大補帖

Ivan尋日交帶落既further analysis，攪到我今朝要晨早7am返工搏鬥。

成日落黎，默默做左13hrs數，個net sales vs customer offtake analysis越做越深入，越深入就越難解釋。

中間再加插白宮痔瘡膏既近期事件，雖然Kenny都盡晒力幫我做分析，心浮氣燥既我，今日都忍唔住喝左佢兩句；真係唔好意思，聽日牛一既佢，更加要買個蛋糕補飛啦。

Martha都默默幫我頂左好多野，大家都做到一個頭兩個大。

8pm，做唔晒都留待聽朝早d返去再續；差不多逃一樣離開公司。

好彩梁師奶今晚教會有例會開，唔會等我開飯。就算夜左都好想見吓隻臭烏，雖然佢唔多騷我又整一大灘尿我抹，對左佢一粒鐘後，本來身心疲累既我，都好似開懷左好多。

狗仔真係人類精神上既"大補帖"。