龍泉私房菜

昨晚的廖太聚會試新野，去尖沙咀華源大廈16樓的"龍泉"食住家私房菜。因為段人頭計，有些食材要早一天準備份量，所以唔好處係即日人數有變不能改動。

既然是奶奶的生日飯，賀禮當然要"晒冷"；最特別的是阿丁的國畫牡丹，和小麥的手作盒摺紙花，很有心思。

$248/位的"鮑參翅肚海鮮餐"，最有睇頭的應該是"生拆蟹肉扒金山勾翅"(佢地話個湯頭好甜，但我是罷食翅一族，只可以話聞落應該幾鮮甜吧)。"花雕蛋白蒸海蟹"，也有足足4隻肉蟹，最正係底下個蛋白!!

碟頭很大，也很不錯的"招牌三式蝦"(有豉油皇煎蝦，椒鹽炸蝦，和芝心蝦丸)，及原隻鮑魚扣山珍海味，那花菇大隻得有點誇。

唔多抵係那"天下第一雞"和"清蒸游水海班"，我覺得8人份也是比這個，13人就覺得有點少了。敗筆的金銀蒜粉絲蒸元貝，又乾又無味。另外瑤柱扒西蘭花，飄香炒飯及甜品芒果布甸則不過不失。