別了SUN！

今日是Japanese Dining SUN的最後一天營業，幫襯了十年，價格水準也真的十年不變，不是搬遷而是結業實在可惜。特地在最後一天來食個晏，點個食咗那麼多年的釜飯作一個句號。

鰻魚海蝦釜飯，連烏冬刺身套餐($98)；還以為會賣得包，但和平時沒兩樣呢！

"輝瑞-我家"Annual Dinner

今晚和西藥部在會展新翼joint annual dinner。未埋席，大家都排隊玩"踢拖鞋"遊戲，贏個小巧可愛的啤啤熊(烏烏又多了個玩具了)。

 

Cocktail時走廊安排了很特別的小食：爆谷，棉花糖和迷你砵仔糕。

尊重個場合，著番條裙；既然個主題要"glamorous"，一不做二不休，來個blink blink的珠片衫!!

Sinmei上台由老板手中拿15年服務獎!!(哈，佢生怕被人知在公司做了15年，一定殺左我)。

乳豬，醬皇海參炒黑豚肉，蟲草花竹絲雞燉鮮鮑魚湯，芙蓉海皇釀竹笙，北京片皮鴨。

金貝玉蘭蛋白炒飯，上素煎粉果，朱古力雜錦

雞粥+湯丸

今晚繼續開兩個focus groups。放工先到"味皇"來個海南雞粥+荵油撈粗($33)；雞很嫩，灑了點雞油讓粥底很香。當然少不了那裡的名物：炸龍利魚皮($12)

飯後到附近的"福圓湯丸"外賣了鴛鴦湯丸(麻蓉+花生)才上research house；皮薄爆餡，正!!

開Group

今明兩晚都有focus group，一晚兩組坐響單面玻璃後，點都要先醫飽個肚：金凱鮮庭的豉汁象拔蚌仔伊麵($58)，和附近靚靚東海堂Bakery Room的杏仁puff($17)[唔夠脆，失望!]

Encore...$888/6位套餐

同親戚食過套餐後先在報紙發現coupon，氣炸。

昨晚跟Erika，Debbie和阿二及幾個舊公司同事再去稻香吃那套餐，$888/6位加coupon減$100。食物當然一模一樣，7個人都食唔晒。不過今晚條魚雖然蒸得剛剛好，但有點腥。

多謝Marinda做的可愛方糖，怎捨得吃呀？

Cardio vs. Cardio

兩個都係Centrum Cardio的廣告，真的大異其趣！

好低能的廣告，哈哈哈！

新加坡的這個好很多。

還有救嗎？

公司Green Project的植物，一開始很快高長大，但兩星期後葉開始dup；週末回來，就變了這個"死樣"!!

難道我埋那粒善存太補了？還是辦公室冷氣太凍？

繼續淋水，希望起死回生!!

放下POTTER

由十二月初到三月底，整整4個月，一口氣重溫了整套Harry Potter的小說和電影！

沒有中間那等待每本新書或電影的空檔，故事一氣呵成更連貫！重溫了Sirius和Dumbledore的死，臨尾Snape那無間道式的悲慘回憶，最後19年後的大團圓......要真的把故事放下了。

Caltrate x ELLA

如果唔係今次開會，都唔知繼候主播兩母女後，新一代Caltrate台灣代言人是S.H.E. Ella的兩母女！

橋底辣蟹

聽就聽得多，灣仔鵝頸橋側的"橋底辣蟹"還是第一次試。裝修過地方算乾淨，老板Keith係呢度熟客，有老伙計關照，上菜快碟頭足。

招牌橋底辣蟹當然係主角，點了兩大隻，中辣和小辣，鬼佬們當然對那惹味炸蒜讚不絕口!!

其他海鮮小炒也很有水準：避風塘癩尿蝦，豉汁炒蜆，大班兩味，椒鹽鮮魷等；最抵讚係個豉油皇炒麵，麵質好幼，加埋蟹上的炸蒜，絕配!!

