到步
到達多倫多Pearson機場，因為早咗到步，所以要等舅父舅母15分鐘。

再次踏足多倫多，每一處都似曾相識，因為呢度真係無乜點變。

舅父駕駛老豆臨走時送佢既Ford Winstar 7人Van過黎接我地。對上一次返黎，呢架車剛落地，家陣再次坐上，司機已經由老豆變成舅父。
外公同舅父舅母住獨立屋，外婆同阿姨則住隔兩個block既大廈apartment。梁生梁太以前都有層樓響樓下一層同一單位，後來回流時賣左比阿姨收租。

我呢3日會跟阿姨住，出入方便d。

見過外公外婆後，家陣當然係jet lag。希望聽日出去時唔會烏吓烏吓。