色，戒
實在太太太太無聊，雖然早前阿丁同Connie都話有興趣睇呢套戲，但又無理由叫佢地山長水遠入黎將軍澳睇戲架(車費時間都蝕埋)，所以都係決定獨自"享受"呢套三級片。

樓下MCL將軍澳，9pm。

自威尼斯得獎後，無論電視同雜誌都狂谷宣傳。雖然用片內梁影帝同湯唯既激烈床戲作為賣點，但其實張愛玲既story line更吸引：愛國少女色誘大漢奸，結果動左真情放佢一條生路，此舉送自己上死路。

歷史亦好似真有其人。

以新人黎講，湯唯演得甚至比章子怡出色。李安亦一洗"臥虎藏龍"同"斷背山"既隱隱晦晦，拍一套比較直接既戲。不過講真，兩個半小時既戲，真係有d長；前段節奏可以快d。