老翻東瀛：北投

雖然捷運淡水線直達，但之前聽人講北投溫泉好舊，咁近都無落車explore過。反而老細阿John數次話家陣有好多新酒店落成，所以我地姑且抱住冒險心態，無乜期望下前往看個究竟。

由北投站轉一個站既龜速列車到新北投，一下車就見到有個30分鐘巴士觀光團；每人港幣$25，除有14座小巴載上山，沿途有甜甜美少女做導遊介紹北投景點，贈品更包括蜂蜜蛋糕sample同溫泉毛巾一條。雖然要同埋班阿嬤同車，但可慳返唔少腳骨力上山，確實物有所值。

北投雖然有點舊，但甚有日本味；聽奶奶講呢度係以前日治時代，日本人召妓熱點。不過放眼都見到唔少新建築興建中，相信再多d新溫泉酒店落成後，會更多遊人黎呢個翻版日本。

食養懷石料理Menu

位位台幣$1100，約港幣$260。無餐單，只有素食者或非素食之分。

味味賣相精緻，睇得出心思。

鮮芒果汁

鮭魚卷/手工花生豆腐/素菜卷

干貝蒸蛋

鯷魚腐皮蓮藕包

鮮果醋

綜合生魚片+桂花醋

鮑魚+糕渣(雞肉，赤肉和鮮蝦仁肉泥切塊油炸，宜蘭美食)

沙樂美包炒飯

招牌蓮花雞湯(勁足料)

甜品：鮮奶糕，草莓露

蓮花茶

大家都滿意到無話可說。

食養文化山房

台灣同事Sylvia極力推介，名導演李安亦曾係坐上客。

雖然book左6點晚飯，但特地早少少到達，到處逛逛影影相。

餐廳面積頗大，花園水池甚有禪味。近望庭園就有d日久失修，顯得有點殘舊。

餐桌設於唔同既個室，有d比較獨立，我地坐既A4桌間房就較大。桌與桌之間用竹簾分隔，所以坐滿人都有點嘈。

陽明山：冷水坑

附近景點既擎天崗停車場大排長龍，唯有捨棄呢個曾拍過流星花園2同薔薇之戀既景點，到冷水坑下車。












經過頗"特色"既毒蛇毒蜂Caution Sign後，就見到呢條每次只容納10人通過既菁山吊橋。行過既時候有d搖晃，但條橋係用手臂粗既鋼欖承托，所以感覺都唔係太牙煙。

陽明山：小油坑

有不停噴煙既硫黃噴氣孔，甚有日本箱根feel。

我地甚至可以企近小型噴氣孔旁拍照。對睇怕係第一次見硫黃泉既Josephine黎講，舉機拍個不亦樂乎。

陽明山：竹子湖海芋季

第二站係途經竹子湖。

現正係海芋季，整個地區都有大大小小既海芋田可供遊人入內自行採擇。唔少途人都手捧大大札海芋。

因為遊人眾多，我地亦無意做"採花賊"，所以無落到車。