撲早機返黎唱Noon K

因為要趕8:40am既飛機返香港，6am天都未光就要離開酒店。余經理跟住我癲，累到佢連早餐都無啖好食，真係有d過意唔去。

12pm返到屋企，真係凳到未坐暖，就仆出去搵Annie唱K。今日係佢牛一，反正兩條女都放下晝，當佢陪我或我陪佢都好啦。

閒日下午Noon K真係勁抵：銅鑼灣信和Neway，$59+10%包兩杯drink無nuts無果盤，就可以唱2.5hrs。

Annie就好耐無唱K喇，我都大大話話成兩個月無唱囉。當然呢d場合，我就搖身一變做咪霸，Annie無奈地被迫聽左兩粒鐘。

今次連阿仔「深情密特碼」既片尾曲"熟悉的溫柔"都有(不過睇黎係佢番dup，因畫面唔清)！