迷失西灣河
約左Upjohn班女晚飯，諗無可諗既情況下，book左西灣河既「中意仿」，以為佢地會欣賞盤款式多多既迷你甜品，點知：

Marinda & Mion一出地鐵就兜錯路，結果行左大半個鐘先到；坐低已經一肚氣。

叫左5人餐，即有5個菜：鹽燒三文魚腩，荵爆基圍蝦雞丁，蕃茄奶油汁燕麥球，南瓜汁直菇肉排，馬蹄燴時疏......碟頭唔大，但對我呢排要食草黎講，就岩岩好。阿二利害到吞得落兩碗飯先更拍爛手掌啦。

甜品時間，我叫左熱既杏仁腐竹白果(內服SKII)。最特別係有一款外表似隻蛋，剝殼後內裡係雲喱拿布丁扮既蛋白，同芒果蓉扮既蛋黃；考功夫之餘味道唔錯。不過似乎只有我同Suki兩個欣賞佢d甜品，另外3位都係一路食一路彈。

比起之前佢地揀某d cheap cheap酒樓，酒樓格局但茶餐廳質數，都唔算難食啦。唔通佢地對呢間野既期望過高？