筵開4席宴裕利

除左去年無請外，過去幾年年尾我地都有大宴裕利serve開我地既員工。

今年Ivan話一定要攪，所以於太古城西苑訂4圍，邀請埋John同Ivan飛落黎食番餐，順便介紹比佢地認識。

我就同阿John夾住裕利個Chief Executive Fred坐，滿場飛既"重任"，就交比余經理。

受智慧牙痛困擾既臣哥，都因為今晚餐飯，帶住微腫既面額，延遲至聽日至去拔牙；認真比面。

味道都係咁上下啦，西苑出品，唔會太差，亦無乜驚喜。可能最開心係Martha，因為有佢至愛既蟹鉗。

7點多開始，上菜頗快之故，9點多就散席；好呀，因為我同余經理仍有"下文"。