阿二的午市喜酒

12月開始變身空中飛人既我，終於都有時間出黎見朋友。

雖然泰國返黎傷風返發，咳到欲仙欲死，但放工照出去世貿「魚一丁」同Upjohn班女聚一聚。

新裝修感覺闊落坐。餐牌同之前差不多，一段時間無黎，反而有新鮮感。比較特別係臨尾點既雪場蟹粥，雖然$98，但一大鍋上滾起打兩隻生蛋，有ｄ日本蟹宴feel。不過燒花魚虛有其表，有ｄ腥之餘，肉質同北海道相差甚遠。

明知下個月好難見阿二，提早送日本精心挑選既心型滑鼠生日禮物比佢；以為咁姣思頓篤實岩阿二，不過佢似乎唔多欣賞呢！

下個月生日正日註冊既阿二，原定下午既"Cocktail"越玩越大，演變成下午酒樓擺酒！婚紗晚裝燒豬至百年好合美點相輝樣樣齊。原本諗住夾份送禮，家陣直頭當去飲咁做人情啦。