Agnes b本店午聚

就黎返加拿大既Shirley，聽日連同Charlotte去新加坡，之後輪到我去曼谷，睇怕都要明年見。所以今日就算完全失聲，都約佢兩姊妹，連同Annie去b記餐廳食個晏。

3間之中，我最鍾情裝修特色既禮頓道本店；其他兩間分店deco實在太過generic。

雖然Agnes b既ami card無優惠，但$128-168兩個course set lunch加咖啡，無收加一又唔算貴。加多$30可自選甜品添。

我就點左個海鮮奶油汁酥皮盒頭盤，主菜係Daily Fish：原條龍利柳卷。外加特價cocktail同甜品：朱古力栗子慕絲蛋糕。唔算特別貴，味道亦不過不失。

最邪門係又再碰到同一個餐廳經理；呢條友無論我去本店，京士頓街同又一城分店都見到佢，如果唔係今日我慘變啞巴，真係要問問點解會咁岩架。