都唔知算工幹定放假

一朝早舞住部 laptop，load晒 D presentations落去同埋部Sony T1 Image Transfer 既 software (咁可以悶悶地喺酒店upload D相上Blog or MSN Space）。最緊要試埋 VPN（全靠佢至可以access公司既Groupwise Email; 唔駛返工清得咁辛苦），所以同房既Debbie會晚晚見到我黐住部腦。帶晒Devon既新卡片，完全工幹Feel。

不過後日參觀完蘇州廠後，重遊拙政園（希望睇到靚靚紅葉啦），同星期六公司司機會車我地去上海市內觀光，都好似放假咁。當然心情會同奶奶佢地去東京充電係完全兩回事。絕對可以想像返到黎會仲攰過而家。

整個下午埋頭埋腦pack左大部分私人野。都成６大箱架。鬼叫我擺咁多野喺公司咩：漫畫，日劇，言生同F4既東東，連鞋都好似有５對以上。如果有朝一日阿Paul抄我，要我馬上執野，佢一定對我呢６大箱野嘆為觀止。

返到屋企都係執野，不過係呢幾日既行裝。好似帶唔同既chargers (iPod, Sony T1, K750, laptop)仲多過帶衫。

唔期待呢幾日，不過行開吓都係好既。