咎由自取

烏烏今次頸痛發作，攪咗成個月，又針灸又頻頻睇獸醫，情況未見改善，反而痛得密咗。
唔關獸醫事，係個衰仔自己攞嚟衰。

點解？

佢尋晚針灸咗，以為舒緩啲，止痛藥已拿了液體，撈落粒粒比佢食，佢好似怕我哋毒害佢咁，將啲粒粒"fik"落地慢慢挑。平時食一分鐘嘅粒粒，食足十幾分鐘！

瞓咗一覺本來精神好地地，又係唔肯食藥大力"fik"個頭，結果唔痛變劇痛，又震又流口水，我硬用針筒射止痛藥入去，佢捱了個多小時先無咁辛苦。

呢啲唔係自己攞嚟衰係咩？

佢早上比梁師奶足足訓話咗個多小時，話太種佢攪到佢咁任性喎。