帶梁師奶闖深水埗

重陽節如常同師奶大清早8:30am開始走訪三個憤場，橫掃9個墳。以我既腳步加效率，11am就已經可以收工。

回程地鐵經過深水埗，靈機一觸叫師奶落車，扮晒地膽咁帶佢去「譚仔」食麻辣米線。哈，5小辣已經食得佢條脷無晒知覺(其實係佢屎，碗麵真係唔太辣)；再加個唔辣但香口既"新疆香草雞翼"。食後師奶話好似感覺個人清爽左，可能平時佢食太多生果，濕氣重，食辣剛好平衡番云云.....

食飽飽帶佢轉個彎行去「坤記」買白糖糕同芝麻糕，再過兩個街口去汝州街帶佢逛逛d DIY手作仔舖頭，兼買左兩碼粉紅絲帶。

佢似乎好想試卡生介紹過既鮮茄湯飯，下次吧，清明再黎囉。