La Vie Avec Amusement

水曜日, 9月 29, 2021

抹香QQ

用個新茶碗喝宇治抹茶,配如邑堂「抹香QQ」作早餐。

火曜日, 9月 28, 2021

新茶碗

網購的抹茶碗開盒時斷裂了……日本人辦事我放心,一星期後收到了跟進的員工親自用Bubble紙包裝好入袋付運的茶碗,明早用新碗喝茶!

麻麻什扒餐

梁師奶的病人餐實在太寡太冇飽足感,落樓下茶餐廳放肆一吓來個什扒餐+蛋白杏仁茶。唔用鐵板上己經扣分,味道一貫港式西餐:好麻麻……最有驚喜竟然是碗中湯!

50週年杯

今日去星巴克買咖啡,送可重用50週年環保膠杯盛載,好硬淨,幾靚。

月曜日, 9月 27, 2021

牛肝菌晚餐

牛肝菌晚餐:小籠包,蝦仁拌麵;前者比較出色,拌麵頗油。

土曜日, 9月 25, 2021

佈置進度

我好似每星期入海洋公園監察「哈咾喂」的佈置進度……👻💀🤡🎃

太陽餅早餐

週末早餐:如邑堂金舞桔太陽餅!

金曜日, 9月 24, 2021

美味東北餃子

上堂前的快餐:三鮮餃子十隻,5分鐘擺平!

似菲傭

兩星期前才做了大手術,出院五日……梁師奶行得,自己洗頭,煮飯做家務……係食嘢仍然有些頂住,已經算好勁。
在樓下碰到教友街坊問候幾句:咁耐冇見你,乜瘦咗咁多,所以你而家請咗個菲傭(望住我)照顧……(反眼反到去頭頂)……我真係要反省吓自己個look🙄

不輸養和

幫襯一吓朋友個老闆/另一個朋友個仔,分店越開越多的營豐海南雞,去骨海南雞飯大大盒試食價才$36,雞嫩滑不輸養和!

水曜日, 9月 22, 2021

Pumpkin Spice

秋之味: Pumpkin Spice Frappuccino

椒辛餅

追月,如邑堂的椒辛餅……飽滿的微辣肉鬆,惹味……

火曜日, 9月 21, 2021

無花果月餅

中秋節,開個無花果果仁月餅試試;呢個也不錯,滿滿無花果香,不太甜。

月曜日, 9月 20, 2021

中秋嚐鮮組合

很喜歡如邑堂這種每樣新產品一件的嚐鮮組合,不用一次買太多又可以試到。上次吃過金舞桔太陽餅很不錯,今次主要想試新出的鐵觀音太陽餅。組合還有[抹香QQ] 月餅和[椒辛肉鬆] 月餅各一個。😋

日曜日, 9月 19, 2021

大蓉

返學前的大蓉!

土曜日, 9月 18, 2021

維園花燈

下星期中秋,雖然取消了大坑舞火龍,維園仍然有花燈。展覽放得很疏落,不覺太多人群聚集。比較大型的旋轉木馬不及紅鶴及丹頂鶴可愛。中式花瓶及相思鳥也很特色。

湊湊火鍋

台式連鎖火鍋店在希慎廣場新開的鋪,早到5pm打邊爐才能夠網上訂座。沒有寬巷子的鍋底咁足料,火鍋料也沒有那麼花巧,相對價錢較平,算抵食。最有驚喜竟然是特大杯鴛鴦大紅袍沙冰,最失敗係完全無Q彈口感,食落似毛巾的鴨腸……食完可以免費加鴨血,可惜我們冇人好此道。

海南雞飯

養和飯堂:海南雞飯有質素,呢個仲好食過滑雞煲仔飯。是日甜品,木瓜燉雪耳。

金曜日, 9月 17, 2021

港式意粉

返學前的港式西餐,白酒煮蜆意大利粉;量很大,太多汁同黑胡椒重手咗啲,味道還不錯。

星班球爛飯

梁師奶已經可以吃正常飯餐,再多一兩日可以出院了。病房Room service: 星班球爛飯!(佢出院一定冇咁好伙食,我邊度識整?!)

鮑粒肉燥飯

養和飯堂:台式鮑粒肉燥飯配溏心蛋,鮑粒頗大唔欺場;宇治抹茶芝麻慕絲蛋糕。

木曜日, 9月 16, 2021

中秋不敵哈咾喂

海洋公園中秋只係在金魚寶殿吊些金魚燈籠,外面已經開始佈置「哈咾喂」了。

滑雞煲仔飯

養和飯堂:名物滑雞煲仔飯,桂花糖豆腐花

陳皮月餅

好香的陳皮味,好似在吃固體陳皮紅豆沙咁。可以將佢當和菓子送抹茶。

水曜日, 9月 15, 2021

棉胎班戟

吃台灣菜,竟然最推的是甜品!
黑糖珍珠舒芙蕾班戟配抹茶冰淇淋,一出場有如厚棉胎的霸氣非常驚嚇,但吃落口的鬆軟令人由驚轉喜;完全不輸那什麼幸福班戟。
相比之下,綜合八寶冰,芋圓珍珠仙草奶蓋及紅豆湯相對普通。
另一有水準的是白滷水牛腱,非常軟稔。稻埕其實味道同服務都很不錯,可能位置在地庫客人不多。