場的新年deco。

可以話主題有點兩溝:既有清清地的國畫,轉個頭又俗艷的花團錦繡。

李小龍 Bruce Lee My Brother
- 李振輝回憶錄

前日響開益見到呢本書,應該係去年底"李小龍"電影作了資料搜集,所衍生出黎的副產品

全書紙又厚,字又太,但比較珍貴的係當中的舊照片,跟電影內的情景互相呼應。

兩日內睇晒,留返比同樣喜歡呢套電影的Charlotte吧。

"EAST"小聚

Annie響澳門開完會閃返港度週末,遷就佢同Connie兩公婆,揀左EAST的2/F cafe晚飯後出黎飲野。









難得阿二同Charlotte都join到,未食飯既佢地,散點左天多利烤雞薄餅($118),同EAST club sandwich ($128);味道應該唔太差,但真係5星酒店既價錢。
我的$38 Americano,唔掂;比McCafe更不如;第時都係去油街Harbour Grand飲野算了。