樂得清淡

大大老板來的機上有點食物中毒，吃了兩天抗生素仍然未見好，所以今日唔駛去開會都要幫佢加重劑量抗生素，買了送去酒店給他。一場去到，到樓下Elements的"夏麵館"來個素雞麵($56)吧。碗很大，但麵就不多。

呢兩日吃得太heavy，真的樂得吃素點，清清腸胃。

甚麼也好，就是無歌!!

昨晚$5000包了皇室堡Red MR晚6pm到朝6am的"香檳房"，結果晚飯後9am左右到步，大大老板因為唔舒服缺席，班GMs們只逗留了個多小時就喊走了；甚浪費!!

講真，個場因為新的關係，算靚。而且那主打的MR Table，可以玩唔同既電子遊戲，加埋後方的xBOX，老細們唔駛齋坐聽唱歌，無咁悶。生果盤雖然貴(成$500架)，但有火龍果，芒果，士多啤梨，藍莓等，抵就一定唔抵，但叫有點誠意。

食物意外地質數高，薯條香脆，炸琵琶蝦彈牙，串燒牛舌也似模似樣。

卡拉OK的中文歌真的唔夠多，可幸英文歌算齊全；他們走後，我跟余經理兩條友喪點喪唱，反而玩到凌晨才閃。但自己book房的話，唔夠歌真係致命傷。

羅馬喊停了

本來全世界也expect差不多會收到meeting planner的invitation，落實5月中的羅馬Global Franchise Summit，點知再印證：一日未收invitation都唔好當真!!

因為阿公美國和歐洲第一季業績麻麻，美其名想我地stay more focused，其實就係慳錢!!

雖然少失望，但總好過日子往後推一星期影響我帶隊的台北之旅吧。

食得匆忙

昨晚到ELEMENTS的"漁喜小菜皇"晚飯，十多道菜加上之後還要趕去唱K，所以食得匆匆忙忙，連最後的麵飯甜品也"不準吃"就趕上巴士了。

其實味道算不錯，可惜。

QR Code Cup Cake

最後半天會，下午終於有餐似樣點的lunch；在酒店lobby的The Kitchen Table吃正式自助午餐。

最頂癮係甜品中的迷你cup cakes竟然有facebook和QR code!!如果我用手機scan，唔知會否lead去W的網站？哈哈。

El Pomposo

70多人的group dinner，一星期前都還沒決定地方，結果被迫分開6組人各去ELEMENTS內不同的餐廳。我被分派的一組就到中庭的西班牙餐廳El Pomposo。

顏色很古怪的Azul Sangria($48); Appetizer: Blood Orange Chicken w/ Garlic & Paprika, Sizzling fresh prawn w/garlic & chilli, Sizzling Squid and Chorizo with onions & sherry

Cantaloupe Melon, serrano ham, onion/artichoke/cherry tomato w/ oliver oil and moscatel vinegar; 過熟又鞋口的Grilled Sirloin Steak w/ onions in red wine sauce，mixed green salad & saffron potatoes；Chilled Spanish nougat w/ Almonds

趕得上甜品

公司飯局完得早，估唔到還能回太古坊"八月芳"，趕得上join姑姐餞行宴的甜品環節。

八月芳甜品：蛋散，炸雪糕，和巨型水果拿破倫!!

W miniBuffet

開了一整天會，晚飯很簡單地到隔壁設置了迷你buffet。

選擇唔算很多，但質數比下午提升了不少!!鮑片鴨掌，海蜇乳豬，焗蟹蓋都有.....

W會議

未到8am就到W Hotel報到。

會議室外的display好鬼型。

但那午餐就很不怎麼樣，在conference room走廊擺的所謂自助餐，款式味道很普通嘛。

最欣賞是那會議桌上的小玩意，大家無聊時都扭得不亦樂乎!

姑姐x梁師奶xSUN

今個星期日日要到W Hotel報到，姑姐星期四就返美國，約左佢到梁師奶到SUN食個晏：魚三味定食($93)，海饅蜆肉釜飯定食($98)

急找牙醫

估唔到開會前的第一件事，就是幫美國的visitor Mary急找牙醫!!

