拉隊踩東區

最後一日開會，4pm已經完喇。約埋下午飛機剛到既余經理，再加三舅父同新加坡3位同事，5pm早少少去忠孝敦化既「鼎泰豐」試小籠包，A菜，原盅燉雞湯/牛肉湯，同鮮蝦蒸餃。呢個時間食雖然有d早，但總好過門口大排長龍。

當然唔會放過對面既「度小月」啦。班同事似乎對呢度既擔仔麵，肉燥飯，蝦肉圓，龍鬚菜，鹽酥蚵仔等台南地道食品都讚不絕口。

飯後帶佢地行東區地下街落一落隔，到忠孝復興站既Sogo逛左一陣超市，哈哈，無錯，第3餐「牛角」燒肉來了。

呢一餐係特別為余經理而設，雖然此店係日本連鎖開過黎，但好似台灣分店比日本醃得更好味呢。3餐落黎，都只係八點多，我地就已經打道回府。