綠田園

公司的所謂Community Day，其實係半日outing去粉嶺"綠田園"學有機耕種，出去食個buffet然後放你半日假。

8:15am於其中一個集合點金鐘出車，坐差不多一粒鐘入到粉嶺"綠田園"。地方比想像中簡陋，其實只係一大塊田地，搭兩個露天棚比人學集/實踐耕田樂。

因為明知會曝曬半日，大家都全附武裝出動："燒焊"太陽帽，太陽傘，防蚊貼隨處可見，當然每人都會自備一枝水旁身；響應環保，問梁師奶借個水壺用一用。

講解者都算幾風趣，聽d咁悶既題材都有笑位，利害。

其實所謂既耕田實習，只係每兩三人一組，響一個比山墳還細既位去學翻泥播種；種既係生菜種子。柴娃娃半個小時內完事。

烈日當空，之後既參觀都係周圍兜左個細圈，講解唔同肥料(花生敷，牛骨粉等)，圍欄邊膠樽同吊在樹上閃令令CD既作用。兩個多小時，唔駛落田插秧，曝曬程度比想像中少，但都應該秋天黎會好些。

黑草羊

紅蜻蜓

樹上熟：矮瓜，辣椒，大樹波羅

咁茂盛既白花，原來係誤墮肥料槽努生既孱菜