好彩中環的維健牙科插到位，沒理由要個人生路不熟的自己摸去，唯有到W Hotel接她過海。

還是第一次到W，lobby只可以話"有風格"，grand就講唔上；周圍也是樹枝做主題，型!!

一人前火鍋

下午梁師奶教會有嘢做無開飯，到樓下牛陣嚟個$48"牛肉火鍋套餐"。

60mins時限，雖然牛肉得一碟，但其他配料任打任食。

甚至有炒飯可配旁邊的日式雞肉咖哩。

最可愛係兩個Dreyer's雪糕櫃任選。菜多肉少唔會肥得到那裡，當然要控制雪糕食量啦，哈哈。

點解唔落繩？

昨晚在同事的一個唔識嘅臉書朋友度無意中見到，佢那歲半的小poodle出街街時意外死了。雖然主人滿褲鮮血的抱住小狗一分鐘內跑到動物協會拍門，但獸醫一望已經知道返魂乏術....

當然主人傷心自責了一整晚，親眼目睹小狗死於非命，全因自己嘅大意！但難過又如何？為什麼咁多人放狗唔肯落狗繩？到公園鬆開等佢走走還無可厚非，但有車經過的馬路旁，落繩唔係為了其他行人，也是為了狗狗的安全啊！

平時幾會黏著主人行，都總有可能因受驚嚇衝出馬路！再者，不時都有些變態人渣，用老鼠藥混飯放在草叢毒害小狗，唔落繩的話，怎能防範？

為那逝去的小生命難過，但更希望那主人因為呢次意外上了一課。

最後幾餐倒數中

月底就結業的SUN，有時間盡量去多幾次吧。今個月晚飯時間滿檔，唯一可以來多幾次"臨必秋波"的只有食晏。

好豐富的東京小町便當($125)，每樣都少少哋，但睇見咁壯觀嘅陣容都開心；跟餐還有雪糕呢。

和三昧定食

告了半天假去Hairdo攪攪那雜亂無章的頭髮，既然要坐好幾小時，先到和三昧醫肚。

和三昧定食($150)，驟眼睇好似頗豐富，但份量頗"精緻"，其實唔太飽肚。最誇係那甜品，簡直係一口Creme Brulee！

5日35集

連煲左5日，終於完成內地劇"步步驚心"呢35集的大業!!

平時沒有煲開大陸劇，對無論香港/台灣演員都要配上內地腔初頭好唔慣；但其實佢地既對白絕對比無線的清裝劇好文彩。

讚：

場景，無論紫禁城的外景及室內景，非常講夠；連眾主角配角的服務處佩飾，都很華麗。
主要人物也算忠於歷史
整體節奏唔算好拖

彈：

女主角係現代人，誤墮300年前的康熙晚年；本應可以多點表現佢熟知歷史及現代人的性格對比，但佢好快就溶入宮中規範，太隨波逐流
某些CG太假(例如荷花池)
結局係慘都預左，但其實如果雍正都懷疑女主角係未來人，當女主角返回現代後發現雍正刻意留低深情message比佢會更好(亦更慘)；現在略嫌平淡

不過以甚少睇內地劇既我黎講，套戲算係水準以上；可以一煲。

銀座達人放題

尋晚的廖太聚會，創歷史人數新低；帶無阻我地4個人去試新野，灣仔的銀座達人日式放題。

每位$238+10%的放題，無限時段，我們坐到10pm last order。刺身很足料新鮮。

小食：枝豆，冷蕃茄沙律，牛旁沙律，炸芝士年糕，炸墨魚餅，炸蠔，炸雞軟骨。

串燒：牛肉，鴨舌，雞翼，雞軟骨

其他小食：南瓜薯仔沙律，很清香的檸檬蕃薯，天婦羅，燒牛舌，清酒煮蜆，綠茶冷麵，燒三文魚腩

鍋物：份量少了點的關東煮，但豚肉麵豉鍋卻很有水準。