老翻東瀛：北投

雖然捷運淡水線直達，但之前聽人講北投溫泉好舊，咁近都無落車explore過。反而老細阿John數次話家陣有好多新酒店落成，所以我地姑且抱住冒險心態，無乜期望下前往看個究竟。

由北投站轉一個站既龜速列車到新北投，一下車就見到有個30分鐘巴士觀光團；每人港幣$25，除有14座小巴載上山，沿途有甜甜美少女做導遊介紹北投景點，贈品更包括蜂蜜蛋糕sample同溫泉毛巾一條。雖然要同埋班阿嬤同車，但可慳返唔少腳骨力上山，確實物有所值。

北投雖然有點舊，但甚有日本味；聽奶奶講呢度係以前日治時代，日本人召妓熱點。不過放眼都見到唔少新建築興建中，相信再多d新溫泉酒店落成後，會更多遊人黎呢個翻版日本。