上閤屋

因為頭兩晚book唔到101內既Wasabi，即管一試奶奶同Annie都推介過，為於NEO19 三樓既上閤屋。









8:30pm入座，HK$200左右可以比你食足兩小時。個場非常大，食物種類亦都算多；魚生生蠔、長腳蟹鍋、原條蒸細海斑，乜鬼都有。但枱與枱之間太迫硤，坐得唔舒服。

因為有好多野係即叫即整，每張枱都有數個印有枱號既鐵夾，可以放響想食既野前面，煮熟後就有條女送到黎。理論上好似幾好，但mechanism比較複雜之餘，會攪到滿枱都係碟，而人手收碟亦都收唔切。一個字：亂。

如果你問抵唔抵食，算抵食；但真係無乜特別。下次黎台北個胃有quota都寧願試第二d新野。