相濡以沫

無意中睇左一陣無線做既回歸特輯"拾年"，講述創辦樹仁大學既86歲女校長鍾期榮，同陪伴左佢大半世，結婚62年既校監兼丈夫胡鴻烈，點樣為左一個辦學既理想，奮鬥數十年，終於2006年樹仁由學院被升格至大學既故事。

奮鬥固然值得敬佩，更令人感動既係校監丈夫點樣無微不至地照顧2001年中風，不良於行既校長。見到佢為愛妻訪問途中抹滴在心口既口水，真係一個好男人既典範。

最應景係片尾播既"陪著妳走"，我諗整個節目，樹仁係一個舞台，呢兩位"執子之手，與子偕老"既老人先係主角。