心齋橋/道頓崛

大阪遊客必到，人頭湧湧得黎，又比東京老套。食市臨立到花多眼亂既地步。周圍不時聽得到廣東話，國語，韓文。

著名地標就係巨型既「固力果」招牌。同北海道既狸小路一樣，都係商店街一條，只不過係d貨叫variety多d咁解。街口竟然比我地撞到當地拍廣告添。
一到步就行去幾年前同Connie黎過，一試難忘既「金龍拉麵」。半露天既隔局，自助到門外售票機買票(得兩種選擇，普通或叉燒拉麵)。豬骨奶白色湯底，counter旁有三個醃菜適隨專便。唔知是否尋晚剛食過拉麵有比較，總覺得今次遜色左。
食完拉麵，再行過對面有名既「日本一」八爪魚燒。因為係下午5點，所以唔駛排左好耐就買到新鮮熱辣辣既一客10個。無香港咁甜，而且裡面八爪魚有半節手趾公咁大粒。