超的式宮崎牛@The SUN

似乎每次搭完長途機返黎都會"領野"，呢兩日發燒發冷，星期五朝仲忍唔住放左自己半日假繼續訓添。

下午好少少死返公司；月頭月尾大把report要交。

放工約左臣哥出銅鑼灣The SUN試一試個和牛menu。揀左既3款唔同部位既宮崎牛鐵板燒，結果實物比睇相細好多；每款4片，只係比張SD card大少少，盛惠$138。

其他既北海道斧飯，三文魚刺身，芒果牛油果卷，醬燒魷魚，雜錦串燒等都係一貫水準。

眼見隔離枱枱都叫既小小玻璃瓶裝芒果布甸，哥仔明明極飽都好奇點解個個都點，結果比我勸止；佢咁高就有quota啫，但我就唔可以過食啦。仲有澳門同台灣之旅黎緊呀。