Sogo Cafe









做完body massage趕出老銅約左奶奶，Connie & 阿二去崇光B2 Sogo Cafe食晏。阿二結果都無返到上去陪條仔，真係唔好意思，為左星期五晚陪我，阻佢地二人世界添。

Connie上個週末去越南聽阿Rain既concert，坐到前排第三行，接到佢拋落台條汗巾(雖然馬上被隔離搶左)，又住埋同一間酒店......可想而知佢一定暈晒大浪，興奮地同我地講佢既追星之旅。發覺Connie越來越有超級粉絲Annie既影子添。

Lunch set大多係扒類，$120-$140左右。我叫左個羊扒，份量唔細，味道不過不失啦。都係志在唔駛同人逼，有個地方落腳吹吹水。

下次應該去「虞家媽媽」，始終都未食過佢既正餐。