秘技

就係一個下午5個雪糕!!

從來都係食冰能手(水籟既近親，哈哈)。所以響京都見到咁多地區限定既味道，完全失去自制能力要表演呢項特異功能。
山坡上小雪糕店內先殲滅左個"柚子豆腐"味，見Jeffrey食既"黑豆味"都好香，又即場隊多個。我清埋個cone阿二都仲係食緊第一個。
遊完寺出黎見到有春限定既櫻花，又黎個"櫻花綠茶Mix"。當時班女已經有d目定口呆。

行到斜坡底又見到間勁型仔黑芝麻專門店，怕增磅既我有一刻猶豫，但身邊班魔鬼話食3個同4個已經無乜分別，於是......黎一個黑芝麻。

最後就係去埋祇園後奶奶帶路，附近既「都路里」係抹茶既老店。所以我地叫左個綠茶 soba套餐，內附雪糕。

小朋友真係唔好亂學，叔叔係有練過架。