F4 Forever 4 Concert記招@ apm

無諗過concert記招會喺apm呢ｄ咁open既地方攪。2:30pm去到會合Annie & Moly佢地，死霸住Food Court對面欄杆位。









好彩apm要閃開買水飲同去廁所都好方便。唔駛日曬雨淋。

呆等左５粒鐘，真係好耐都無試過為左見言生企咁耐。到7:30pm四子上台時，我身後已經有３叢人啦。









Annie混左入去扮文字記者，所以可以近距離撈到佢地４個。Charlotte 7pm收工由君悅飛的士過黎，剛剛趕得切。我地幾個由第３層望落去， 睇到但唔會太清楚。好彩有個大電視，可以見到佢地ｄ表情。









個記招只係半小時。之後無耐再出返黎，做左15分鐘媒體訪問至收檔。 我地仲衝埋落去吉之島下面睇住佢地上車，阿V拉開左簾同我地揮手添。

又攰又餓，去返平安夜食過既Teppan醫肚。食完見個台仲未收，柴哇哇地成班去影張合照。

真係好耐無追星啦。